Култура

Научен труд за неолитскиот локалитет Влахо објавен во археолошкото списание „Antiquity“

Научен труд за неолитскиот локалитет Влахо кај Живојно во Пелагонија на Центарот за истражување на предисторијата е објавен во престижното археолошко списание „Antiquity“ кое го издава Универзитетот во Кембриџ.

Во едицијата „Project Galery“ на ова списание се сумирани последните сознанија за оваа неолитска населба која, според стручните лица, е мошне значајна за македонската и за европската археологија.

-Во трудот е истакнато присуството на десетина ровови, евидентирани на локалитетот Влахо преку неговото геофизичко скенирање. Резултатите од ова истражување посочуваат на дури тринаесет полукружни концентрични ровови што во моментов претставува единствена ваква појава во предисториска Европа. Во просторот што го опфаќаат овие ровови присутни се уште два паралелни рова што формираат правоаголна целина во која се присутни остатоци од повеќе неолитски градби. Надвор од овој мошне интересен комплекс, геофизичкото скенирање потврди уште два рова кои се формирани независно, а за кои во моментов не се знае дали се истовремени или, пак, направени подоцна, соопшти Центарот за истражување на предисторијата.

Она што е фасцинатно за овој локалитет, наглсува Центарот, е фактот дека тој е датиран во 64 век пред новата ера, што воедно го прави и еден од најстарите неолитски локалитети во Европа.

-Во таа смисла, доколку овие десетина полукружни ровови се изработени во раниот неолит, што е сугерирано од добиените дати и материјалната култура, тогаш тоа го прави овој локалитет исклучително важен поради неговата специфична просторна организација која не е вообичаена за Балканот, но и пошироко, наведува Центарот.

Издвањето на овој научен труд во реномираното списание Antiquity, според Центарот за истражување на предисторијата, ќе му даде многу поголемо и светско афирмирање на локалитетот Влахо кај Живојно и на неговите хронолошки, просторни и културни обележја. Со самото тоа што трудот е рецензиран од врвни светски стручњаци, се додава во соопштението, ја потврдува веродостојноста на изложените резултати и овозможува нивно темелно вклучување во студиите на бројни истражувачи. На тој начин се истакнува и значењето на оваа мошне специфична неолитска населба и потребата за нејзино долгорочно проучување и заштита.

Центарот укажува дека локалитетот што е предмет на нивниот научен труд - Влахо кај Живојно во Пелагонија, во моментов е соочен со сериозно оштетување поради ископувањето јаглен во негова близина, но и во рамки на периферијата на неолитската населба.

-Несовесното однесување кон овој локалитет предизвикува оштетување на неговите периферни делови и особено на рововите кои претставуваат негово уникатно обележје. Поради тоа неопходна е итна заштита на ова наоѓалиште и многу погласно апелирање за негово целосно зачувување. Во таа смисла, публикувањето на најновите сознанија за овој уникатен локалитет во угледното списание Antiquity ќе придонесе Влахо да биде препознаен на меѓународно ниво и да му се овозможи соодветен научен третман и заштита. Освен истакнати светски научници од кои дел се вклучени во истражувањето на Влахо, за неговата вредност и специфичност стануваат свесни и меѓународни организации кои ќе иницираат негова целосна заштита, соопшти Центарот за истражување на предисторијата.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Кина тестираше интерконтинентална балистичка ракета од нуклеарна подморница

Лансирањето на ракетата се случи само неколку часа откако Австралија и Фиџи потпишаа договор за одбрана, а експертите веруваат дека времето не е случајно, пишува Гардијан.

Кина тестираше ракета со голем дострел во Јужниот Пацифик; Австралија го оцени потегот како „дестабилизирачки за регионот“

Лансирањето на ракетата се случи само неколку часа откако Австралија и Фиџи потпишаа договор за одбрана, а експертите веруваат дека времето не е случајно, пишува Гардијан.

Кина спроведе тест на ракета со долг дострел во Јужниот Пацифик само неколку часа откако Австралија потпиша договор за одбрана со Фиџи, предизвикувајќи осуда од Канбера и регионалните лидери.

Австралиската министерка за надворешни работи Пени Вонг изјави дека тестот на ракетата е „дестабилизирачки“ за регионот, додека нејзиниот колега од Нов Зеланд, Винстон Питерс, рече дека е „длабоко загрижувачки“. Кинеската државна новинска агенција Ксинхуа во понеделник објави дека тест ракета со лажна боева глава слетала во „одредени води“ на Пацификот.

Според нив, тестот бил „рутинска активност“ во рамките на годишните воени вежби, со претходно објавување на релевантните земји. Точната локација на тестот не е објавена. Владата на Нов Зеланд соопшти дека била известена неколку часа пред лансирањето и дека ракетата била испукана во Јужниот Пацифик.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Фото: Латино дивата присуствуваше на „свадбата на годината“: Во преден план беше нејзиното раскошно деколте

Џенифер Лопез беше добредојдена гостинка на „свадбата на годината“, која собра бројни ѕвезди. Нејзиното деколте го привлече вниманието на јавноста.

Изминатиот викенд беше одбележан со бројни настани, но кога станува збор за светот на шоу-бизнисот, може да се каже дека свадбата на Тејлор Свифт и Тревис Келси сепак остави силен впечаток кај светската јавност.

На „свадбата на годината“, како што многумина го нарекуваат овој настан, присуствуваа бројни ѕвезди, меѓу кои и прекрасната Џенифер Лопез.

За оваа пригода, Џенифер одлучи да облече впечатливо парче облека – структуриран црн фустан од брендот „BACH MAI“, кој ја следи линијата на телото и ја истакнува нејзината завидна фигура. Изгледот е одликуван со спој на класичен гламур и минимализам, што ја истакнува нејзината природна убавина.

Секако не смее да остане незабележано бујното деколте на сексапилната Џеј Ло, како и интересните карнери во долниот дел на креацијата, кои на изгледот му дадоа разиграна нота.

Тагови: Џенифер Лопез

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Автомобилизам

Во што се вози јапонската премиерка: „Toyota“, но каква? (ВИДЕО)

Јапонската премиерка избра – ќе го користи најлуксузниот теренец „Toyota“ како свое службено возило.

Јапонската премиерка Санае Такачи го замени својот официјален седан „Toyota Century“ со новиот луксузен теренец „Toyota Century“.

Возилото веќе е забележано на улиците на Токио, каде што премиерката е придружувана од стандардна придружба составена од седани „Lexus LS“ од претходната генерација.

Новиот теренец „Century“ е целосно црн, без карактеристичната двобојна каросерија. Опремен е со сини сигнални светла, дополнителен ретровизор и, според јапонските медиуми, има одредено ниво на балистичка заштита.

Претходниот официјален седан, кој беше во употреба од 2020 година, беше повлечен по достигнувањето на пропишаната километража.

Јапонската влада не ја објави цената или спецификациите на новото службено возило од безбедносни причини, додека цивилната верзија на овој модел во Јапонија чини околу 27 милиони јени (околу 167.000 долари).

„SUV“ моделот „Century“ користи 3,5-литарски V6 plug-in хибриден погонски склоп со вкупно 406 КС, погон на сите четири тркала и батерија од 21,3 kWh што овозможува до 69 километри електрично возење. Се верува дека премиерката го избрала „SUV“ моделот поради полесното влегување и излегување, повеќе простор и електрифициран погонски склоп, според јапонските медиуми.

Извор: Б92

Тагови: Toyota

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.