НАТО ловци повторно подигнати поради руски воен авион над Балтичко Море - Канал 5

Свет

НАТО ловци повторно подигнати поради руски воен авион над Балтичко Море

 НАТО денеска подигна два германски авиона „Еурофајтер“ како одговор на руски воен авион кој летал над Балтичкото Море, соопштија германските воздухопловни сили.

НАТО ловци повторно подигнати поради руски воен авион над Балтичко Море

Авионот, кој првично не можел да се идентификува, летал во меѓународен воздушен простор без план за лет или радио контакт. Рускиот воен авион изгледал како извидувачки авион Ил-20М, пренесува ДПА.

Германските ловци полетале од воениот аеродром Росток-Лаге на северот од земјата.

Германските вооружени сили чуваат дополнителни авиони во состојба на готовност за да го заштитат воздушниот простор на источното крило на НАТО по серијата неодамнешни нарушувања на воздушниот простор на Алијансата од страна на Русија.

По тврдењата на НАТО сојузниците за зачестени нарушувања на возушниот простор од руски авиони, на барање на Естонија утре ќе биде одржан вонреден состанок на Советот за безбедност на Обединетите нации.

Во период кога НАТО сојузниците размислуваат како да одговорат на упадите на руски борбени авиони, германскиот пратеник Јирген Харт, портпарол за надворешна политика на парламентарната група од конзервативниот блок на канцеларот Фридрих Мерц, повика да се разгледа можноста за соборување на руските воени авиони што го нарушуваат воздушниот простор на НАТО.

- На Кремљ му е потребен јасен знак стоп, вели Харт во статија објавена денеска од германската медиумска група Р&Д.

Тој тврди дека „само јасна порака до Русија дека на секое воено нарушување на границата ќе биде одговорено со воена сила, вклучително и соборување на руски борбени авиони над територијата на НАТО“.

- Алтернативата би била руската воена логика да продолжи да ескалира. Сега се нарушува воздушниот простор, наскоро ќе биде бомбардирање на поединечни цели, а потоа ќе дојдат руски војници, предупредува Харт.

Сојузниците на НАТО ќе се состанат следната недела на консултации откако Естонија соопшти дека три руски борбени авиони нелегално влегле во нејзиниот воздушен простор во петокот.

Една недела претходно, полските и сојузничките сили прв пат соборија руски беспилотни летала над територијата на НАТО. Потоа, најмалку 19 беспилотни летала влегоа и во Полска, потсетува ДПА.

Полска ги собори беспилотните летала во својот воздушен простор со поддршка на воени авиони од други земји-членки на НАТО.

Тагови: НАТО Балтичко Море

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Влада донесе одлука: Се намалува ДДВ-то за горивата од 18 проценти на 10 проценти

Согласно пресметките на Владата, со намалувањето на ДДВ од 18% на 10% значително ќе се ублажи очекуваното зголемување на цените на горивата.

Влада донесе одлука: Се намалува ДДВ-то за горивата од 18 проценти на 10 проценти

Владата на денешната седница, донесе Одлука со која ДДВ се намалува од 18% на 10%, со цел директно да се ублажи ценовниот удар врз граѓаните и стопанството во услови на кризна состојба поради можноста за нарушувања во снабдувањето со нафта и нафтени деривати.

Согласно пресметките на Владата, со намалувањето на ДДВ од 18% на 10% значително ќе се ублажи очекуваното зголемување на цените на горивата.

Кај нафтата, наместо редовното очекувано зголемување од околу 5 денари, со оваа мерка се очекува намалување од околу 2 денари. Тоа значи вкупно ублажување на ценовниот удар од околу 7 денари, при што новата цена би изнесувала околу 99 денари за литар.

Кај бензините, согласно пресметките, се очекува зголемување од околу 3,5 денари, што значи дека новата цена би изнесувала околу 100,5 денари за литар за бензинот ЕУРОСУПЕР БС-95, односно 102,5 денари за литар за бензинот ЕУРОСУПЕР БС-98.

Повластената даночна стапка од 10% ќе се применува од 00:01 часот на 15 септември 2026 година до 24:00 часот на 28 септември 2026 година.

Со оваа одлука Владата презема конкретна и навремена мерка за заштита на животниот стандард на граѓаните, намалување на финансискиот товар и поддршка на стопанството во услови на кризна состојба.

Владата продолжува внимателно да ги следи состојбите на пазарот на нафтени деривати и да презема мерки во интерес на граѓаните и економијата.

Тагови: влада

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Шкотска, Велс и Северна Ирска се здружуваат – бараат право на референдуми за независност

Шкотскиот премиер Џон Свини смета дека политичките промени покажуваат дека сегашната состојба не може да трае бесконечно.

Шкотска, Велс и Северна Ирска се здружуваат – бараат право на референдуми за независност

Лидерите на Шкотска, Велс и Северна Ирска во понеделник ќе се сретнат во Кардиф, каде што треба да потпишат заедничка декларација со која ќе го потврдат правото на нивните нации на самоопределување и ќе побараат можност граѓаните на референдуми да одлучуваат за својата иднина.

Според „Телеграф“, ова ќе биде прв заеднички настап на тројца лидери на Шкотска, Велс и Северна Ирска кои отворено се залагаат за промена на сегашниот уставен статус во рамките на Обединетото Кралство.

По состанокот се очекува нивните партии да потпишат и меморандум за соработка во четири области – економијата, енергетиката, европа и меѓународната соработка и самоопределувањето.

Сите три политички опции имаат и европска агенда. Шкотската национална партија и Плајд Камри се залагаат независните Шкотска и Велс во иднина да станат членки на Европската Унија, додека Шин Фејн бара обединување на Северна Ирска со Република Ирска.

Шкотскиот премиер Џон Свини смета дека политичките промени покажуваат дека сегашната состојба не може да трае бесконечно.

Тагови: референдум

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

115 лица евакуирани од патнички брод со кој беше изгубен контактот

Вкупно 115 лица се евакуирани од индонезиски патнички брод со 243 патници и членови на екипажот.

115 лица евакуирани од патнички брод со кој беше изгубен контактот

Вкупно 115 лица се евакуирани од индонезиски патнички брод со 243 патници и членови на екипажот – кој утрово исчезна откако беше изгубен контактот со него во Јаванското Море поради лошите временски услови – при што едно лице загина, а друго е повредено, изјави Дани Рахмат, портпарол на пристанишниот оператор „Пелиндо“.

Претходно, државната агенција за потрага и спасување на индонезија соопшти дека бродот Virgo Transport 8, испловил во саботата од градот Сурабаја во Источна Јава кон Банџармасин во Јужен Калимантан, потоа бил изгубен контактот, што ги поттикнало спасувачите да започнат потрага и да испратат тим на последната позната локација на бродот.

Тагови: брод

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер