Фудбал

Навивачите на Валенсија се незадоволни што натпреварот против Барселона ќе се одржи на стадионот „Јохан Кројф“

Здружението на навивачи на Валенсија издаде соопштение во врска со фактот дека 4. коло од Шпанското фудбалско првенство против Барселона ќе се одржи на стадионот „Јохан Кројф“, а не на „Камп Ноу“.

Каталонскиот клуб немаше време да ги добие сите административни дозволи за враќање на својот стадион, бидејќи реконструкцијата сè уште не е завршена.

- Сакаме да изјавиме дека, за жал, пет дена пред натпреварот, беше донесена одлука тој да се одржи на стадион кој не ги исполнува прописите на Ла Лига, кои наведуваат дека во првата лига стадионот мора да има капацитет од најмалку 15 илјади седишта. Натпреварот ќе се одржи на стадион со 6.000 седишта.

Исто така, веруваме дека навивачите повторно не се земаат предвид ниту при организирање на нивното патување однапред, ниту при добивање билети за овој настан. Ла Лига е доста отфрлачка кон нашите навивачи, што секогаш им користи на истите луѓе, а ние сме уморни од несогласувањата меѓу различните тимови. А ова секогаш ги засега клубовите и навивачите, се вели во соопштението за медиумите.

Натпреварот Барселона - Валенсија ќе се одржи в недела (14 септември).

Тагови: БАРСЕЛОНА

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Од утре парно – ниските температури порано ја почнаа грејната сезона

Два дена пред официјалниот почеток на грејната сезона, односно утре, корисниците приклучени на системите за греење со кои управува ЕСМ, ќе добијат парно греење.

Причината, велат од ЕСМ, е најавената средна надворешна температура од 12 целзиусови степени, со што се исполнуваат условите за испорака на топлинска енергија.

- Според податоците од Управата за хидрометеоролошки работи (УХМР), за 13 октомври е прогнозирана средна надворешна температура од 12 °c, со што се исполнети условите за производство, испорака и снабдување со топлинска енергија, согласно одлуката на РКЕ. До 15 октомври, на веб-страницата на ЕСМ снабдување секојдневно ќе се објавуваат информации за тоа дали се исполнети условите за испорака на топлинска енергија за наредниот ден – информира денеска АД ЕСМ.

Оттаму посочуваат дека според правилата, во месец октомври и првата половина од ноември, кога временските услови често се менуваат, снабдувањето со топлинска енергија ќе зависи од температурата на воздухот и атмосферските услови во различни периоди од денот, односно кога температурите се пониски, испораката на топлинска енергија се зголемува, а кога се повисоки, се намалува.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

СДСМ: Арамијата Мицкоски повторно зборува бајки за платите а не даде поддршка за минимална плата од 600 евра

Нова бројка. Нова бајка на арамијата Мицкоски.

Најавува 1.000 евра плата.

Во Собрание не прифаќа 600 евра минимална плата ама надвор сака да раскажува бајки.

Додека работниците едвај врзвуваат крај со крај има ново прзно ветување ама нема решение.

Просечната плата не се зголемува со говор.

Животниот стандард не се подобрува со бајки. На работникот му треба повисока плата на сметка денеска. Му требаат пари за храна, за сметки, за своите деца.

СДСМ поднесе предлог за минимална плата од 600 евра.

ВМРО-ОКГ не го поддржа. Руската Левица не беше во салата. ЗНАМ не даде глас.

Кога требаше да се застане зад работникот, поддршката изостана од Мицкоски, ВМРО, и нивните сателити како ЗНАМ и Левица.

Толку од бајките на Мицкоски и неговите сателити на далечинско.

Граѓаните живеат тешко. Работниците едвај го поминуваат месецот.

Две минимални плати не ја покриваат ниту скратената владината кошница. Синдикалната кошничка со кирија надминува 90.000 денари.

Храната е прескапа. Горивата до плафон. Платите не стигнуваат ниту до средина на месецот.

Ребалансот е потврда за целиот дебакл на економските политики на Мицкоски. Втор ребаланс за само две месеци како признание за промашувањата.

Нема пари за плати, нема за пензии, нема за работниците, дупката е 900 милиони евра, за пензиите фалат 1 милијарда евра. Целосен дебакл.

Затоа се трупаат нов и долгови врз грбот на народот.

За само 2 години Мицкоски го зголеми долгот за 4 милијарди евра.

Не за поголеми плати и пензии, туку за криминални тендери.

На бајките на арамијата нема крај. Сметката ја плаќа народот.

Прес конференција на СДСМ, Маја Серафимовска -Борозан

Скопје, 12.10.2026

СДСМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

МВР: Ива Михаилова е на Стоп-листата, нема евидентиран излез од Македонија

Министерството за внатрешни работи изврши проверки во системот за гранична контрола, при што е утврдено дека за лицето Ива Михајлова, за кое е во сила активна судска забрана, нема евидентиран излез од територијата на Македонија.

Дополнително, преку Заедничкиот контакт-центар со Република Бугарија, извршени се проверки и од страна на бугарската гранична полиција, од каде што е добиена информација дека за наведеното лице нема евидентиран легален влез на територијата на Република Бугарија.

Според податоците од граничните евиденции, лицето последен пат остварило влез во Република Бугарија во септември 2025 година, додека во октомври 2025 година е евидентиран негов излез од Република Бугарија, односно влез во Македонија.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.