Научно докажано : И мачките може да се заразат со коронавирус

Мачките можат да се заразат со новиот коронавирус, а се чини дека кучињата не се подложни на инфекција, според студијата објавена вчера , што ја иницира Светската здравствена организација.

Според студијата објавена во средата на веб-страницата на „Science“, и куните можат да бидат заразени со вирусот на болеста Ковид-19 ,САРС-КоВ-2.

Кучињата, кокошките, свињите и патките не се веројатно кандидати за инфекција со овој коронавирус, соопштија научниците по двомесечната студија.

Целта на студијата била да се открие кои животни се изложени на ризик од заразување на вирусот за да можат да се искористат за тестирање на вакцината за борба против пандемијата Ковид-19, која однесе 90.000 човечки животи низ целиот свет од декември 2019 година, кога се појави во Кина.

Се верува дека SARS-CoV-2 се раширил кај лилјаците. Освен неколку случаи на зараза  на мачки и кучиња, засега нема докази дека можат да бидат заболени миленичиња.

Во неделата, тестирањето покажа дека тигарот во зоолошката градина во Њујорк во Бронкс, кој започнал да кашла и го изгубил апетитот по контакт со заразен чувар, е позитивен за коронавирус.

Една студија спроведена во Кина во јануари и февруари откри дека мачките и куните биле многу подложни на инфекција со вирусот кога научниците се обиделе да ги заразат со заразување преку нос.

Откриле и дека мачките можат да се заразат едни со други со капки преку дишење. Инфицираните мачки го имале вирусот во усната шуплина, носот и тенкото црево, а мачиња изложени на силно влијание на вирусот имале лезија на белите дробови, носот и грлото.

„Откривањето на САРС-КоВ-2 кај мачките треба да се смета како дел од напорите за елиминирање на заболувањето на Ковид-19 кај луѓето“, велат авторите на студијата.

Кај куните, вирусот е откриен во горниот респираторен тракт, но не предизвикал сериозни симптоми.

Тестирањето на кучиња за антитела покажало дека тие се со помала веројатност да се заразат , како и свињи, кокошки и патки, кои биле изложени на вирусот, но во ниеден случај не биле позитивни за вирусот.

„Исто така е интересно и не е премногу изненадувачки со оглед на оригиналната епидемија на САРС во која цибетката (куна) може да биде една од носителите на епидемијата на човечките вируси“, вели Даниел Курицкес, шеф на одделот за заразни болести во Бригам.

„Ова истражување ја поддржува препораката луѓето со Ковид-19 да бидат изолирани не само од сите членови на домаќинството, туку и од домашните миленици за да не го пренесат вирусот на миленичиња, особено мачките“, вели тој.

Светската здравствена организација (СЗО) вчера објави дека сега поблиску ќе ја разгледа улогата на домашните миленици во оваа здравствена криза.

Епидемиологот на СЗО, Марија Ван Керхове рече дека врз основа на досегашните докази, „нема причина да се верува дека миленичињата играат улога во пренесувањето на вирусот врз луѓето, но луѓето можат да ги заразат миленичињата“.

Главниот епидемиолог на СЗО, Мајк Рајан ги повика луѓето да не се одмаздуваат врз животните заради епидемијата што ги погоди луѓето.

„Тие се суштества кои заслужуваат да бидат третирани со почит и љубезност. Тие се жртви како сите нас“, рече тој.

притисни ентер