Научниците предлагаат да се тестира вакцината против детска парализа како заштита против корона

Според врвните американски научници, постојната вакцина против детска парализа може да обезбеди привремена заштита од инфекција со коронавирус.

Постојат силни докази дека сегашната вакцина против детска парализа ги штити децата од широк спектар на инфекции и има смисла да се тестира против коронавирус, напишаа научниците вчера во списанието Science.

„Оваа орална вакцина е безбедна, ефтина, лесна за администрирање и достапна за сите“, изјавија група научници, меѓу кои и експерт кој го открил ХИВ и научник за вакцини од Управата за храна и лекови на САД (ФДА).

Вакцината против детска парализа користи ослабена верзија на вирусот што предизвикува болест и произведува силна и долготрајна имунолошка реакција, велат експертите за вакцинирање.

Лекарите Константин Чумаков од ФДА и Роберт Гало од Институтот за вирологија при Универзитетот во Мериленд и нивните колеги веруваат дека би било разумно да се тестира ефикасноста на вакцината за да се види дали помага против коронавирусот, пишува Си-Ен-Ен.

"Ризикот од компликации по земањето на OPV (орална вакцина против детска парализа) е исклучително мал. Може да предизвика несакани ефекти слични на детската парализа, но само во приближно една од 3 милиони дози, претежно кај деца со послаб имунитет", додаваат тие. .

„Другите ослабени вирусни вакцини, како оние против сипаници, исто така се поврзани со изразени неспецифични заштитни ефекти против други заразни болести“, напишале лекарите.

„Кога беше воведена вакцината против сипаници во африканските региони, вкупната стапка на смртност кај новороденчињата се намали за повеќе од 50%, што е многу поголемо намалување од она што се предвидуваше само врз основа на смртноста на сипаници“, додаваат тие.

OPV повеќе не е лиценцирана или достапна во Соединетите држави, но сè уште се користи во некои делови на светот, според американските центри за контрола и спречување на болести.

Хјундаи во наредните три години ќе инвестира 47 милијарди евра, пред сѐ за електрични возила

Компанијата Хјундаи денеска објави дека ќе инвестира 68 трилиони вони (околу 47 милијарди евра) во текот на три години во Јужна Кореја, главно за да го зголеми производството на електрични возила (ЕВ) и да вработи 80.000 нови работници во секторот.

Јужнокорејската компанија наведува дека повеќе од половина од таа инвестиција ќе биде наменета за електрични возила, односно за нова истражувачка и развојна инфраструктура, како и производствени линии, пренесе Ројтерс.

Агенцијата забележува дека зголемувањето на инвестициите се случува во време кога другите етаблирани производители на автомобили го намалуваат производството.

Главниот оперативен директор на Hyundai, Хозе Муњоз, на саемот за автомобили во Њујорк најави дека бројот на електрични возила ќе се удвои.

„Многу сме посветени на пазарот на Соединетите Американски Држави“, истакна тој.

Hyundai во ноември објави дека инвестира 11,6 милијарди евра во нови посебни капацитети за производство на електрични возила и батерии во Грузија, што е најголема инвестиција надвор од Јужна Кореја.

Додека јужнокорејската компанија ги зголемува инвестициите во електрични возила, конкурентските производители на автомобили планираат да го намалат производството на ЕВ и да го префрлат капиталот главно на хибридни модели.

Руски воен авион се урна во близина на Крим

Руски воен авион денеска се урна во морето во близина на кримското пристаниште Севастопол, изјави гувернерот на регионот назначен од Русија.

„Пилотот безбедно се катапултирал и бил спасен. Цивилни објекти не се оштетени“, изјави гувернерот на Севастопол, Михаил Развозаев, пренесува Ројтерс.

Претходно руските канали Телеграм објавија дека руски борбен авион Су-35 се урнал во близина на Севастопол.

Не е јасно како дошло до инцидентот.

Таравари на панел дискусијата за интеграција на лицата со попреченост

Претседателот на Алијансата за Албанците и кандидат за претседател од коалицијата ВРЕДИ, Арбен Таравари, заедно со претседателот на Движењето Беса, Билал Касами, учествуваа на важна панел дискусија .

Претседателот на Алијансата за Албанците и кандидат за претседател од коалицијата ВРЕДИ, Арбен Таравари, заедно со претседателот на Движењето Беса, Билал Касами, учествуваа на важна панел дискусија за интеграцијата на лицата со попреченост во општеството.

На панел дискусијата се разговараше за потребите и барањата на оваа значајна категорија.

Темата за интеграција на лицата со попреченост во општеството е многу важно прашање за кое е важно да се има широка свест и соработка на општествено и политичко ниво, а учеството на Таравари на овој панел ја покажува неговата посветеност да се справи со проблемите со кои се соочуваат оваа категорија лица и да се промовира поинклузивно и еднакво општество за сите.

Покрај дискусијата за потребите и барањата на лицата со попреченост, важно е оваа дискусија да води кон конкретни акции и политики ориентирани кон нивна поддршка, се наведува во соопштението.

притисни ентер