Научниците на Марс откриле мистериозен феномен (ФОТО) - Канал 5

Технологија

Научниците на Марс откриле мистериозен феномен (ФОТО)

Марс за своето постоење од 4,6 милијарди години примил значителен број вселенски удари. Неговата површина е полна со „лузни“ од ударите на астероиди или други небесни тела.

Научниците на Марс откриле мистериозен феномен (ФОТО)

Денес, неговиот црвен „тен“ опфаќа 43.000 ударни кратери поголеми од 5 километри. Овие кратери се шират на оваа далечна планета како пеги на нашето лице - на некои места има повеќе, а на други помалку.

Астрономите забележале мистериозен троен кратер во таков регион, планините Ноахис Тера,што биле бомбардирани пред 4 милијарди години. Тоа е мал кратер што може да заостанува зад големината на некои други кратери во областа (што можат да бидат со дијаметар од 140 километри), но се одликува со необичен изглед.

Имено, тројните кратери се многу ретка појава и сè уште не е сосема јасно како се формираат.

Леталото Mars Express на ЕСА неодамна сними троен кратер на црвената планета лоциран источно од попознатата депресија наречена Ле Вериер (со дијаметар од скоро 140 километри). Оваа тројна пега се состои од три кратери, најмалиот е со големина од 28 км, а најголемиот со 45, пишува ЕСА.

Како може да се формира таква тројна депресија? Едно можно објаснување, кое исто така се смета за најверојатно, е дека телото што ја погодило површината на Марс се распаднало на три дела пред да удри и така ја создало оваа форма. Но, проблемот е во тоа што ваквите повеќекратни удари обично немаат толку јасни и уредни линии и обично оставаат зад себе издолжени корита, вдлабнатини кои не се кружни и лежат многу блиску еден до друг, или базени кои само делумно се преклопуваат.

Друго објаснување би можело да биде дека ова е неверојатна случајност. Имено, површината на Марс можела да биде погодена од три одделни објекти на исто место во различно време, создавајќи ја оваа интересна појава со текот на времето.

Во случај на фрагментиран удар кој во еден момент создал троен кратер, тоа може да значи дека атмосферата во оваа планинска област била многу погуста во минатото отколку сега, или дека раниот Марс бил далеку потопла и повлажна планета што е драстично различно од ова што го гледаме денес.

Како и многу други древни кратери во јужниот дел на Марс, и овие три имаат зарамнети рабови, плитко дно и се исполнети со талог. Научниците забележале и докази кои сугерираат на постоење на мраз. Трагите се видливи на најмалиот кратер, кои обично се создаваат од ледени фрагменти при патување по површината. Овие геолошки траги потсетуваат на оние формирани по движењето на мешавина од мраз и карпи на Алпите.

Интересно, и покрај претежно бомбардираната површина на планините Ноахис Тера, областа околу тројниот кратер е изненадувачки чиста и мазна. Само неколку мали кратери околу нив имаат јасни, остро дефинирани рабови и вдлабнатини, што укажува на тоа дека тие се формирале неодамна и сè уште не започнале посериозно да еродираат. Постарите кратери во оваа област се чини дека се споиле со површината, а причина за тоа би можело да биде движењето на подземниот мраз.

Имено, како што мразот, кој се наоѓа веднаш под површината на Марс, се движи и топи многу милиони години, земјата станува помека. Омекнатата почва богата со мраз се спушта побрзо и дупките побрзо се пополнуваат, што може да го објасни непречениот изглед на овој дел од Ноахис Тера.

Ова укажува на тоа дека можеби имало голема количина вода на Марс во древно време, барем за време на периодот Ноачија. Научниците веруваат дека овој геолошки период на Марс се карактеризира со високи стапки на удари на метеорити и астероиди и можно присуство на изобилство на површинска вода, според Science Alert.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Собранието ги избра новите 8 министри

Во Собранието беа избрани 8-те новите министри во Владата предложени со владината реконструкција. 

Собранието ги избра новите 8 министри

За изборот на нови министри гласаа само пратениците од владеачкото мнозинство односно 69 пратеници. Опозицијата ја напушти седницата поради навредите кои кон нив ги упатил поранешниот министер за односи со заедниците и нов министер за локална самоуправа Иван Стоилковиќ.

Попладнево, ситуацијата ексалираше, откако опозијата го обвини Стоилковиќ дека упатил навреди и пцовки на адреса на пратениците на СДСМ Фатмир Битиќи и Митко Трајчулевски надвор од салата, за време на попладнвената пауза.

За нов министер за правда е избран Јетон Шасивари член на Вреди, министер за земјоделство Борче Серафимовски од ЗНАМ, нов министер за односи меѓу заедниците Агон Ферати од Вреди, министер за здравство Сашо Клековски од ВМРО-ДПМНЕ, министер за туризам и култура Седат Сулејмани од Вреди, министер за социјална политика, демографија и млади Ѓоко Велковски од ВМРО-ДПМНЕ, министер за локална самоуправа Иван Стоилковиќ од ДПСМ, а нов министер без ресор е Ерџан Демир од ВМРО-ДПМНЕ.

Новите министри беа избрани со 69 гласа „ЗА“, без ниту еден воздржан и против.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Мухамеди: Кога притисокот кон властите е поголем -можноста тие државата да ја гледаат како извор на лично финансирање, е помала

„Треба да се работи на рационализација, на ваков начин не одиме никаде“

Мухамеди: Кога притисокот кон властите е поголем -можноста тие државата да ја гледаат како извор на лично финансирање, е помала

Имате ситуација во Парламент, Артан Груби го нарекува криминалец Сашо Мијалов, од друга страна излегува дека тој го ослободува од затвор. Тоа што политичарите го прават нечесно, нема врска со патриотизам, туку имаат за цел да ги лажат граѓаните за да добијат гласови. Треба само малку да ги гледаш работите пологично и да бидеш порационален за да сфатиш. Не знам што е лошо некој да каже дека ја почитува државата во која што живее за да добие негативнии коментари.

Треба ли да пишувам дека ја сакам Албанија, а не ја сакам Македонија, за да добивам позитивни коментари? Треба да се работи на рационализација, на ваков начин не одиме никаде. Замисли каков притисок ќе биде направен на властите ако целиот народ и Македонците и Албанците и сите други останати се обединат за некои прашања, како што се на пример загадувањето, за неправди, каков ли притисок ќе имаат властите ако народот се обедини за таков вид на прашања. И кога притисокот кон властите е поголем, тогаш и можноста тие државата да ја гледаат како извор на лично финансирање, е помала. Тогаш тие ќе чувствуаат притисок и повеќе ќе работат за граѓаните, помалку за себе, вели Умејр Мухамеди во Само Вистина.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Марта е новата Мис Болоња: Некои слават, други незадоволни

Изборот на Марта Бунд за Мис Болоња 2026 предизвика жестока дебата на социјалните мрежи.

Марта е новата Мис Болоња: Некои слават, други незадоволни

Откако беше прогласена за победничка на регионалниот натпревар, следеа илјадници коментари, а мислењата на корисниците беа целосно поделени. Дел од дебатата беше за нејзиното африканско потекло.

Додека дел од јавноста ја гледа победата на Марта како знак на отвореност и инклузивност, други изразија незадоволство од исходот од натпреварот.

Во коментарите, некои корисници тврдеа дека изборите за убавина треба да го претставуваат „традиционалниот изглед“ и културното наследство на регионот. Други, пак, нагласија дека потеклото не треба да игра никаква улога во евалуацијата и дека единственото нешто што е важно е како кандидатките се претставиле и ги исполниле критериумите за натпреварување.

Што всушност освои таа?

Дебатата беше дополнително поттикната од објави што содржеа неточни или нецелосни информации, па затоа вреди да се разјасни што е во прашање.

Марта Бунда не беше крунисана за Мис Италија, туку ја освои титулата Мис Болоња 2026. Тоа беше регионално натпреварување кое ѝ обезбеди место во овогодинешното финале на Мис Италија.

Организаторите стојат зад својата одлука

Ваквите дискусии не се ништо ново во Италија. Во претходните години, учеството или победите на кандидатки од странско потекло, исто така, предизвикаа бројни реакции на социјалните мрежи и кај дел од јавноста.

Организаторите на натпреварот сè уште не дадоа коментар за контроверзноста, а резултатот од регионалниот натпревар останува на сила. Во меѓувреме, дебатата за современите идеали за убавина, идентитет и претставување на различни заедници продолжува на социјалните мрежи.

Извор: Индекс.хр

Тагови: Мис Болоња Марта Бунд

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер