Научниците сакаат да направат магнетно поле околу Марс, за да биде погоден за населување

За секоја форма на долгорочно човечко присуство на Марс, без разлика дали станува збор за колонизација, посети или патување, би требала стабилна атмосфера која не губи премногу честички и низ која не продира опасното космичко зрачење.

Научниците од различни универзитети и организации, вклучително и Џејмс Лауер Грин од НАСА, предлагаат да се направи магнетното поле на планетата и на тој начин да се заштитат луѓето од смртоносните атмосферски услови.

„Со цел луѓето долго време да останат на Марс, треба сериозно да размислат за тераформирање на планетата“, напишале експертите во новата студија, како што пренесува Futurism.

„Еден од главните предуслови за тераформација е заштитата што ја обезбедува магнетното поле на планетата - што Марс моментално го нема“, додаваат тие. Имено, Земјата има силно магнетно поле, додека она на Марс е исклучително слабо и распарчено.

Научниците велат дека една од првите цели на тераформирањето треба да биде зголемување на атмосферскиот притисок над линијата Армстронг, праг што им овозможува на луѓето да преживеат без заштитно одело. Под таа граница, водата во белите дробови и очите почнува да врие.

Но, како да се постави магнетно поле на Марс? Научниците предложиле неколку начини: рестартирање на железното јадро на Марс или користење серија поврзани извори со контролиран зрак на наелектризирани честички, во облик на голем прстен.

"Предложеното оптимално решение е сосема нова технологија. Решението со најмала моќ, склопување и маса е да се создаде вештачки прстен од наелектризирани честички околу планетата. Тоа би можеле да го постигнеме со исфрлање материја од една од месечините на Марс, користејќи електромагнетни и плазма бранови да ја придвижат нето струјата во прстенот, што би резултирало со целосно магнетно поле“, наведуваат научниците.

Непотребно е да се каже дека создавањето магнетно поле би барало огромни ресурси; апсолутниот минимум потребна енергија би бил околу 1017 џули, што е речиси вкупната потрошувачка на енергија на сите луѓе на Земјата во 2020 година. Ова значи дека веројатно ќе треба да се користат реактори за нуклеарна фисија.

Иако авторите на студијата наведуваат дека не тврдат дека за живот на Марс е неопходно магнетно поле, изгледа доста тешко да се замисли одржливо присуство на таа планета без тој фактор. Единствениот проблем е како тоа да се направи и дали некогаш ќе се успее да се реализира ваков проект во иднина.

Истражувањето наречено How to create an artificial magnetosphere for Mars наскоро ќе биде објавено во списанието Acta Astronautica.

Разбојници ја убиле сопругата на легендарен музичар

Сопругата на легендарниот музичар Кларенс Авант е убиена во вторникот во нејзиниот дом во елитната населба Трусдејл Естејтс во Лос Анџелес.

Имено, таа била убиена од крадци кои упаднале во нивната семејна куќа.

Полицијата на Беверли Хилс била повикана во куќата во Трусдејл Естејтс во вторникот вечерта околу 2.30 часот по полноќ, откако на телефонскиот број 911 добиле повик дека некој бил застрелан и убиен.

Сопругата на Авант, Жаклин Авант, итно била пренесена во болница, каде што подоцна починала. Таа имала 81 година.

Семеен извор изјавил за ТМЗ дека разбојниците пукале додека влегле во куќата и ја погодиле сопругата на Авант.

Авант (90) во тој момент бил дома, но не е јасно дали е повреден во нападот.Легендарниот музичар беше примен во Куќата на славните во октомври, а покрај него беше неговата сопруга.

Нивната ќерка Никол Авант е во брак со извршниот директор на Нетфликс, Тед Сарандос.

СЗО: За неколку дена ќе знаеме колку е заразен омикрон

Светската здравствена организација очекува за неколку дена да има повеќе информации за тоа колку е заразен новиот сој на корона, омикрон, изјави денеска техничкиот директор на СЗО Марија ван Керхове.

Во соопштението се посочува дека СЗО ќе има податоци за омикрон многу побрзо од предвиденото, бидејќи Женева претходно соопштила дека ќе бидат потребни недели за да се добијат податоците, пренесе Ројтерс.

Некои од главните прашања се дали сојот е позаразен или отпорен на заштитата од вакцини, а одговорите треба да се почекаат, се додава.

Софија Вергара на луда латино забава во кругот на семејството (ВИДЕО)

Софија Вергара (49) изгледа сензационално на прославата на американскиот Ден на благодарноста, а актерката на социјалните мрежи се пофали со фотографии и видеа од забавата на која присуствуваа членовите на нејзиното семејство.

На ѕвездата од ТВ серијата „Модерно семејство“ и` се придружија помладата сестра, музичарката Вероника (21) и внуката Клаудија (29). Веселото трио танцува пред огледалото, а на Софија подоцна во танцовите чекори и се придружила и нејзината баба.

Се чини дека на споменатата забава не присуствувал актерот Џо Манганиело (44) за кого заносната американско-колумбиска дива се омажи во 2015 година.

- Среќна шеста годишнина од бракот, љубов моја! Уште многу години заедно! Те сакам – напишала Софија на Инстаграм во вторникот.

Двојката се свршила на Божиќ за време на романтичен одмор на Хаваи во 2014 година, само шест месеци откако Вергара раскинала со Ник Лоеб. Тие се венчале во 2015 година во Палм Бич, Флорида. Заедно немаат деца, а Софија е мајка на 27-годишниот син Манол, кој го доби со поранешниот сопруг Џо Гонзалес.

притисни ентер