Научниците ги тестирале заштитините маски , се знае кои се најефикасни - Канал 5

Здравје

Научниците ги тестирале заштитините маски , се знае кои се најефикасни

Коронавирусот, непотребно е да се каже, не отиде никаде. Бројот на нови случаи на глобално ниво е во пораст од крајот на минатиот месец, а бројот на дневни смртни случаи, по драстичен пад од крајот на април, повторно драматично се зголемува.

Научниците ги тестирале заштитините маски , се знае кои се најефикасни

Бројот на потврдени случаи од почетокот на пандемијата надмина 20 милиони, повеќе од 6 милиони случаи на коронавирус сè уште се активни, а повеќе од 734 илјади луѓе починаа.

Но, враќањето во целосен карантин е малку веројатно, ниту во САД, ниту во други земји. Во исто време, маските се, и покрај нерационалниот отпор и дезинформациите што се шират околу нив, едно од најефикасните оружја за борба против новиот бран епидемија, што го потврдија новите истражувања и експертите за јавно здравје ширум светот.

Тим истражувачи од Катедрата за физика при Универзитетот Дјук во САД, спроведоа едноставен експеримент за да ја тестираат ефективноста на различни типови маски за да утврдат која најдобро го спречува ширењето на вирусот.

Еден од авторите на студијата излезе со идеја кога му помагал на локално здружение да купи маски на големо за локалната заедница. Професорот сакал да биде сигурен дека здружението ќе купи маски кои се навистина ефикасни, пишува Си-Ен-Ен.

Затоа, истражувачите користеле релативно едноставен метод за да ја тестираат ефективноста на различните маски, користејќи ласерски зрак и мобилен телефон, да го анализираат преносот или ширењето на респираторните капки кои излегуваат од устата на еден човек што разговара - додека не носат маска и носат различни видови маски.

Студијата е објавена во петокот во научното списание на Американското здружение за унапредување на науката со наслов ,,Евтино мерење на ефективноста на маските за лице во филтрирањето исфрлени капки за време на говор”.

"Користиме црна кутија, ласер и камера. Ласерскиот зрак се шири вертикално за да формира тенка површина на светлина што осветлува низ процепите на левата и десната страна на кутијата", изјави еден од авторите на студијата, професорот Мартин Фишер, за Си-Ен-Ен.

Имено, кутијата имала дупка на предната страна во која може да зборува лицето што учествува во експериментот. Камерата на мобилниот телефон на задниот дел од кутијата ги снима капките расфрлани светло кои минуваат низ ласерскиот зрак во сите насоки.

Тогаш алгоритмот на компјутерот ги брои капките што се гледаат на сликата.

YouTube video

Истражувачите тестирале 14 широко достапни маски, вклучувајќи ја професионалната маска со филтер N95 за микроскопски фини честички, најчесто користени од здравствените работници. Секоја маска е тестирана 10 пати, при што истата личност зборувала и без маска како контролно сценарио.

Маските N95 беа, како што се очекувало, најефикасните, со еден важен детал - маската N95 без вентил е многу поефикасна во задржувањето на респираторните капки на носителот отколку маската N95 со вентил, бидејќи овој вентил создава силен проток на воздух кон надвор. Истражувачите потенцираат дека вентилот не ја намалува заштитата на лицето што ја носи маската, но може да ја намали заштитата на оние околу него, поради што маската N95 без вентил е генерално поефикасна.

Таа била проследена од трислојните хируршки маски, па дури и двослојните памучни маски, порабени според упатствата на Американскиот центар за контрола и превенција на болести. Интересно е што, маските со вентил N95 штителе полошо ,отколку памучните маски.

Маските од флис што се носат околу вратот, честопати користени од џогери и велосипедисти (gaiter mask), биле најмалку ефикасни, а плетените маски и марами, исто така биле на дното во однос на бројот на честички што ги запирале.

„Бевме крајно изненадени кога видовме дека бројот на честички што минуваат низ фликс, всушност го надминува бројот на честички што минуваат без никаква маска“, рече Фишер. Причината е веројатно дека во таквите маски материјалот ги распрснува поголемите капки во помали што сè уште минуваат и со тоа се зголемува нивниот вкупен број, но исто така го олеснува нивното пренесување преку воздухот.

„Сакаме да потенцираме дека навистина ги охрабруваме луѓето да носат маски, но сакаме тие да носат маски кои навистина функционираат“, заклучи Фишер.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Видео: Големиот Лионел Меси кажа „крај“: Аргентина во солзи

Еден од најдобрите светски фудбалери во историјата, волшебникот Лионел Меси  се прости од аргентинската репрезентација, а солзи течеа и на теренот и на трибините. Тоа беше ноќта кога цела Аргентита плачеше. 

Видео: Големиот Лионел Меси кажа „крај“: Аргентина во солзи

Феноменалниот Лео учествуваше во три гола на мечот а потоа одржа говор со кој што ќе ги расплаче милиони фудбалски навивачи ширум светот. Па и речиси секој Аргентинец.

Еден од најголемите фудбалери на сите времиња, Лео Меси, се прости од дресот на аргентинската репрезентација на пријателскиот натпревар против Бенин.

Во Аргентина се надеваа дека овој ден никогаш нема да дојде, но по смртта на татко му и поразот во финалето на Светското првенство, Меси одлучи дека е време за повлекување, при што сакаше тоа да се случи меѓу своите – па така, пред речиси 85 илјади навивачи на стадионот „Монументал“, тој последен пат го облече сино-белиот дрес.

И последен пат заигра мајсторски. Аргентина победи со 3:0, благодарение на неговите две асистенции – за Отаменди во 48. минута и за Паз во 61. минута – како и на голот од пенал во 71. минута. Со тоа, неговото збогување беше уште подостоинствено, бидејќи им докажа на сите дека би можел да игра уште многу години, доколку само би сакал.

Се разбира, натпреварот беше проследен со солзи, како на трибините, така и на теренот.

Меси плачеше, а околу него плачеа и неговите соиграчи, за кои овој момент беше уште потежок. Тие останаа без својот лидер, инспирација и идол – реинкарнацијата на Марадона, па и повеќе од тоа.

Меси одигра вкупно 208 натпревари за Аргентина, при што постигна 126 гола и забележа 69 асистенции. Со својата земја двапати ја освои Копа Америка – во 2021 и 2024 година – а ја освои и титулата светски шампион на Светското првенство во Катар во 2022 година, победувајќи ја Франција. Исто така, одигра уште две финалиња: она во 2010 година и повторно во 2026 година, кога Шпанија беше подобра од него.

YouTube video

Што рече Меси на прошталниот настан? „Не ми преостанува ништо друго освен да ѝ се заблагодарам на оваа дрес-маица. Цели 20 години, дури и во најтешките моменти, никогаш не престанав да се борам, да чекорам напред и да го давам својот максимум, бидејќи сакав да бидам тука. Многу ќе ме боли сознанието дека повеќе нема да доаѓам овде и дека повеќе нема да бидам дел од аргентинската репрезентација. Да се ​​прашував јас, би сакал да останам тука до крајот на животот, бидејќи играњето за Аргентина е најубавото нешто што постои. Мислам дека денес зборувам повеќе од кога било, едноставно затоа што не сакам овој момент да заврши“, рече Меси и нагласи дека „дојде време за повлекување“, бидејќи претходното Светско првенство го исцрпило.

„Во 2022 година имавме цел да го оствариме не само мојот сон, туку и сонот на целата земја: повторно да станеме светски шампиони. И успеавме. Го освоивме Светското првенство, Копа Америка, Финалисимо... Бескрајно сум благодарен за сè што доживеав со оваа репрезентација. Но, ова патување не се одвиваше само во 2022 година, ниту само за време на последното Светско првенство. Толку многу соиграчи се бореа заедно со мене за овој дрес, многу пред конечно да станеме светски шампиони. Никогаш не се сомневајте колку секој од нив се борел и дал сè од себе за Аргентина. Беше привилегија и чест да го делам теренот со сите мои соиграчи и да поминеме толку многу време заедно и надвор од фудбалот; знаев дека можеме да се натпреваруваме со секого бидејќи имав воини кои беа подготвени да остават апсолутно сè на теренот“, рече Меси, заблагодарувајќи им се на сите.

„За да се постигнат најголемите успеси, потребна е силна група. А токму во најтешките моменти навистина откривате каков тим имате. Тоа е една од главните причини што успеавме да го постигнеме сето она што го постигнавме. И особено на оваа група: ВИ БЛАГОДАРАМ. Тие ми помогнаа да го остварам сонот што го имав уште од детството. Ми помогнаа да станам светски шампион. Сакам да им се заблагодарам и на луѓето. Имав среќа да играм во многу градови низ Аргентина и каде и да одев, добивав неверојатно многу љубов.“ На крајот, тој ги повика навивачите да продолжат да ја поддржуваат Аргентина, како што тоа го правеа додека тој играше за неа. „И таа поддршка мора да продолжи. Ќе дојдат тешки моменти, а тогаш мора да ја поддржувате репрезентацијата повеќе од кога било. Потребни ни се силни и обединети групи бидејќи секогаш ќе има луѓе кои сакаат да ја видат репрезентацијата како не успева, а ние не смееме да им го пружиме тоа задоволство.“

Лионел Меси ќе продолжи да игра фудбал на клупско ниво; тој веќе извесно време настапува за Интер Мајами и има договор со овој клуб до крајот на 2028 година.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Живот

НУ Народен театар Битола со уште една хуманитарна акција, овојпат за СОС Детско село Македонија

Народниот театар Битола се приклучува на хуманитарната кампања на СОС Детско село Македонија.

НУ Народен театар Битола со уште една хуманитарна акција, овојпат за СОС Детско село Македонија

Публиката на Битолскиот театар знае што значи да се биде хуман. А сега повторно има можност, заедно со НТБ да направи нешто добро за децата на кои им е потребна нашата поддршка.

Имено сите средства од продадените билети за 100.изведба на претставата „Кокошка“, која ќе биде изведена на 24.октомври од 20 часот, ќе бидат донирани за децата од СОС Детско село.

Една од најбараните комедии на НТБ, претстава која ја сака публиката и овојпат ќе има уште едно посебно значење.

Комедијата на Николај Кољада, во режија на Марјан Георгиевски, ве води низ свет каде што амбициите, љубовта, суетата и желбата за успех се судираат на најнеочекувани и најкомични начини.

Претставата со брилијантен хумор, живи дијалози и препознатливи ситуации, ја освојува публиката затоа што сите се пронаоѓаме во неа. Смеата доаѓа природно, искрено и – до солзи.

За сценографијата се погрижи Валентин Светозарев, костимографија Благој Мицевски, драматург Оливера Павловиќ.

Во претставата играат: Јулијана Мирчевска, Катерина Аневска, Соња Ошавкова, Александар Димитровски, Николче Пројчевски.

„Дојдете да се смееме, да го прославиме 100-тиот пат на „Кокошка“ и, со еден едноставен билет, да бидеме дел од нешто поголемо од самата претстава.

Еден град. Еден театар. 100 пати „Кокошка“.

И многу детски насмевки што можеме да ги помогнеме“, велат од НТБ.

🎟️ Влезници на билетарницата на НТБ и онлајн на

https://narodenteatarbitola.com/events/kokoshka-28/

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Докторот Дарко Василевски заврши со шестдневниот штрајк пред Деканатот на Медицинскиот факултет

Докторот Дарко Василевски заврши со шестдневниот штрајк пред Деканатот на Медицинскиот факултет, порачувајќи дека и покрај нарушеното здравје, си заминува со крената глава затоа што, како што напиша на Фејсбук.

Докторот Дарко Василевски заврши со шестдневниот штрајк пред Деканатот на Медицинскиот факултет

Докторот Дарко Василевски заврши со шестдневниот штрајк пред Деканатот на Медицинскиот факултет, порачувајќи дека и покрај нарушеното здравје, си заминува со крената глава затоа што, како што напиша на Фејсбук , укажал на неправдата со која се соочуваат дел од медицинските лица.

Василевски посочува дека се надева оти неговиот случај ќе биде поттик во иднина повеќе и погласно да се зборува за ваквите ситуации.

„Денес, по краткиот разговор со деканот на Медицинскиот факултет, сфатив дека како Дон Кихот, се борам со ветерници и имам преголеми очекувања од институциите“, напиша Василевски, додавајќи дека во текот на речиси една недела очекувал некој да го праша како е, да побара решение или да му понуди конкретен разговор.Тој се осврна и на реакциите од дел од своите колеги, од кои, како што наведува, очекувал барем збор на охрабрување.

Според него, бил претставуван како неработник, а негови лични податоци биле јавно објавувани со цел да биде дискредитиран.

Василевски вели дека не жали што го кренал гласот и што сам се обидел да се избори за себе и да укаже на неправдите.„ наведува тој. Василевски додава дека фер и транспарентната постапка ќе биде предмет на проверка пред надлежните инспекциски и судски органи.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер