Научен собир: Истражувањата и фактите се во основата на заштитата на културното богатство - Канал 5

Култура

Научен собир: Истражувањата и фактите се во основата на заштитата на културното богатство

Научните истражувања и фактите мора да се дел од конзервацијата и реставрацијата на културното богатство. 

Научен собир: Истражувањата и фактите се во основата на заштитата на културното богатство

Мора да се доистражува и одговорно да се однесуваме спрема културните добра, инаку може неповратно да ги загубиме. Ова меѓу другото го нагласија еминентните научници, учесници на тридневниот научен собир кој почна денеска во Прилеп во организација на Институтот за старословенска култура.

Дваесетина еминентни научници денеска говореа на темата „Методологија на научноистражувачката работа користена при истражувањето на културното наследство во нашата држава".

Според Александар Василески од Институтот за старословенска култура од Прилеп, мора да се применат начини и методи да се зачува ликовното и фрескоживописното наследство зашто долго време е подложно на уништување, на кражби и несоодветен третман.

– Научноистражувачката работа е интегрален дел на она што подоцна треба да биде заштита, односно во онаа првична фаза, барем во документирање, потоа во интерпретација и во валоризирање на сите уметнички предмети што ги имаме, како и фрескоцелините. Станува збор за голем фонд на уметнички предмети и стотици и илјадници метри квадратни фрескоживопис кои мора да бидат соодветно третирани, рече Василески.

Весна Петроска од Институтот за фолклор „Марко Цепенков"-Скопје смета дека итно е потребна дигитализација на аудиофондот на снимки, касети и плочи за нематеријалното богатство.

– Мора да се дигитализира големиот фонд на аудиоматеријал, снимки од магнетофони, од касети и плочи кои со текот на времето нормално се оштетуваат и се бришат. Може да дојдеме во ситуација да ги загубиме, рече Петроска.

Професорот Димитар Пандев од Филолошкиот факултет „Блаже Конески" истакна дека сето она што сме го почнале треба само да го доуточниме и нам ни треба понатамошна разработка на сите тие ракописи. Потребни се институти во повеќе градови за проучување на локалната писменост.

– Во сите наши градови, Охрид, Струмица, Куманово, Штип мора да се отворат институти за проучување на регионалните писмености кои дале свој влог во историјата на македонскиот јазик и во комплетирањето на завршната слика на кодификацијата на македонскиот јазик, изјави Пандев.

Посебна приказна е културниот и археолошки комплекс Трескавец кој сѐ уште е недооткриена приказна. Отец Калист, единсвениот жител на Манастирот, смета дека многу значи соработката помеѓу Црквата и науката.

– Недооткриена е приказната за Трескавец. И за античката населба Колобаиса, и за „златното јаболко", и за ранохристијанскиот период. Се надевам дека соработката помеѓу Црквата и науката ќе може наскоро да ја комплетира приказната наречена Трескавец, рече отец Калист.

Бранислав Ристески, директор на Институтот за старословенска култура, посочи дека целта на научниот собир е да се покаже дека приодот кон културното наследство треба да биде со факти и научни сознанија, а не со патетична интерпретација на минатото.

– Свесни сме дека постои тоа, но, од друга страна, очекуваме стручно-научната јавност, општествената стварност да ги испочитува нашите, рационални, сериозни, методолошки сознанија, рече Ристески.

Научниот собир утре продолжува на темата „Сеопфатна заштита на материјалното, културно наследство засновано врз мултидисциплинарни научни сознанија", а в сабота ќе се одржи работилница на манастирот Трескавец.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Технологија

Јужна Кореја планира слетување на Месечината до 2030 година

Јужна Кореја се подготвува за голем технолошки скок, планира слетување на Месечината до 2030 година

Јужна Кореја планира слетување на Месечината до 2030 година

Јужна Кореја денес претстави амбициозна технолошка стратегија заснована на седум клучни проекти, кои опфаќаат области од нуклеарна енергија и квантно пресметување до истражување на вселената и биотехнологија.

Преку оваа иницијатива, земјата има за цел да обезбеди нови извори на економски раст што ги надминуваат полупроводниците и вештачката интелигенција, пренесува Ројтерс.

Иницијативата, наречена „Seven Major SEED“, беше објавена на состанок во „Сината куќа“ (претседателската резиденција), предводен од претседателот Ли Џае-мјунг.

Планот опфаќа неколку главни цели: комерцијална употреба на домашно произведени мали модуларни реактори до 2035 година, слетување на Месечината до 2030 година, развој на домашен квантен компјутер со капацитет од 100 кјубити до 2029 година и комерцијализација на технологијата за интерфејс мозок-компјутер до 2035 година.

Министерот за наука Бае Кјунг-хун објасни дека седумте проекти опфаќаат мали модуларни реактори, енергија од фузија, обновливи извори на енергија од следната генерација, квантна технологија, вселенскиот и воздухопловниот сектор, напредна биотехнологија, како и синџири на снабдување со клучни минерали и материјали.

Новите технологии како стратешки приоритет Стратегијата беше претставена во време кога Јужна Кореја се подготвува за побавен долгорочен економски раст и засилена глобална конкуренција во развојот на нови технологии. Владите ширум светот сè повеќе ги сметаат овие технологии за клучни, не само за економската конкурентност, туку и за националната безбедност. „Ќе помогнеме во развојот на овие проекти и во изградбата на Јужна Кореја со која никој нема да може да се натпреварува за десет или дваесет години“, изјави министерот за наука Бае Кјунг-хун.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Полициските службеници изминатите два дена констатираа 1322 сообраќајни прекршоци

Лишени од слобода 32 лица за безобѕирно управување на возило.

Полициските службеници изминатите два дена констатираа 1322 сообраќајни прекршоци

Во текот на изминатите два дена (10/11.08.2026) како резултат на редовните сообраќајни контроли што ги реализираат полициските службеници од сите сектори за внатрешни работи на патиштата низ државата, од вкупно 1322 издадени платни налози, 400 прекршоци се однесуваат на возачи кои не ја почитувале пропишаната брзина на движење.

Лишени од слобода за безобѕирно управување на возило биле 32 лица, од кои три за возење под дејство на алкохол, 15 за возење без возачка дозвола, еден поради претходно изречена забрана за управување со возило.

Во истиот период одземени се 13 возила по член 300-б од Кривичниот законик.

Понатаму, според статистичкиот преглед од полициските активности, во текот на изминатите два дена евидентирани се 302 прекршоци за неправилно паркирање, како и 16 санкции за возење под дејство на алкохол.

Од друга страна пак, согласно одредбите од Законот за безбедност на сообраќајот на патиштата санкционирани биле 106 возачи на мотоцикли за неносење заштитен шлем. Исто така санкционирани се 67 учесници во сообраќајот кои што не користеле сигурносен појас. Согласно Законот за возила, осум возила биле отстранети од сообраќај заради тоа што биле нерегистрирани, а две заради техничка неисправност. Санкционирани се и пет возачи поради неисполнување на пропишаните услови во однос на затемнувањето на стаклата на возилата (фолии).

Сообраќајните контроли продолжуваат и во наредните денови. Апелираме до сите учесници во сообраќајот да ги почитуваме сообраќајните правила и прописи и заеднички да придонесеме за побезбедни патишта.

Тагови: мвр

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

6 нови возила за Јавното претпријатие за стопанисување со државните пасишта

Јавното претпријатие за стопанисување со државните пасишта обезбеди 6 нови возила, како дел од инвестициите за зголемување на ефикасноста и подобрување на работните капацитети на терен.

6 нови возила за Јавното претпријатие за стопанисување со државните пасишта

Оваа инвестиција ќе овозможи подобри услови за работа на вработените и поефикасно извршување на работните задачи на терен, имајќи ја предвид територијалната распространетост и потребите на претпријатието.

Набавката на новите возила е дел од заложбите за модернизирање на опремата и средствата за работа, како и за создавање подобри услови за вработените кои секојдневно ги извршуваат своите работни задачи на терен.

Денес не слушаме само оправдувања, туку покажуваме резултати. Оваа инвестиција е конкретен доказ дека со планирање, одговорност, конкретна работа и колективен ангажман можат да се реализираат проекти кои директно придонесуваат за подобрување на работата на институцијата.

Претпријатието и во наредниот период ќе продолжи со инвестиции и активности насочени кон зголемување на ефикасноста, подобрување на условите за работа и унапредување на услугите на терен.

Конкретна работа. Конкретни резултати.

Јавно претпријатие за стопанисување со државните пасишта

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер