Научниците во облаците откриле бактерии, отпорни на антибиотици - Канал 5

Здравје

Научниците во облаците откриле бактерии, отпорни на антибиотици

Бактерии отпорни на антибиотици се откриени дури и во облаците, носени од ветрот понекогаш на големи растојанија, открива француско-канадското истражување.

Научниците во облаците откриле бактерии, отпорни на антибиотици

„Овие бактерии обично живеат на лисјата или во почвата“, изјави вчера главниот автор на студијата Флорент Роси за АФП.

„Откривме дека ветрот ги носи во атмосферата и дека можат да патуваат на големи растојанија, па дури и да ја обиколуваат земјината топка на големи височини благодарение на облаците“, додава тој.

Со цел да се дојде до овие заклучоци, истражувачите од Универзитетот Лавал во Квебек и Универзитетот Клермон Оверњ користеа „правосмукалка“ со голема брзина за да земат примероци од облаците што се формираа над Пуј де Дом, заспаниот вулкан во централна Франција, правејќи го тоа од септември 2019 година до октомври 2021 година.

Од атмосферска истражувачка станица лоцирана на 1.465 метри надморска височина, научниците ги анализирале овие примероци за гени отпорни на антибиотици.

Облаците содржеле меѓу 330 и повеќе од 30.000 бактерии на милилитар вода, или во просек околу 8.000 бактерии на милилитар. 29 подтипови на гени отпорни на антибиотици се исто така идентификувани кај бактериите.

Со широката употреба на антибиотици во здравството, но и во земјоделството, овој тип на сој претставува „голем здравствен предизвик на глобално ниво“, се вели во студијата. Светските здравствени власти постојано ги истакнуваат ризиците поврзани со овие бактерии, кои го прават третманот на одредени инфекции сè покомплексен.

Студијата, сепак, не нуди заклучоци за можните здравствени ефекти од ширењето на бактерии кои носат гени за отпорност на антибиотици, проценувајќи дека само помеѓу 5 и 50 проценти од овие организми може да се живи и потенцијално активни.

„Атмосферата е многу сурова за бактериите, а повеќето од оние што ги најдовме беа бактерии од животната средина, со помала веројатност да бидат штетни за луѓето“, рече Флорент Роси.

„Значи, нема од што да се плашите кога шетате на дожд“, иронично додал научникот и додал: „Сè уште не знаеме дали овие гени можат да се пренесат на други бактерии“.

Сепак, длабокото следење на атмосферата може да овозможи да се лоцира од каде доаѓаат овие бактерии и на тој начин да се „ограничи нивното ширење“, сугерира Роси, земајќи ја како пример анализата на отпадните води за откривање на присуство на коронавирус и други патогени.

Студијата е објавена во мартовското издание на списанието Science of The Total Environment.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Денес без струја делови од Скопје

Од ЕВН Македонија АД информираат дека поради планирани работи на електродистрибутивната мрежа, во четврток (16 јули) без електрична енергија ќе останат дел од корисниците во општините Сопиште и Сарај.

Денес без струја делови од Скопје

Во периодот од 08:00 до 12:00 часот, без струја ќе бидат корисниците од Горно Соње, на месноста Коштан (Општина Сопиште).

Во периодот од 08:30 до 15:00 часот, прекин во снабдувањето со електрична енергија ќе имаат корисниците во селата Рашче, Бојане и Копаница (Општина Сарај).

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Хороскоп

Дневен хороскоп за 16. јули 2026 година

Дневен хороскоп за четврток, 16. јули 2026 година. 

Дневен хороскоп за 16. јули 2026 година

Рак 22.6-22.7.

Љубов

Денешните љубовни фрустрации ќе ги надминете доколку се посветите на работата или на своите хобија. Некои ќе сакаат да останат осамени.

Кариера

Од вас многу се очекува и тоа со право. Можете да се впуштите во поголеми планови и проекти без страв дека тоа е ризично. Добро ви оди.

Здравје и совет

Меланхолија.

Лав 23.7-22.8.

Љубов

Семејството од кое потекнувате веројатно од вас ќе побара дополнителен ангажман , па саканата личниост ќе остане во втор план.

Кариера

Доколку се прашувате зошто манипулаторите ви работат зад грб, ќе ја потрошите целата вишок енергија. Знаете кои се тие и затоа игнорирајте ги.

Здравје и совет

Напредувате во секој поглед.

Девица 23.8.-23.9.

Љубов

Сигурноста и убеденоста во своите идеи ќе биде вашата главна идеја што ќе ве води во љубовните освојувања.

Кариера

Работата денеска ќе ја одрабиотувате со леснотија , а по одреден број часови на работното место , со голема радост ќе побрзате на некоја забава.

Здравје и совет

Подобрување.

Вага 24.9.-23.10

Љубов

И денеска е одличен ден за дружење и за зближувања. Одвојте дел од слободното време и излезете меѓу луѓе.

Кариера

Ништо нема да ви биде тешко кога станува збор за работата. Нема да се двоумите , ако треба да го подметнете грбот.

Здравје и совет

Посилни сте од ден во ден.

Шкорпија 24.10-22.11.

Љубов

За оние кои бараат сродна душа, постои голема веројатност овие денови да ја препознаат на работното место.

Кариера

На работното место ќе ви биде пријатно и ќе работите со уживање. Вашата кариера добро се развива.

Здравје и совет

Се интересирате за козметика.

Стрелец 23.11.-21.12.

Љубов

Ќе изгледа како една личност да консумирате за доручек , а друга за вечера. Решете се веќе еднаш.

Кариера

Луѓето не се кукли за ваше поигрување. Колегите би можеле да ви замерат дека кон нив се однесувате како со кукли.

Здравје и совет

Не манипулирајте со другите.

Јарец 22.12.-20.1.

Љубов

Повеќето ќе имаат потреба да влезат во домот и таму цалосно да се опуштат. Ако сте во врска, добро е , а доколку не сте , повикајте некого.

Кариера

Веројатно е дека ќе преуредувате дома , а ќе се прозевате додека сте на работното место.

Здравје и совет

Проанализирајте се себеси.

Водолија 21.1.-19.2.

Љубов

Многуте средби ќе изнудат насмевка на вашето лице. Луѓето ве сакаат , а вие самите со задоволство ќе излезете.

Кариера

Во фаза сте кога ви е најдобро ништо да не работите . Сепак , што се мора ,с е мора, па така постапете.

Здравје и совет

Бидете зрели и воздржани.

Риби 20.2.- 20.3.

Љубов

Љубовните незадоволства денеска успешно ќе ги компензирате преку други подрачја во животот.

Кариера

Пред вас е еден стимулативен ден за секаква работа. Што и да направите , ќе се развива над вашите очекувања.

Здравје и совет

Телесно сте одлично , емотивно сте празни.

Овен 21.3-20.4.

Љубов

Ќе се обидете да внесете повеќе работи во вашата врска. Тоа делумно ќе го подобри вашиот однос , но треба уште да поработите на него.

Кариера

Ќе ги разгледате новите финансиски опции за вложувања. Одлуката за тоа сеуште нема да биде кристално јасна.

Здравје и совет

Внимавајте на главата.

Бик 21.4- 20.5.

Љубов

Ќе успеете да се договорите за повеќето работи , благодарејќи на разбраниот пристап од двете страни.

Кариера

Ви се отвораат нови патишта и можности за соработка со деловни партнери од странство. Анализирајте ги можностите.

Здравје и совет

Поместете ги своите граници.

Близнаци 21.5.-21.6.

Љубов

Денеска секако излезете зашто е можна средба за паметење, а некои би можеле и да се заљубат.

Кариера

Ќе ве интересира се што е креативно и што во себе вклучува создавање. Другиот дел од работата ќе ја одработите рутински.

Здравје и совет

Концентрирајте се на позитивните работи.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Гордана Сиљановска Давкова во „Само Интервју“

Почитувани,  вечерва во Само Интервју ќе гостува Претседателката Гордана Сиљановска Давкова.

Гордана Сиљановска Давкова во „Само Интервју“

Еврокомесарката Кос дојде и си замина со истите пораки, ќе ја имаме ли истата решителност за напредок на пристапниот пат како и за Реформската агенда?

Ги афирмиравме ли нашите ставови на НАТО самитот во Анкара, на повидок ли се излезни решенија?

Треба ли или не, да се менува изборниот законик и зошто фокусот се насочи кон дијаспората? До каде сме со една изборна единица?

Има ли маневрот на Мицкоски врска со евентуални избори?

Вечерва во Само Интервју кај Гоце Михајлоски, ќе гостува Претседателката Гордана Сиљановска Давкова.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер