Научно откритие: Батериите наскоро би можеле да траат 10% подолго - Канал 5

Научно откритие: Батериите наскоро би можеле да траат 10% подолго

Литиум-јонските батерии сè уште се предмет на постојано истражување, во обид на експерти да ги подобрат перформансите на уредите.

Научно откритие: Батериите наскоро би можеле да траат 10% подолго

Како дел од овие напори, истражувачите од Универзитетот Далхаузи во Канада открија ново економично решение за продолжување на животниот век на батеријата.

Тие откриле дека лентата од полиетилен терефталат (PET), која ги држи сите компоненти на батеријата заедно, е подложна на растворање поради хемиски реакции во батеријата. Ова не само што го намалува капацитетот на батеријата со текот на времето, туку и доведува до значително губење на енергија кога не се користи.

Истражувачкиот тим се фокусираше на замена на лентата од полиетилен терефталат (PET) со полипропиленска (PP) лента како материјал за поврзување за склопување на батериските ќелии.

Резултатите беа импресивни - се покажа дека перформансите на таква батерија биле подобри за 10%, додека празнењето кога батеријата не била во употреба е намалено и до 70%.

Иако ова истражување треба уште еднаш да се провери, фактот дека „PP“ лентата чини речиси исто како и досега користената „PET“ лента, може да донесе вистинска мала „револуција“ во областа на електрониката, пренесува веб-страницата „Android Headlines“.

Потенцијалот за значително продолжување на траењето на батеријата и намалување на само-празнењето, заедно со економичноста, може да ги поттикне големите брендови брзо да прифатат „PP“ лента, а со тоа да го продолжи животниот век на новите уреди.

Извор: Б92

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Украински дронови погодија голем петрохемиски комплекс во Русија

Украина извршила напад со беспилотни летала врз еден од најголемите руски петрохемиски комплекси во Нижнекамск, град во Република Татарстан, објавија украинските медиуми.

Украински дронови погодија голем петрохемиски комплекс во Русија

Во нападот биле повредени три лица, соопшти регионалното министерство за здравство. Властите не објавија детали за тоа кој индустриски објект бил погоден. Снимки од голем пожар се проширија на социјалните мрежи во Русија и Украина. Според тие извештаи, пожарот избувнал во фабриката „Нижнекам-Сне-Фтехим“, во чиј состав има и рафинерија за нафта. Поради оштетувањето на објектот што снабдува со електрична енергија и дел од железничката мрежа, железничкиот сообраќај бил привремено прекинат.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Маж загина во пожар во барака во скопски Жданец

Маж загина во пожар што доцна синоќа избил во барака во скопската населба Жданец.

Маж загина во пожар во барака во скопски Жданец

Од МВР информираат дека бараката, сопственост на 56-годишен скопјанец целосно изгорела, а дека откако огнот бил изгаснат, во објектот биле пронајдено тело на починато машко лице. Од Центарот за управување со кризи информираат дека во гасење на пожарот кој избил половина час пред полноќ, интервенирале 19 пожарникари од Скопската противпожарна бригада со седум противпожарни возила. Засега не се познати причините за пожарот.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Кедев се впиша во Гинис како највозрасен човек во светот што ги искачил сите 14 врва над 8 000 метри

Македонскиот кардиолог и планинар Сашко Кедев влегува во гинисовата книна на рекорди како највозрасен човек кој стигнал до највисоката точка на сите 14 планини во светот повисоки од 8 000 метри.

Кедев се впиша во Гинис како највозрасен човек во светот што ги искачил сите 14 врва над 8 000 метри

Кедев имал 63 години и 14 дена кога на 20 јули 2025 година се искачил на „Гашербрум 1“ во Пакистан. Со искачувањето на овој врв, висок 8 080 метри, стана и првиот Македонец што ги искачил сите 14 врва над 8 000 метри. Прв на неговата листа беше највисокиот врв на светот, Монт Еверест, на кој Кедев се искачи во мај 2009-та година.

Во јули 2022 година, во растојание од само една недела, ги искачи Ка-2 и Броуд Пик. Искачувањата на Кедев ги потврдил Еберхард Јургалски, консултант на Гинис за планинарски рекорди. Гинис му припишува на Кедев уште едно постигнување. Тој е и највозрасниот човек кој ги исполнил двата планинарски предизвика – ги искачил сите 14 врва над 8 000 метри и највисокиот врв на секој од седумте континенти. Континенталната седумка ја заокружи уште во 2011 година, со искачувањето на Пунчак Џаја во Океанија.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер