Живот

Научниците ја откриле границата на човековата издржливост

Врвните спортисти често ги поместуваат границите на она што го сметаме за човечки можно, но дури и нивните тела не можат да им се спротивстават на законите на природата, открива нова студија.

Научниците откриле дека, без оглед на нивото на физичка подготвеност или интензитетот на тренингот, човечкото тело има јасна граница и не може долгорочно да согорува калории со брзина за 2,5 пати поголема од базалниот метаболизам, објавува Science Alert.

Метаболички плафон на издржливост

Иако претходните студии веќе укажуваа на постоење на сличен „метаболички плафон“, оваа студија, објавена во списанието Current Biology, се смета за најпрецизна досега. Била користена златна стандардна мерка за трошење калории и вклучувала двојно повеќе спортисти.

Анализата е спроведена на 14 врвни, светски познати спортисти - вклучувајќи тркачи, велосипедисти и триатлонци. Повеќето од учесниците биле на возраст меѓу 30 и 44 години, а меѓу нив учествувале и две спортистки.

Како научниците ги мереле границите?

За прецизно мерење на трошењето енергија, истражувачите ги натерале спортистите да испијат вода збогатена со специјални метаболички маркери. Потоа, нивоата на овие маркери биле мерени во нивната урина, овозможувајќи точна пресметка на согорените калории за време на секој тренинг и трка. Врз основа на овие податоци и деталните записи од тренинзите, бил предвиден индивидуален максимален „метаболички опсег“ за секој спортист во период од 52 недели.

Резултатите покажале дека, во просек, спортистите ретко согорувале повеќе од 4.000 калории дневно, што е 2,4 пати побрзо од нивната базална метаболичка стапка.

Краткорочни рекорди и долгорочни ограничувања

Секако, спортистите можеле да го надминат ова ограничување за пократки временски периоди. Највисокиот измерен метаболички опсег бил дури седум пати поголем од базалната метаболичка стапка на еден спортист, забележан за време на речиси 24-часовно трчање на Апалачката патека. Неколку други ултрамаратонци, исто така, во повеќедневни трки трошеле енергија четири пати побрзо во однос на базалниот метаболизам.

Сепак, кога овие енергетски „напливи“ ќе се стават во контекст на цела година, тие се покажуваат како краткотрајни. Се чини дека по околу 30 недели интензивен тренинг и натпревар, телото достигнува плато и многу е мала веројатноста да го надмине просечниот плафон.

Само четири спортисти во студијата успеале да го надминат предвидениот метаболички плафон по 30 или повеќе недели, но тие биле исклучок, а разликата била минимална - нивниота метаболички опсег бил за околу 2,7 пати поголем од нивната базална стапка.

Дали постои цврста граница?

„Спортистите во оваа студија не ја надминаа значително предложената метаболичка стапка“, заклучиле авторите.

Сепак, тие оставаат простор за исклучоци: „Светските рекордни резултати во ултра-издржливо трчање сугерираат дека значително повисока потрошувачка е можна само во исклучителни случаи.“

Без директни мерења кај голем број елитни спортисти, границите на човечката издржливост остануваат нејасни. Иако сè повеќе докази наведуваат на тоа дека постои цврста граница, секогаш постои можност да се појави некој иден спортист кој ќе го докаже спротивното и повторно ќе ги помести границите на познатото.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Опозициски пратеник во Албанија украде доверлив документ поврзан со воениот договор меѓу Албанија и САД

Во албанскиот парламент се случи вистински хаос откако опозициски пратеник одзема доверлив документ поврзан со воениот договор меѓу Албанија и САД, по што следуваше драматична потера низ собраниската зграда.

На социјалните мрежи случката ја споредуваат со сцени од култната британска комедија „Летечкиот циркус на Монти Пајтон“.

На видеоснимка што се прошири на интернет се гледа како опозицискиот пратеник зема доверлив документ поврзан со воениот договор меѓу Албанија и Соединетите американски држави, по што се обидува да го напушти местото.

На снимката се гледа како пратеникот трча низ парламентот со документот во рацете, додека по него трча секретарката на Собранието во обид да го запре.

🇦🇱 Chaos in the offices of Albania's Parliament.

Opposition MP Agron Shehaj stole a classified copy of the military agreement between Albania and the US.

The Parliament secretary fell down the stairs while trying to stop him. https://t.co/kYakoDNP0K pic.twitter.com/n7QRkc6j16
— kos_data (@kos_data) July 27, 2026

Додека трае потерата таа паѓа по скалите.инцидентот предизвика бројни реакции, а снимката за кратко време стана вирална на социјалните мрежи.

Тагови: Албанија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Здравје

Првиот регистриран случај од западно-нилска треска годинава во Европа е во Македонија, досега има 8 заболени

Оваа година заклучно со вчера, во Mакедонија се регистрирани осум случаи на Западно-нилска треска, стои во новиот извештај на Институтот за јавно здравје.

Од регистрираните случаи, седум се водат како потврдени, а еден како веројатен.

„Регистрирани се шест автохтони случаи од Скопје и од Велес и еден случај од Скопје со историја на патување во Грција, но инку-бацискиот период покрива и престој во Македонија.

Почетокот на симптомите кај 5 лица од заболените е регистиран во месец јули. Кај два случаи почетокот на симптомите е во јуни, а кај еден случај во мај“, пишува во извештајот од Институтот.

Според Европскиот центар за превенција и контрола на болести, од почетокот на сезоната на пренос од оваа година, а заклучно со 22 јули, идентификувани се 35 региони погодени од вирусот на Западно-нилска треска.

Во шест земји во европа овие региони се наоѓаат во Италија , Грција Романија, Македонија, Шпанија и Франција.

Во оваа сезона, кај луѓе во европскиот регион, првиот регистриран случај е од Македонија.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Мастантуоно оди на позајмица во Бенфика?

Шпанскиот фудбалски гигант Реал Мадрид го испраќа талентот Франко Мастантуоно на калење во Бенфика?

Младиот фудбалер на Реал Мадрид, Франко Мастантуоно, би можел да го напушти клубот ова лето и да замине на позајмица.

Бенфика се спомнува како голем фаворит за неговиот потпис. Мастантуоно има само 18 години и не успеа да избори поголема минутажа по доаѓањето од Ривер Плата за вртоглави 45.000.000 евра.

Со доаѓањето на Јан Диоманде од Лајпциг, дополнително ќе се заостри конкуренцијата на позицијата десно крило.

Затоа Мадрид и Жозе Мурињо сакаат да му најдат клуб каде што би играл редовно. Очигледно, покрај Бенфика, заинтересирани се и Фулам и Фиорентина, но португалскиот клуб има предност бидејќи игра во европските натпреварувања.

Реал верува дека позајмицата би можела да има ефект сличен на оној од престојот на Ендрик во Лион минатата сезона, каде што Бразилецот доби минути за развој и имаше добри настапи.

Тагови: Реал Мадрид

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.