Здравје

Научниците утврдиле дека оздравените од корона имаат само тримесечен имунитет

Американскиот центар за контрола и превенција на болести неодамна ги ажурираа своите упатства и објавија дека оние кои преживеале ковид-19 можат слободно да се движат и да се дружат со други луѓе три месеци, пишува „Њујорк Тајмс“.

Ова е извонреден додаток на упатствата на агенцијата и првата објава дека имунитетот за вирусот трае најмалку три месеци.

Во јуни, една студија покажа дека нивото на антитела може да се намали за два до три месеци кај лица со потврдена инфекција кои имаат благи симптоми или воопшто ги немале.

Сепак, антителата сè уште може да бидат присутни на ниско ниво, вклучувајќи ги и оние под нивото на откривање.

Најновите упатства на оваа агенција одат малку подалеку.

„Луѓето кои се тестирале позитивно за коронавирус не треба да бидат ставени во карантин или да се препраќаат до три месеци ако повторно не развијат симптоми“, се вели во упатствата.

„Оние кои рецидивираат во рок од три месеци од првото појавување на ковид-19, можеби ќе треба да бидат проверени доколку нема друга причина за нивните симптоми“.

Другите коронавируси, вклучително и оние кои предизвикуваат САРС и МЕРС, имаат антитела за кои експертите веруваат дека траат околу една година. Во раните денови на ширењето на вирусот во САД, научниците се надеваа дека антителата на новиот вирус ќе траат барем толку долго.

Студијата објавена во мај открила дека луѓето кои закрепнале од инфекцијата можат да се вратат на работа безбедно, но сè уште не е јасно колку долго се заштитени.

Лекарите известија за некои случаи кога луѓето се чини дека се заразуваат втор пат по закрепнувањето од инфекција, но експертите велат дека поверојатно е дека тоа е повторна појава на симптомите отколку нова зараза.

Свет

Шест деца и тројца возрасни загинаа во израелски напад во Рафа

Шест деца и тројца возрасни загинаа во израелски воздушен напад врз куќа во градот Рафа на југот на Појасот Газа, соопштија денеска палестинските власти.

Рафа, во близина на границата со Египет, е прибежиште на повеќе од половина од 2,3 милиони жители на Газа, кои избегаа таму поради тековните борби на северот на палестинската енклава.

И покрај повиците од светот за воздржаност, вклучително и од САД, израелската Влада со недели најавува копнена офанзива на Рафа, каде, како што тврди, се кријат многу борци на палестинското движење Хамас, против кое Израел води војна од октомври. /МИА

Фудбал

Сејдини: Модерна и прогресивна федерација, тоа е целта за сите нас

Претседателот на Фудбалската федерација на Македонија, Муамед Сејдини, на денешното редовното генерално Собрание на федерацијата изрази задоволство од тоа како функционираат работите, но нагласи дека има простор за напредок.

- Ова за нас, како раководство на Фудбалската федерација на Македонија не е нов почеток, но веројатно е еден од најкомплексните периоди од работата во федерацијата. Одново да им помогнеме на другите да ја видат Фудбалската федерација на Македонија на начин на кој што ја гледаме ние. Модерна и прогресивна.

Се сметам за посветена личност, а односот кон сите обврски во изминатата година даваат оцена и приказ за мојата работа, но и работата на целата федерација. Сметам дека многу работи во нашата Фудбалска федерација функционираат доста добро, но знам дека има и работи што можеме да ги подобриме, рече меѓу другото Сејдини.

Првиот човек на ФФМ посочи дека само резултатот може да ги донесе навивачите на стадион, нагласувајќи ја фаворитската улога на репрезентацијата во Лига на Нации.

Ја потенцираше извонредната соработка со УЕФА и ФИФА и помошта која ја добиваме од нивните програми за развој на фудбалот и спортската инфраструктура.

Македонија

Претрес во Свети Николе, пронајдена дрога

Полициски службеници вчера ги привеле Д.С.(34) и Д.С.(34), двајцата од Свети Николе. При претрес во нивниот дом, извршен со судска наредба, била пронајдена и одземена марихуана, соопшти МВР.