Комбинирајќи го биолошкиот материјал со полимерите одгледувани во лабораторија, меѓународен тим на биоинженери разви ткиво кое би можело да се нарече Терминатор меѓу црвените крвни зрнца, бидејќи всушност има повеќе функции од оние на вистинските клетки што циркулираат во крвните садови.

Имено, овој микроскопски киборг, покрај вообичаениот хемоглобин, може да доставува и лекови во телото кои го таргетираат и го напаѓаат туморот. Може да содржи и биосензори и ситни магнети кои можат да бидат насочени преку далечински управувач, пишува Science Alert.

Ако се конфигурира секоја клетка во човечкото тело, важно е да се започне со црвени крвни клетки. Оваа клетка е една од ретките што нема јадро, но има важни функции, поради што е привлечна цел за биоинженерите. Засега луѓето зависат од огромни количини донирана крв што може да ја замени изгубената крв на пациентите по несреќа или некоја друга траума.

За сега, низ целиот свет се работат неколку различни видови на синтетички црвени крвни клетки (еритроцити, РБЦ). Многу експерти се обидуваат да создадат вештачки еритроцити со преземање на клучните материјали како што се хемоглобин од човечки или животински донатори и нивно преобразување во бенигни честички што е малку веројатно да предизвикаат имунолошки одговор во нашето тело.

„Инспирирани од други пионерски студии во кои се создадени синтетички конструкции кои постигнале една или повеќе клучни карактеристики на родните РБЦ, ние се обидовме да создадеме модуларни обновени РБЦ (РРБЦ) кои ќе поседуваат целосни комбинирани карактеристики на домашните РБЦ“, тврдат истражувачите во студијата.

Ова значи дека нивната синтетичка крвна клетка мора да биде со вистинска големина, форма и флексибилност за да помине низ најтесните крвни садови и да може да носи точна количина кислород. Но, тим научници отидоа чекор подалеку и создадоа модуларна вештачка крвна клетка со овозможување дополнителни функции, како што се пренесување на лекови на одредена дестинација.

За да се постигне ова, биоинженерите прво ги премачкаа донираните крвни клетки со слој силициум, кој потоа ги обоија со полимери со различни полнежи. По исфрлањето на силициумот и делови од клетките, преостанатата полимерна мембрана може да биде покриена со кожа направена од црвени крвни клетки.

Ова им даде на научниците празна биконкавна школка што може да се полни со било која биохемиска супстанција додека сеуште носи кислород.

Овие вештачки крвни клетки се покажаа како функционални за време на серија лабораториски и животински тестови. Четири недели откако биле внесени во глувците, немало штетни несакани ефекти.

Студијата наречена Biomimetic Rebuilding of Multifunctional Red Blood Cells: Modular Design Using Functional Components е објавена во научното списание ACS Nano.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.