Научниците со сензационално откритие: Лек против ХИВ може да спречи мултиплекс склероза - Канал 5

Здравје

Научниците со сензационално откритие: Лек против ХИВ може да спречи мултиплекс склероза

Неколку студии во текот на изминатата деценија покажале дека луѓето со мултиплекс склероза (МС) кои користеле антиретровирусна терапија за ХИВ доживеале или отстранување на симптомите на МС или забавување на болеста.

Научниците со сензационално откритие: Лек против ХИВ може да спречи мултиплекс склероза

Ова ги навело истражувачите да се запрашаат дали ХИВ или антиретровирусните средства можат да влијаат на ризикот од развој на мултиплекс склероза. Најновата студија објавена во Annals of Neurology верува дека одговорот е да, пишуваат Кајла Мекеј, професорка по невроепидемиологија на Институтот Каролинска и Елеј Кингвел, истражувач од Универзитетскиот колеџ во Лондон, за The Conversation.

- Многу е тешко да се биде сигурен дали МС е погодена од ХИВ или антиретровирусни лекови бидејќи е неопходно да се следат големи групи на луѓе кои имаат ХИВ и МС во подолг временски период. Три студии претходно се обидоа да дадат одговор, но или имаа премалку пациенти или немаа доволно информации за третманот. Затоа не дадоа дефинитивен одговор. За нашата студија користевме податоци за луѓе кои имаат и ХИВ и МС. Тоа се речиси сите луѓе од Канада и Шведска кои ги имаат овие болести од 1992 година во Канада и 2001 година во Шведска - изјавија тие.

Како што додаваат, резултатите од студијата не можат да покажат дали ризикот од развој на мултиплекс склероза е намален со ХИВ или антиретровирусна терапија, туку дека постојат биолошки причини за двете теории.

- ХИВ доведува до прогресивно губење на ЦД4+ Т-клетките, кои се поврзани со МС, бидејќи тие иницираат настани што доведуваат до воспаление во мозокот и 'рбетниот мозок. Меѓутоа, откритието дека ризикот од МС е помал кога лековите го потиснуваат ХИВ дава надеж дека во прашање е третманот, а не болеста. Можен механизам за ефикасност во намалувањето на ризикот од развој на мултиплекс склероза е инхибицијата на вирусот Епштајн-Бар. Има сѐ повеќе докази за важноста на улогата на вирусот Епштајн-Бар кај мултиплекс склероза - велат Меккеј и Кингвел.

Антиретровирусните својства на лековите за ХИВ може да ја намалат активноста на вирусот Епштајн-Бар, додаваат тие.

Според студијата, во истражувањето биле испитани податоци за 29.163 ХИВ позитивни лица. Во текот на повеќегодишното следење, евидентирани се 14 случаи на МС, а се очекувале 26.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Тајфун и свлечиште направија хаос во Кина- има загинати и повредени, спасувачите во трка со времето (ВИДЕО)

Жителите на градот Гаопинг во кинеската покраина Џијангси се разбудија во хаос. 

Тајфун и свлечиште направија хаос во Кина- има загинати и повредени, спасувачите во трка со времето (ВИДЕО)

Во лизгање на земјиште предизвикано од обилните дождови загина најмалку едно лице, а 11 се водат како исчезнати, соопштија локалните власти.

Во раните утрински часови, лизгањето на земјиштето затрупа неколку згради и оштети 12 куќи, додека спасувачките екипи се бореа да пронајдат преживеани, објави кинескиот државен радиодифузер CCTV.

Трагичните сцени се резултат на тајфунот Саудел и студениот фронт што донесе обилни дождови и поплави во покраината Сечуан. Жителите беа заробени, патиштата беа оштетени, а клучните јавни услуги беа сериозно нарушени.

Гаопинг е погоден од екстремните временски услови што ја погодија Кина во последните месеци, особено во планинските области.

Тајфунот Саудел, 18-ти што ја погоди Кина оваа година, дополнително ја влоши ситуацијата кога во четвртокот по трет пат стигна до копното во округот Џијангпу, предизвикувајќи евакуација на десетици илјади луѓе поради предупредувања за силни ветрови и обилни дождови. Во соседната покраина Џијангси, тајфунот погоди 128.500 жители во 53 окрузи, принудувајќи речиси 8.700 луѓе да се евакуираат.

Тагови: Кина тајфун

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Пожар во хотел во Истанбул, евакуирани се голем број луѓе

Денеска во хотел во истанбулската населба Бакиркој избувна пожар, а пожарникарите евакуираа голем број луѓе кои биле во зградата.

Пожар во хотел во Истанбул, евакуирани се голем број луѓе

Пожарникарите реагираа на местото на пожарот, а операцијата за гаснење е во тек, објави Хуриет.

Засега нема информации за повредени.

Бакиркој е општина на европската страна од Истанбул, на брегот на Мраморното Море.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Црна хроника

Дрога е пронајдена кај кампери во Галичник, уапсени се петмина

Лишени од слобода пет лица во Галичник, при претрес во шаторите каде престојувале пронајдена марихуана, кокаин, таблети, следува пријава.

Дрога е пронајдена кај кампери во Галичник, уапсени се петмина

На 04.09.2026 во периодот од 19:20 до 20:45 часот, во с. Галичник на местото викано „Стопанче“, полициски службеници од ОВР Гостивар и ПО Маврово, во рамки на оперативна акција, лишија од слобода пет лица, А.Ј. (32), М.М. (38), К.С. (45) и В.В. (44) од Скопје, како и Р.Т. (38) од Куманово.

При претрес во шаторите каде престојувале лицата, пронајдени и одземени се повеќе пакувања со марихуана, бела прашкаста и грутчеста материја, халуциногени печурки и таблети.

Лицата се задржани во ПС Гостивар за понатамошна постапка и по документирање на случајот ќе следува соодветен поднесок, соопштуваат од МВР.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер