Откако ја анализирале дистрибуцијата на светлината и топчестите јата на sвездите во рамките на галаксијата, астрономите заклучиле дека гравитационата сила на соседната галаксија NGC 1035 ја поништува темната материја на NGC 1052-DF4 и сега се движи да ја уништи самата галаксија.

Во 2018 година, меѓународен тим експерти го користеле вселенскиот телескоп Хабл за прв пат во нашето космичко соседство за да откријат галаксија (NGC 1052-DF2) на која и недостасува темна материја. Ова откритие ги изненади астрономите ,затоа што научната заедница смета дека темната материја (ДМ) е клучна состојка во формирањето на галаксии и моделите на еволуција, според ЕСА.

Всушност, да не беше темната материја, исконскиот гас немало да може да започне да се распаѓа и да формира галаксии затоа што немало доволно гравитација за да го стори тоа.

Во 2019 година е откриена друга галаксија во која нема темна материја, NGC 1052-DF4, што дополнително ги поттикна научниците да ја истражат вистинската природа на овие објекти.

Астрономот Миреја Монтес од Универзитетот во Нов Јужен Велс во Австралија го предводи меѓународниот тим на астрономи што ја проучувале NGC 1052-DF4 да откријат каде исчезнала темната материја од оваа галаксија оддалечена 45 милиони светлосни години.

Откриле дека гравитационите сили на соседната масивна галаксија NGC 1035 го уништуваат NGC 1052-DF4 и ја отстрануваат темната материја од неа за време на овој процес. Астрономите досега не биле сведоци на ова отстранување на темната материја бидејќи овој процес може да се набљудува само со помош на моќен телескоп што може да открие екстремно слаби карактеристики.

„Го користевме Хабл за да ја проучуваме дистрибуцијата на светлината во галаксијата и распределбата на топчести јата“, рече Монтес.

Имено, научниците веруваат дека топчести множества sвезди се формирале за време на епизоди на интензивно формирање sвезди, кои исто така ја обликувале и самата галаксија. Сферичните гроздови се лесни за забележување поради нивната компактна големина и осветленост, и тие можат да означуваат некои својства на матичната галаксија.

Затоа, астрономите се здобиле со увид во моменталната состојба на самата галаксија врз основа на проучување и категоризација на просторната дистрибуција на сферични множества во NGC 1052-DF4. Монтес и нејзиниот тим, според позицијата на овие јата, забележале дека некоја гравитациска сила ги повлекува од матичната галаксија.

При анализата на дистрибуцијата на светлината во рамките на галаксијата, астрономите откриле и докази за приливни остатоци или опашки на материјалот што се оддалечуваат од NGC1052-DF4, што дополнително го поддржува заклучокот дека тоа е влијание на плимната сила.

Дополнителна анализа покажала дека централните делови на галаксијата останале недопрени и дека само околу 7% од sвездената маса на галаксијата се пронајдени во плимните опашки. Ова значи дека гравитационата сила на соседната галаксија најпрво ја отстранила темната материја, а потоа тргнала да го уништи и надворешниот дел на NGC1052-DF4.

„Овие податоци покажуваат дека најпрво беше отстранета темната материја и дека ѕвездите дури сега почнаа да ја чувствуваат оваа разорна сила“, објасни астрономот Игнасио Трухило од Институтот за астрофизика на Канарите во Шпанија.

„Со текот на времето, системот околу NGC1035 ќе проголта голем дел од галаксијата NGC1052-DF4, а некои од нејзините sвезди ќе тргнат сами да шетаат низ длабокиот простор“, додаде тој.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.