Научниците од Оксфорд подготвуваат вакцина против новите соеви на коронавирусот - Канал 5

Здравје

Научниците од Оксфорд подготвуваат вакцина против новите соеви на коронавирусот

Научниците од Универзитетот во Оксфорд се подготвуваат за брзо производство на нови верзии на нивната вакцина во борбата против заразните соеви на ковид-19 откриени во Велика Британија, Јужна Африка и Бразил, објави британскиот весник Телеграф.

Научниците од Оксфорд подготвуваат вакцина против новите соеви на коронавирусот

Тимот кој стои зад вакцините Оксфорд и АстраЗенека спроведува студии за прилагодување на технологијата за производство на новите верзии на вакцината, се вели во весникот, повикувајќи се на потврда од Универзитетот во Оксфорд.

Научниците проценуваат колку брзо би можеле да ја прилагодат вакцината базирана на ChAdOx („шимпанзо аденовирус Оксфорд еден“), се вели во извештајот.

Портпаролот на Оксфорд рече дека универзитетот внимателно го проценува влијанието на новите верзии на вирусот врз имунитетот што го дава вакцината, како и проценката на процедурите потребни за брзо развивање на прилагодената вакцина против ковид-19 доколку е потребно.

Неодамнешните лабораториски тестови покажале дека вакцината на Pfizer и BioNTech веројатно делува против британски вид што се шири низ целиот свет.

BioNTech соопштил дека планира да објави подетална анализа за веројатниот ефект на нејзината вакцина врз јужноафриканската верзија на коронавирусот во рок од неколку дена.

AstraZeneca, Moderna и CureVac исто така тестираат дали нивните вакцини обезбедуваат заштита од заразните соеви.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Нагасаки одбележа 81 година од атомското бомбардирање

Во Нагасаки денеска се одржа комеморација по повод 81-годишнината од американското атомско бомбардирање на градот.

Нагасаки одбележа 81 година од атомското бомбардирање

Во 11.02 часот по локално време, присутните оддадоа минута молчење во чест на жртвите. Токму во тој час на 9 август 1945 година американски бомбардер фрлил атомска бомба врз Нагасаки.Градоначалникот на Нагасаки, Широ Сузуки, во декларацијата за мир порача дека нуклеарното оружје не е „нужно зло“, туку „апсолутно зло“ кое не може да коегзистира со човештвото.

Јапонската премиерка Санае Такаичи порача дека земјата останува посветена на трите ненуклеарни принципи и дека ќе продолжи со „реални и практични“ напори за создавање свет без нуклеарно оружје.

Тагови: Нагасаки

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Иран објави снимка од Хамнеи, но непознато е кога и каде е направена

Иранската агенција „Мехр“ објави нова снимка на врховниот лидер на Иран, Модџтаба Хамнеи, во момент кога сè погласни се шпекулациите за неговата здравствена состојба.

Иран објави снимка од Хамнеи, но непознато е кога и каде е направена

На краткото видео, кое „Мехр“ го објави на „Телеграм“ и на својата официјална веб-страница, Хамнеи разговара со група луѓе.

Агенцијата не соопшти кога и каде е направена снимката, ниту пак ги идентификуваше лицата кои се појавуваат со него.

Снимката е објавена откако во медиумите и на социјалните мрежи се појавија тврдења дека Хамнеи бил хоспитализиран и дека неговата здравствена состојба е сериозна. Хамнеи беше избран за врховен лидер во март годинава, откако во воздушен удар беше убиен неговиот татко и неколку членови на семејството, а од тогаш воопшто не се појавил во јавност.

Тагови: Моџтаба Хамнеи

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

СДСМ: Мицкоски и бројките - или како да се лаже со статистика додека фрижидерот е празен

ВМРО-ОКГ денеска повторно се фали со „бројки“ и тврди дека СДСМ ширел паника за инфлацијата.

СДСМ: Мицкоски и бројките - или како да се лаже со статистика додека фрижидерот е празен

Ајде да ги видиме тие „деманти“:

27 март – Филипче вели: цените на храната растат секој ден.

Реалност: инфлацијата во април достигна 5,7%.

Граѓаните плаќаат повеќе за леб, масло, млеко и месо.

На граѓаните не им треба статистика - им треба полн фрижидер.

22 април – Филипче предупредува, спиралата на поскапувања е започната.

Реалност:

Бензинот беше 70 денари - денес 91 денари за литар.

Дизелот беше 65 денари - денес 100 денари за литар.

Треба ли уште објаснување?

21 јуни - Филипче вели дека Владата потфрли и дека растот на цените е огромен.

Реалност: откако сè веќе поскапе, сега се фалат дека поскапувањето забавило. Класика.

ВМРО вели: „Ама просекот е понизок од 2022 година!“

Реалност: споредуваат со една од најтешките светски кризи - пост-ковид, почеток на војната во Украина и енергетската криза.

А не споредуваат што граѓаните можат да купат денеска со истата минимална плата од околу 400 евра.

Ете како ВМРО ја пласира својата статистика.

14 јули - Филипче повторно укажува на пад на стандардот и нова спирала на поскапувања поради горивата.

Реалност: дизелот е 100 денари, минималната плата во Македонија е најниска во Европа.

И ако ВМРО сака да ја споредува 2022 година со денес, тогаш да споредиме и цени:

• Млеко - поскапено околу 50%

• Леб - поскапен околу 60%

• Ориз - поскапен околу 70%

• Јајца - поскапени околу 60%

• Месо - поскапено меѓу 50 и 70%

И што сега, ВМРО?

Морате да сфатите дека бројките што Мицкоски ги црта по табла како Вучиќ, и соопштенијата што ви ги пишуваат Манасиевски и Петрушев, повеќе не поминуваат.

Ова е истата логика како и досега:

• Трета економија во Европа, а луѓето немаат за леб,

• Најголема куповна моќ, а фрижидерите се празни,

• Буџетот е во одлична кондиција, а секоја недела ново задолжување (државата ја задолжија со 2,5 милијарди евра за две години),

• Инфлацијата е под контрола, а сè што се јаде и пие чини повеќе,

Бројките на Мицкоски живеат во презентации. Граѓаните живеат во продавница.

И таму статистиката е јасна: паричникот е потенок, а сметките се подебели.

Продолжете да се фалите со проценти.

Народот веќе одамна ве мери со празни кеси.

СДСМ

Тагови: СДСМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер