Научници: Топлинските бранови предизвикуваат опасни „ненадејни суши“ - Канал 5

Живот

Научници: Топлинските бранови предизвикуваат опасни „ненадејни суши“

Ново истражување покажува дека топлинските бранови кои предизвикуваат ненадејни и разорни суши низ светот се шират побрзо, истакнувајќи дека екстремните услови предизвикани од климатските промени можат опасно да се надоврзуваат едни на други.

Научници: Топлинските бранови предизвикуваат опасни „ненадејни суши“

Една студија на јужнокорејски и австралиски научници покажала дека со загревање на планетата топлотниот удар и сушата двоструко се интензивираат, а посебно загрижува сè побрзиот пораст на најразорните суши, предизвикани од топлински бран, објавува euronews.

Во текот на 1980-тите, ваквите екстремни услови годишно зафаќале само околу 2,5 % од површината на Земјата. До 2023 година, последната година што ја проучувале истражувачите, овој процент се искачил на 16,7 %, додека 10-годишниот просек изнесува 7,9 %. Авторите на студијата велат дека просекот веројатно се зголемил дополнително поради рекордните глобално високи температури во 2024 година, како и во 2025 година.

Алармантно забрзување на промените

Во студија објавена на 6. март во списанието Science Advances, научниците навеле дека забрзаниот степен на промени е поалармантен од самите бројки. Во текот на првите две децении од периодот што се разгледувал, од 1980 година, ширењето на екстремите каде прво се случува топлински бран, се зголемувало, но во последните 22 години степенот на пораст на ваквите појави е дури за осум пати поголем од претходните години.

Настаните во кои прво доаѓа до суша, проследена со екстремни температури, сè уште се почести, и се во пораст. Но, истражувачите се фокусирале на случаите каде прво се случува топлински бран, бидејќи тогаш сушите се поинтензивни, објаснува коавторот на студијата Санг-Вук Јех, климатолог на Универзитетот Ханјанг во Јужна Кореја.

Ваквите услови водат до таканаречени „брзи суши“, кои се поразорни од обичните бидејќи се појавуваат ненадејно, не давајќи им на луѓето и земјоделците време да се подготват, вели водечкиот автор Јонг-Џун Ким, климатолог на истиот универзитет. Ненадејните суши, кои се јавуваат кога потоплиот и „пожеден“ воздух црпи повеќе вода од земјата, стануваат сè почести во светот што се затоплува, како што покажаа претходните студии.

Опасна комбинација на климатски екстреми

„Студијата истакнува клучен факт за климатските промени: најразорните последици често се резултат на сложени екстреми. Кога истовремено ќе се јават и топлотни бранови, суша и опасност од пожари - како што беше случајот со топлотниот бран во Русија во 2010 година или пожарите во Австралија во 2019 и 2020 година - ефектите може брзо да се влошат“, вели Ендру Вивер, климатолог на Универзитетот Викторија во Британска Колумбија, кој не учествувал во истражувањето.

„Она што го покажува оваа студија е дека глобалното затоплување не само што ги прави топлинските бранови поверојатни, туку го менува и начинот на кој топлината и сушата меѓусебно делуваат, засилувајќи ги ризиците со кои се соочуваме“, додава Вивер.

Најзагрозените области и можна пресвртница

Студијата открива најголемо зголемување на сушите предизвикани од топлотните бранови во Јужна Америка, западна Канада, Алјаска и на западот на Соединетите Американски Држави, како и делови од централна и источна Африка.

Џенифер Френсис, климатолог во Центарот за климатски истражувања „Вудвел“, која не била вклучена во студијата, вели дека пресвртната точка околу 2000. година(кога ситуациите во кои топлинскиот бран ѝ претходи на сушата се забрзале)„морничаво се совпаѓа со почетокот на брзото затоплување на Арктикот, губењето на морскиот мраз и намалената пролетна снежна покривка на континентите на Северната хемисфера“.

Сепак, еден од научниците додава дека е тешко да се каже дали овие промени се трајни. Некои компјутерски модели предвидуваат дека уште еден силен Ел Нињо ( природно затоплување на делови од Тихиот Океан што ги менува временските обрасци низ целиот свет), ќе се случи подоцна во текот на оваа година.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Метео

Сончево и топло со мала до умерена локална облачност

И утре ќе се задржи сончево и топло време со мала до умерена локална облачност, информираат од УХМР.

Сончево и топло со мала до умерена локална облачност

МАКСИМАЛНА ТЕМПЕРАТУРА

20 Попова Шапка, 26 Крушево, 30 Маврови Анови, Претор, Берово, 32 Крива Паланка, Прилеп, Охрид, 33 Битола, 34 Виница, Тетово, Штип, 35 Велес, 36 Зајчев Рид, Струмица, Кавадарци, 37 Демир Капија, 38 Гевгелија.

ВРЕМЕТО ДЕНЕСКА И ДО КРАЈОТ НА ДЕНОТ

Времето денес беше сончево со мала до умерена локална облачност. Дуваше слаб до умерен ветер од северен правец. До крајот на денот ќе има мала до умерена облачност. Наместа ќе има услови за локална појава на нестабилност со пороен дожд, грмежи и засилен ветер.

ВРЕМЕТО УТРЕ

Сончево и топло со мала до умерена локална облачност. Попладне во планинските региони ќе има зголемена облачност и услови за краткотраен дожд и појава на ретки грмежи. Ќе дува слаб до умерен ветер од северозападен правец. Минималната температура ќе биде во интервал од 12 до 20, а максималната ќе достигне од 30 до 38 степени.

Во Скопје, сончево и топло со мала до умерена облачност. Ќе дува слаб до умерен ветер од северозападен правец. Минималната температура ќе се спушти до 17, а максималната ќе достигне до 37 степени.

ВРЕМЕТО ВО НАРЕДНИТЕ ДЕНОВИ

Од четврток следува период на претежно стабилно и многу топло време. Во сабота наместа ќе има нестабилност проследена со засилен ветер, пороен дожд и грмежи. Во деновите од викендот дневната температура наместа се очекува да надмине 40 степени.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Салма Хајек стана баба и го откри името на внукот (ВИДЕО)

Салма Хајек (59) стана баба. Нејзиниот посинок Франсоа Пино помладиот и неговата сопруга Лара Козима Хенкел фон Донерсмарк го добија своето прво дете, син кого го крстија Франсоа.

Салма Хајек стана баба и го откри името на внукот (ВИДЕО)

Хајек е во брак со Франсоа-Анри Пино (64), со кого има 18-годишна ќерка, Валентина, и е маќеа на неговите деца од претходни врски - Франсоа (38), Матилда (25) и Огистен (19).

Откри како ќе се вика внукот

Во неделата, актерката сподели видео на Инстаграм во кое го држи внукот во раце и му зборува на шпански. Таа откри дека момчето се вика Франсоа, со што ја продолжува семејната традиција, но и дека веќе му го дала својот прекар - Панчито.

„Благословени сме што ја пречекуваме четвртата генерација во семејството што ќе го носи името Франсоа. Сепак, ќе го викам Панчито. Се чини дека му се допаѓа и не би можела да го сакам повеќе од мене“, напиша Хајек.

Објавени се и првите семејни фотографии.

Мајката на момчето, Лара, објави неколку фотографии од својот син минатата недела, а Салма Хаек со нејзиниот внук е на една од нив.

„Мојот сопруг (најкул Франсоа на светот) и нашиот син (најслаткиот Франсоа на светот)... нашиот прв месец како родители“, напиша Лара покрај фотографиите.

„Секогаш сакав да имам многу деца“

Хаек стана маќеа откако се омажи за Франсоа-Анри Пино во 2009 година. Нивната ќерка Валентина се роди две години претходно, во 2007 година. Со текот на годините, актерката често зборуваше за тоа колку ѝ значи големо семејство.

„Отсекогаш сакав да имам многу деца, но не можев. Чудо е што успеав да родам едно дете. Голем благослов е што мојот сопруг има уште три деца. Значи, јас имам четири и сите се сосема различни“, изјави таа за списанието „Ред“ во 2017 година.

Сега малиот Франсоа, или Панчито, како што Хајек одлучи да го нарече, се придружи на нивното големо семејство.

Тагови: Салма Хајек

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Лукашенко доби пушка на подарок: „Не за војна... За безбедност во мир!“

На белорускиот претседател Александар Лукашенко му беше врачена првата целосно белоруска автоматска пушка, „VSK-100B“, за време на неговата посета на претпријатието „Кидма Тек“, дознава Белта.

Лукашенко доби пушка на подарок: „Не за војна... За безбедност во мир!“

Лукашенко посети компанија која развива високотехнолошки производи за воени и цивилни цели, а во таа пригода му беше врачена автоматска пушка „VSK-100B“.

Подарокот беше придружен со плоча со натпис: „Не за војна... За безбедност во мир!“, објави Спутник.

За време на посетата, Лукашенко ја нагласи потребата од развој на борбено оружје со целосна локализација на производството.

Според каналот Телеграм „Пул првого“, белоруското оружје веќе е воведено во арсеналот.

Тагови: лукашенко

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер