Здравје

Науката потврди: Мажите се посилниот пол

Научниците конечно ја решија вечната дилема и прашањето: Кој повеќе и поинтензивно чувствува болка - мажите или жените?

Жените посилно чувствуваат болка, според истражувачите од Русија. Постојат неколку причини за ова: Половите хормони се делумно одговорни, а делумно и начинот на којшто делува имунолошкиот систем на понежниот пол, а тука се и општествените улоги на жените, како и етничката и културната припадност, пишува „Комсомолскаја правда“.

Каква улога игра тестостеронот во чувството на болка?

Тестостеронот има својство да ја регулира толеранцијата на болка и ова е, на некој начин, предност, или „дар“ на еволуцијата. Благодарение на него, мажот се прилагодил на условите на животот - дури и сериозно ранет при лов, се наведува, тој морал да се врати дома со уловот, бидејќи тоа бил единствениот начин семејството да преживее.

Поради потребата женското тело постојано (во просек еднаш месечно) да го обновува ендометриумот за време на менструалниот циклус, женското тело испушта повеќе воспалителни медијатори, коишто помагаат на „повреденото“ ткиво да заздрави. Сепак, присуството на овие соединенија ја зголемува чувствителноста на болка, предизвикувајќи отоци и воспалителни процеси.

„Оваа биолошка специфичност има уште еден недостаток: Поради сѐ тоа, жените се и посклони кон автоимуни болести“, се нагласува во написот.

Социјални улоги и нивното влијание

Жените често се перцепираат како послаб пол, што им овозможува повеќе да ја демонстрираат својата понежна, почувствителна, емоционална страна - тоа, како што вели психолог Марија Дуванскаја од рускиот Пермски универзитет, е и општествено прифатливо.

- Како резултат на тоа, жените си создаваат помала толеранција на физичка болка. Покрај тоа, перцепцијата на болката е под влијание и на културните норми: Во источните земји, каде што се цени стоицизмот, прагот на болка е повисок отколку во западните земји, каде што е генерално прифатено отвореното изразување на емоциите, вели Дуванскаја.

Такја, во Јапонија и Кина, на пр. луѓето се, по правило, поиздржливи, отколку на Западот, на пр. - Шпанија и Грција, каде што, вообичаено, отворено се изразуваат емоциите.

Тагови: жени Мажи

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Љупчо Пренџов избран за заменик на генералниот секретар на ВМРО-ДПМНЕ

Пратеникот Љупчо Пренџов е избран за заменик на генералниот секретар на ВМРО-ДПМНЕ, Драган Ковачки. Одлуката ја донел партискиот Извршен комитет на седницата одржана на 12 ноември, објави Пренџов на Фејсбук.

Тој му се заблагодари на лидерот Христијан Мицкоски за довербата и на членовите на Извршниот комитет за поддршката, оценувајќи го изборот како ново поглавје во својот политички ангажман.

„Довербата е обврска. Одговорноста е да се оправда со работа и резултати“, напиша Пренџов.

Пренџов претходно беше организациски секретар на Граѓанската опција за Македонија (ГРОМ), а во март 2017 година беше избран за потпретседател на таа партија. Во Собранието влезе во 2020 година како претставник на ГРОМ, од листата на коалицијата предводена од ВМРО-ДПМНЕ.

Драган Ковачки беше избран за генерален секретар на ВМРО-ДПМНЕ на 6 февруари годинава, кога Централниот комитет го избра и новиот состав на Извршниот комитет.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Ракомет

Во сабота во малата сала на СЦ „Јане Сандански“ ракометно дерби, Вардар- Алкалоид

Во сабота нè очекува уште едно големо ракометно дерби – Вардар против Алкалоид. Видеолотарија и навивачите со силна подршка на трибините за црвено-црните.

Дерби-натпреварот меѓу Вардар и градскиот ривал Алкалоид, закажан за сабота, 14 ноември, со почеток во 18:30 часот, ќе се одигра во СЦ „Борис Трајковски“, наместо во малата сала на СЦ „Јане Сандански“.

ВЛТ е со Вардар! Ги повикуваме сите навивачи во сабота да бидат дел од црвено-црната енергија и со гласна поддршка да му помогнат на тимот во дербито.

Вардарци, се гледаме во СЦ „Борис Трајковски“!

Тагови: РК Вардар

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

СДСМ: Мицкоски панично ја брани Алта банка – Савески веднаш да постапи по кривичната пријава против Славески!

Колку повеќе прашања за одговорност се отвораат за Алта банка, толку по панично Христијан Мицкоски ја брани.

Од што се плаши Мицкоски најмногу? Од вистината.

Од тоа што ќе го покажат документите за влезот на Алта банка во Македонија, што ќе се откие потеклото на капиталот, трансакциите и сметките и ќе ги потврдат неговите врски со криминалниот картел на Вучиќ.

Мицкоски и Трајко Славески ја донесоа Алта банка во Македонија, ја внесоа пералницата на пари на Вучиќ.

Славески јавно призна дека одлуката ја донел по консултации со Мицкоски.

Во Србија има истрага, Алта банка е под стечај, сопственикот е приведен, се истражуваат 380 милиони евра. Дури се споменуваат сомнежи и за печатење пари.

Во Македонија граѓаните не можат да дојдат до своите пари а Мицкоски и Славески сакаат да го заташкаат скандалот за да се спасат од одговорност.

Обвинителот Ненад Савески треба да го прекине молкот и веднаш да постапи по кривичната пријава што ја поднесе СДСМ.

Гувернерот Трајко Славески има директна одговорност.

Основани се сомненијата за несовесно работење во службата и злоупотреба на службената положба и овластување при одобрувањето на преземањето на банката и спроведувањето на надзорот.

Зошто не биле направени потребните проверки на сопственикот Давор Мацура, потеклото на капиталот за кој има инофрмации дека е од криминал и дрога, зошто не се пресметале ризиците?

Савески треба да преземе мерки на претпазливост, вклучително привремена забрана за вршење на должноста на Трајко Славески, за да се спречи влијание врз сведоците, уништување на документацијата и доказите.

Обвинителството мора да покаже дека работи независно и по закон.

Скандалот со Алта банка нема да се заташка. Правдата доаѓа.

Од Мицкоски до Славески – сите ќе одговараат!

Скопје, 13.11.2026 година

СДСМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.