Здравје

Научниците од Оксфорд , кои работат на вакцина против коронавирусот , наишле на проблем

Тим научници од Оксфорд кои ја развиваат вакцината против коронавирусот се соочиле со пречка. Тие веруваат дека заради падот на заразата на болеста, ќе биде потешко да се докаже дали вакцината е успешна, пишува британски Телеграф.

„Тоа е трка против времето со вирусот што исчезнува“, рече Адријан Хил, директор на Институтот Џенер.

„Претходно во годината, рековме дека постои 80% шанса дека ќе развиеме ефикасна вакцина до септември. Во овој момент, постои шанса од 50% дека воопшто нема да ја добиеме“, го цитираат Ројтерс и Телеграф.

Хил очекува дека помалку од 50 луѓе од 10,000 кои доброволно се пријавиле на тестирање во Оксфорд, ќе бидат заразени со новиот коронавирус. Тој верува дека резултатите ќе бидат бескорисни ако помалку од 20 лица се заразат. Вакцината од Оксфорд во моментов е една од најсигурните што треба да премине во масовно производство, доколку се докаже нејзината ефикасност. Но, со оглед на изјавите на Хил, прашање е дали научниците од Оксфорд воопшто ќе ја добијат вакцината.

Во моментов се развиваат повеќе од 100 вакцини ширум светот. Британската влада инвестира повеќе од 100 милиони фунти во истражувачки тим од Оксфорд и верува дека 30 милиони дози ќе бидат готови до септември. Дотогаш, ќе биде предизвик да се најде вакцина која е ефикасна.

Научниците од универзитетот Рокфелер во Њујорк откриле дека повеќето од опоравените од ковид-19 кои не оделе во болница, немаат антитела.

"Тоа е многу голем предизвик. Ако вообичаената инфекција не даде високо ниво на имунитет, освен кога зборуваме за сериозна инфекција, од што може да се направи вакцина? Може да се направи и подобро од тоа, но не знаеме дали ќе биде. Ако вакцината не заштитува една година, новиот коронавирус ќе биде меѓу нас долго време.“, рече Стенли Перлман, долгогодишен научник кој работи на истражување на коронавирус на Универзитетот во Ајова.

Исто така, неопходна е и генетската стабилност на вирусот. Некои вируси, како грипот, толку брзо мутираат што производителите на вакцини треба да прават нови формулации секоја година. Брзата еволуција на ХИВ е причината зошто сè уште нема вакцина против таков вирус.

За сега, Sars-CoV-2 изгледа стабилно, но има мутации, како и сите вируси. Некои генетски промени веќе се забележани на вирусниот протеин, што е основа за повеќето вакцини. Ако тој протеин мутира премногу, тогаш антителата што ги добиваме преку вакцината нема да бидат доволни за да ја спречат инфекцијата.

"Најверојатно, вакцината против новиот коронавирус нема да биде 100% ефикасна. Најмалку осум различни пристапи се користат во развојот. Идеално, вакцината што ја добиваме ќе создаде константно и високо ниво на антитела за да го убие вирусот и да создаде Т-клетки за да ги убие заразените клетки. Пристапот е различен и денес никој не знае каков одговор на имунолошкиот систем е доволно добар “, забележува уредникот на колумните за наука во весникот „ Гардијан“, Иан Семпл.

Живот

Балканци прават скара на вулкан- лавата врие, тие пеат (ВИДЕО)

На TikTok профилот „bata.osovina“ неодамна беше објавено видео кое привлече внимание кај корисниците од оваа област.

Авторот покажа како тој и неговиот пријател прават скара, пеат и уживаат во близина на активен вулкан.

Од нивниот говор е јасно дека момчињата се по потекло од Балканот, а нивната авантура не остана незабележана во медиумите, особено од Босна и Херцеговина.

@bata.osovina #viral ♬ original sound - Bata Osovina

Снимката од скарата, додека вулканот исфрла лава и чад, собра повеќе од 1,1 милион прегледи, а гледачите во голем број ја коментираа сцената.

„Честитки, какви императори“, „Цел свет доаѓа, се слика и бега кога има ерупција, само Балканот прави скара и слуша музика“, „Нам Балканците ни лава не ни може ништо“ , пишува во дел од пораките.

Во меѓувреме, авторот објави уште едно видео и објасни што се случува:

„Ова не е прв пат да правиме вечера на вулкан, печевме колбаси, пици, јајца... Беше опасно, но не бевме единствените таму. На сите им препорачувам да купат билет, да дојдат на Исланд и да го посетат вулканот. Не толку блиску како што сме ние, затоа што е опасно. Вакво нешто гледате само еднаш. Но, внимавајте, ќе треба да го оставите автомобилот на час и 20 минути од вулканот и да дојдете пешки“, вели момчето.

@bata.osovina Odgovor korisniku @Leo Freeze #iceland #srbija #bosna #hrvatska ♬ original sound - Bata Osovina

Меѓу многуте коментари го забележавме следново: „Да имаше активен вулкан на Балканот, околу него ќе печевме свињи и јагниња“, „Ова не се карамелизирани туку вулканизирани ќебапи“, „Балканска скара во близина на активен вулкан. Ништо необично“.

@bata.osovina #viral ♬ original sound - Bata Osovina

Има и такви кои веруваат дека се работи за монтажа, па ви оставаме да ја погледнете снимката и сами да процените.

Свет

Лондонскиот аеродром Хитроу за летово предвидува најголем промет во историјата

Лондонскиот аеродром Хитроу (LHR) денеска соопшти дека сезоната на летни одмори ќе биде „најпрометната досега“ .

Лондонскиот аеродром Хитроу (LHR) денеска соопшти дека сезоната на летни одмори ќе биде „најпрометната досега“ и дека вработените ќе вложат големи напори аеродромот да работи непречено „дури и ако има повторување на штрајковите на персоналот“ кои ја одбележаа минатата година .

Бројот на патници кои го користат аеродромот се очекува оваа година да надмине 82,4 милиони. Тоа би била најпрометната година досега, за 1,5 милиони патници „поуспешно“ од 2019 година, кога низ аеродромот поминале 80,9 милиони патници, пишува британскиот дневен весник „Гардијан“.

Ова го потврди комерцијалниот директор на аеродромот, Хавиер Ечав, бидејќи Хитроу се соочува со неизвесна иднина, а предложената продажба на најголемиот британски аеродром во вредност од 6 милијарди фунти се уште е доведена во прашање.

Намерата на шпанската компанија Ferrovial да го купи аеродромот заедно со австралиската инвестициска компанија Macquarie е „на чекање“, откако фирмата од Сиднеј одлучи да се откаже од својот удел од 35% во Хитроу. Во меѓувреме, нема други понудувачи. Покрај нив, за преземање на 25% удел во сопственоста на аеродромот беа заинтересирани и Државниот инвестициски фонд на Саудиска Арабија и француската приватна инвестициска компанија Ардијан.

На почетокот на овој месец, аеродромските власти ја повикаа владата да го укине воведувањето на нова наплата од 10 фунти за транзитните патници, предупредувајќи дека тоа ќе влијае на бројот на патници и ќе ги стави аеродромите во Британија во неповолна положба во однос на европските конкуренти. Хитроу го повтори овој повик во средата, а истовремено ги повика министрите да ја разгледаат „анти-развојната“ туристичка такса, што значи дека туристите плаќаат ДДВ за набавките.

Живот

Девојка скока во базен од огромна височина, снимката има над 39 милиони прегледи (ВИДЕО)

Џени Ван Кавијк се занимава со нуркање, а неодамна изведе трик на крузерот „Harmony of the Seas“, четвртиот по големина во светот.

На почетокот ја гледаме на скокалницата, додека покажува кон „малиот“ базен. Признаваме дека ни се заврти од висината, додека девојката „уживаше во сѐ“.

Неколку моменти подоцна таа скокна, изведе неколку акробации и се втурна во водата, токму онаму каде што „нишанеше“.

Клипот дефинитивно не е за секого, а собра повеќе од 39,6 милиони прегледи.

„Вие сте фантастични! Не би имал храброст да се искачам на скала, а камоли да скокам“, напишал еден корисник.

Друг додаде: „Стомакот ми се преврте додека го гледав ова“.

притисни ентер