Научниците пресудија, еве кој има поголеми шанси да доживее сто години - Канал 5

Здравје

Научниците пресудија, еве кој има поголеми шанси да доживее сто години

 – месојадците или веганите? Еден фактор е пресуден!

Научниците пресудија, еве кој има поголеми шанси да доживее сто години

Во оваа голема студија во која учествувале над 5.000 испитаници постари од 80 години откриено е дека долговечноста не зависи од исхраната туку од еден клучен фактор!

Дали исхраната без месо гарантира долг живот или вистината се крие во рамнотежата? Едно поново истражување на група кинески научници носи интересни и малку зачудувачки одговори. Оваа студија во која учествувале над 5000 лица постари од 80 г. покажала дека старите лица кои во исхраната имаат вклучено месо, честопати доживуваат сто години, во споредба со оние кои се строго вегани, но само под одредени околности.

На прв поглед, резултатите се во спротивност со бројните студии кои ја истакнуваат предноста на растителната исхрана, особено кога станува збор за превенцијата од срцеви болести, дијабетес и дебелина. Стручните лица нагласуваат дека хранливите потреби значително се менуваат во длабока старост.

Со текот на годините, се губи мускулната маса, имаме послаб апетит и зголемен ризик од неухранетост. Токму овде доаѓа до израз улогата на животинските намирници. Месото, но и другите производи од животинско потекло, претставуваат богат извор на квалитетни протеини, витамин Б12, калциум и други хранливи материи клучни за зачувување на мускулите и коските кај многу постарите лица.

Истражувањето покажало дека разликата во животниот век помеѓу месојадите и веганите е најизразена кај испитаниците кои имале ниска телесна тежина или биле неухранети. Кај постарите лица со стабилна и здрава телесна маса, таа разлика речиси не постоела.

Интересно е тоа што испитаниците кои не јаделе црвено месо, но консумирале риба, јајца, млечни производи, имале исти шанси да доживеат 100 години како оние кои редовно јаделе месо. Заклучокот на научниците е јасен, во длабока старост етикетата на исхраната не е пресудна, туку адекватното внесување на клучни хранливи состојки, наведува “Science alert”.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Орден „8 Септември“ доделени на Јордан Плевнеш и Раде Сиљан и постхумно на Џеват Гега, Мето Јовановски и Глигор Чемерски

Претседателката Гордана Сиљановска-Давкова, по повод празникот упати честитка до граѓаните во која порача дека независноста не е завршено минато, туку трајна обврска на секоја генерација да ја чува, гради и надградува државата.

Орден „8 Септември“ доделени на Јордан Плевнеш и Раде Сиљан и постхумно на Џеват Гега, Мето Јовановски и Глигор Чемерски

Претседателката и собраниска делегација утринава положија цвеќе на вечните почивалишта на првиот претседател на Македонија, Киро Глигоров, на претседателот Борис Трајковски и на на првиот претседател на Владата, Никола Кљусев.

Сиљановска - Давкова им доделии орден „8 Септември“ на Јордан Плевнеш и Раде Сиљан и постхумно на Џеват Гега, Мето Јовановски и Глигор Чемерски.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Два бомбашки напади во центарот на Атина (ВИДЕО)

Рачни гранати беа фрлени денеска на две локации во центарот на Атина, соопшти грчката полиција, додавајќи дека нема повредени.

Два бомбашки напади во центарот на Атина (ВИДЕО)

Првиот напад се случил во 4:25 часот наутро по локално време, кога рачна граната беше фрлена во продавница за здрава храна во Ахарнон, а наводно во продавницата во тој момент се наоѓал и обезбедувач со сириско потекло, објави „Прото тема“.

Вториот напад се случил во 4:55 часот наутро во областа Агиос Пантелејмонас, кога непознат напаѓач фрлил експлозивна направа во наргиле бар во сопственост на Сириец.

Полицијата е на местото на настанот. Снимки од продавницата и барот по експлозиите се појавија и на социјалните мрежи.

Тагови: Атина

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Гаши: Честит 8 Септември

Денот на независноста е еден од најзначајните датуми во историјата на нашата земја. 

Гаши: Честит 8 Септември

35 години живот на една држава не се многу, но се доволни за да разбереме дека државноста не се постигнува само со еден политички акт, со референдум или само со прогласувањето на независноста. Државата е нешто што се гради секој ден – со функционални институции, со еднакво право за сите, со одговорност, со работа, со образование, со економски развој и, пред сè, со луѓе кои веруваат дека нивната лична иднина е поврзана со заедничката иднина на државата.

Оваа годишнина треба да ја гледаме со верба и оптимизам, преку она што сме го изградиле, но и преку она што останува да го направиме.

Нашата Република е дом на граѓани со различна етничка, јазична, верска и културна припадност. Оваа разновидност не треба да биде извор на поделби, туку наша заедничка сила. Во темелите на нашата држава секогаш треба да стојат еднаквоста и чувството дека секој граѓанин има свое рамноправно место во државата.

Наша заедничка должност е да градиме држава во која институциите им служат на граѓаните, во која законите се применуваат еднакво за сите, во која корупцијата не се толерира и во која европската перспектива е заедничка цел.

На овој посебен ден, посакувам нашата држава да биде место во кое никој нема да се чувствува како странец, во кое разликите се можност за успех, во кое институциите се посилни од тесните интереси и во кое секој млад човек може со убедување да каже: „Тука е моето место и тука ја гледам мојата иднина.“

Со верба во граѓаните, со одговорност кон државата и со заедничка работа, да ја градиме државата што сакаме да им ја оставиме на идните генерации.

Честит 8 Септември – 35-годишнината од независноста на Македонија!

Африм Гаши

Претседател на Собранието на Македонија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер