НАТО повикува на почитување на уставниот поредок во Босна и Херцеговина - Канал 5

Свет

НАТО повикува на почитување на уставниот поредок во Босна и Херцеговина

Стабилна и безбедна Босна и Херцеговина е во наш интерес и е од корист на сите. 

НАТО повикува на почитување на уставниот поредок во Босна и Херцеговина

НАТО цврсто го поддржува територијалниот интегритет и суверенитет на Босна и Херцеговина според Дејтонскиот договор, кој мора да се почитува, бидејќи тоа е основа на стабилноста и државноста, порача денеска заменик-генералниот секретар на пактот, Радмила Шекеринска, во изјава во седиштето на Алијансата во Брисел.

Уставниот поредок во државата треба да се зачува, нема да прифатиме безбедносен вакуум и нема да дозволиме да се наруши тешко стекнатиот мир. Стабилна и безбедна Босна и Херцеговина е во наш интерес и е од корист на сите. Земјата е вреден партнер, подготвени сме да ја продлабочиме нашата соработка. Сакаме Босна и Херцеговина да напредува на патот кон ЕУ и НАТО. Многу е постигнато, се надеваме дека ќе продолжиме на оваа основа во интерес на оние што живеат таму. Остануваме загрижени поради последните случувања“, додаде Шекеринска.

За состојбата во земјата денеска е предвидено да разговараат амбасадорите на земјите од НАТО и претставници на Претседателството на Босна и Херцеговина. Се очекуваше утрината изјави да дадат генералниот секретар на НАТО, Марк Руте и тројцата претставници на Претседателството, но потоа изјава даде само Шекеринска.

Македонија

Поднесено обвинение за силување

Основното јавно обвинителство Скопје спроведе истражна постапка и поднесе Обвинителен акт против 37-годишен скопјанец за кривично дело – Полов напад и силување согласно член 186 став 3 во врска со став 1 од Кривичниот законик.

Поднесено обвинение за силување

На 21 февруари вечерта, со умисла и на сила, спротивно на јасно изразената волја на жртвата, ја присилил на полов однос. Делото го извршил во автомобил, на паркинг во Сопиште, така што најпрво без согласност започнал да ја допира жената, а потоа станал и насилен кон неа затоа што го одбивала.

Ја удирал со боксови и тупаници, па дури и со нога во лицето, предизвикувајќи и телесни повреди – подливи, нагмечување и скршеница на носните коски. Иако му кажала дека не сака да има ништо со него, на сила ја соблекол и ја принудил на полов однос. За цело време оштетената безуспешно се бранела и се обидувала да се оттргне.

Јавниот обвинител, заедно со поднесеното обвинение, до Судот достави и предлог за продолжување на претходно определената мерка притвор за обвинетиот.

Тагови: ОЈО силување

Свет

Во Украина се урна уште еден авион Ф-16

Во Украина утрово се урна воен авион Ф-16, а пилотот се катапултира и е во добра здравствена состојба, соопшти украинското военовоздухопловство.

Во Украина се урна уште еден авион Ф-16

- Според прелиминарните податоци … во авионот се случила невообичаена ситуација. Пилотот го оддалечил авионот од населени места и успешно се катапултира, објави украинското военовоздухопловство на Телеграм.

Исто така се додава падот на авионот не е последица на руски напад.

Украинската армија најави дека ќе формира комисија која ќе го истражува инцидентот.

Тоа е втор пад на авион Ф-16 откако Украина доби борбени авиони од сојузниците на САД минатата година, во рамките на програмата одобрена од администрацијата на поранешниот американски претседател Џо Бајден. На крајот на август минатата година се урна Ф-16, а пилот загина.

Украина не открива колку борбени авиони добила од сојузниците./МИА

Тагови: украина Ф-16

Култура

Филмот „Јон Вардар против Галаксијата“ на фестивал во Грузија

Анимираниот филм „Јон Вардар против Галаксијата“ во режија на Гоце Цветановски влезе во официјалната селекција на 5. Striped Tale Animation Festival 2025, што се одржува од денеска до 18 мај во Тбилиси. 

Филмот „Јон Вардар против Галаксијата“ на фестивал во Грузија

-Фестивалскиот тим на својата веб-страница го опишува филмот со следниве зборови: „Вселенска зоолошка градина. Балкански хумор. Хаос на интергалактичко ниво. „Јон Вардар против Галаксијата“ нè носи во една апсурдна мисија за спас на универзумот. Чудовишта, сатира и емоции се судираат во оваа забавна вселенска опера за сите возрасти. Научно-фантастична пародија со срце, вонземјани и автентичен балкански дух, вели режисерот.

Филмот на Цветановски, кој е поддржан од Агенцијата за филм, досега е селектиран на повеќе од десет фестивали, од кои пет се во А и Б листите на најдобри филмски фестивали во светот. /МИА

Тагови: Јон Вардар против Галаксијата Грузија
притисни ентер