Наставници и професори од повеќе училишта добитници на „Просветен работник на годината" - Канал 5

Македонија

Наставници и професори од повеќе училишта добитници на „Просветен работник на годината"

Единаесет наставници, професори и воспитувачи од повеќе основни и средни училишта, како и градинки на територијата на Република Македонија се добитници на признанието „Просветен работник на годината" за учебната 2020/21 година.

Наставници и професори од повеќе училишта добитници на „Просветен работник на годината"

По повод 5-ти октомври, Сојузот на просветните работници на Република Македонија, по претходен конкурс, додели Признанија и плакети на истакнати просветни работници за учебната 2020/2021 година.

Од предучилишното образование – категорија воспитувачи добитници се м-р Љиљана Крстевска, и Биљана Лотеска, воспитувачи од Градинка „Детска радост" – Скопје. Од основното образование во категорија одделенска настава добитници се м-р Весна Недановска, одделенски наставник од ООУ „11 Октомври" – Скопје и Анета Велкоска, одделенски наставник од ООУ „Браќа Миладиновци" Скопје, и од категорија предметна настава добитници се м-р Виолета Панев, професор по англиски јазик од ООУ „Владо Тасевски"- Скопје и Лариса Жулина Митовски, професор по музичко образование од ООУ „Јоаким Крчоски" – Крива Паланка,

Од средното образование добитници на признанието се м-р Стојан Манолев, професор по физика од СОУ „Гоце Делчев" – Валандово, а од просветните работници од стручни служби на различни нивоа – средно образование Валентина Костова Дамчевска училишен педагог од ДСМУ „Др. Панче Караѓозов„ – Скопје и од предучилишно образование Елизабета Симоновска, педагог во ОЈУДГ „Астибо" – Штип.

Оваа година Сојузот на просветните работници со оглед на специфичноста на перидот предизвикан од пандемијата од ковид 19, а вреднувајќи го ангажманот на сите кандидати, на предлог на Комисијата за доделување на награди и признанија со цел да бидат на соодветен начин наградени и кандидатите кои не добиваат Признание за просветен работник на годината, а согласно нивните приложени професионални референци, додели и две дополнителни Признанија за конкретни достигнувања во воспитно-образовниот процес, на кандидатите за учебната 2020/2021 година.

Од основно образование – одделенска настава добитник на ова признание е Весна Гагалоска, од ООУ „Тодор Ангелевски" – Битола, наставник по одделенска настава, за остварени резултати во менторство на учениците во натпревари на општинско, регионално, државно и меѓународно ниво во основно образование, за учебната 2020/2021 и Хилда Димитиревска, од ООУ „Крсте Мисирков" – Куманово, наставник по одделенска настава, за учество на едукативни семинари и добиени сертификати и дисеминации во основно образование за учебната 2020/2021 година.

Во соработка со Министерството за образование и наука, на годинашните добитници на признанието Просветен работник на годината за 2021/2021 им беа доделени плакети за вонредени ангажирања и придонес во унапредување на воспитно-образовната дејност на работното место, а на добитниците на Признанија за конкретни достигнувања во воспитно-образовниот процес им беа доделени плакета за конкретни достигнувања и придонес во унапредување на воспитно-образовната дејност на работното место.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Паника во Русија: Шпионски авион кружел со часови во близина на границата

Американски шпионски авион денес кружел два часа над Естонија и Латвија, десет километри од нивната граница со Русија, по што се вратил во својата база во Романија, според податоците од летот од авионот.

Паника во Русија: Шпионски авион кружел со часови во близина на границата

Според податоците пренесе РИА Новости, авионот полетал од меѓународниот аеродром „Михаил Когалничеану“ во Констанца, Романија, околу 9:42 часот наутро и прелетал над Унгарија, Словачка, Полска и три балтички земји, каде што неколку пати кружел во близина на нивните граници со Русија.

Авионот, за кој РИА Новости вели дека редовно се користи за летови околу регионот Калининград и над Црното Море, долж Крим и други јужни региони на Русија, се вратил во својата база во Романија денес околу 16:33 часот.

Руските власти изјавија дека во последните години се забележани досега невидени активности на НАТО долж западните граници на земјата и дека НАТО ги проширува своите иницијативи, нарекувајќи го тоа „одвраќање од руската агресија“.

Тагови: авион

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

„MUSE“ – ново поглавје во креативниот свет на Милена Танасковска – Пупи

По години посветени на стајлингот и модниот израз, Милена Танасковска – Пупи го претстави својот прв моден проект – колекцијата „MUSE”. 

„MUSE“ – ново поглавје во креативниот свет на Милена Танасковска – Пупи

Настанот се одржа на 16 октомври, во просторот на URMA Concept store, каде посетителите имаа можност одблиску да го запознаат новото креативно поглавје на Пупи.

„MUSE“ е природно продолжение на нејзиниот досегашен професионален пат, но и чекор кон поавторски моден израз. По долгогодишното искуство во создавањето и обликувањето стилски приказни, Пупи за првпат го преточува својот сензибилитет во сопствена колекција, во која модата станува начин за изразување став, индивидуалност и лична естетика.

Зад брендот PUPI стои идејата за мода создадена со личен пристап, надвор од концептот на масовно производство. Секое парче се изработува по нарачка, од висококвалитетни природни материјали, со можност за индивидуален избор на ткаенина и боја, како и прилагодување според мерките на клиентот. На овој начин, секоја креација добива лична димензија, а процесот на создавање станува исто толку важен колку и финалниот изглед.

Визуелната приказна на колекцијата е инспирирана од Париз – неговата безвременска елеганција, урбаниот ритам и ненаметливиот шик.

Соработката со URMA Concept Store ја поставува колекцијата во простор што ја обединува модата со концептуалниот пристап кон стилот и современото купувачко искуство. За презентацијата беше подготвен и ограничен избор парчиња, достапни ексклузивно на 16 октомври, со што настанот доби карактер на внимателно курирано модно доживување.

Со „MUSE“, Милена Танасковска – Пупи отвора ново поглавје во својата креативна приказна, претворајќи го долгогодишниот интерес за модата во сопствен бренд со јасна естетика и индивидуален пристап. PUPI е посветен на жената која ја цени автентичноста и не се стреми да биде обична, туку да го пронајде сопствениот израз преку парчиња создадени токму за неа.

Настанот беше поддржан од Play All Day Cafe.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Петти ден насилни протести во Тирана

Вечерва тензично и во Тирана, каде што петти ден по ред студентите и граѓаните протестираат на улиците на Тирана. 

Петти ден насилни протести во Тирана

Според албанските медиуми, до жестоки судири дошло пред министерството за образование и владата, каде што полицијата употребила солзавец, водени топови, а според некои информации, и гумени куршуми.

Полицијата привела 167 лица, а тензиите од главниот град се прелеаја и во неколку други градови. Протестите се поттикнати од незадоволството поради наводната корупција во владата, недостигот од работни места и ниските стандарди во образованието. Демонстрантите воедно бараат оставка од премиерот Еди Рама.

YouTube video

Тагови: Тирана

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер