Зад името Twike стои концепт кој беше премиерно претставен во 2019 година на салонот за автомобили во Женева. Меѓутоа, сега кога цените на горивата вртоглаво пораснаа и се бараат алтернативни извори на енергија, оваа идеја станува значително поинтересна.
Неговото име е Twike 5, а најинтересниот детал е Human Power Hybrid, хибриден погон кој вклучува употреба на човечка моќ. Имено, иако батеријата го придвижува електричниот мотор, при помали брзини возачот и патникот можат да дадат свој придонес со вртење на педалите.
Колку побавно возите, толку е поважен човечкиот фактор, така што при 50 km/h до 20% од силата можат да обезбедат мускулите на нозете на патникот и возачот. За сѐ друго се грижи батеријата сместена во подот на возилото. Корисникот може да избере меѓу два, со 18 и 36 kWh, а тие влијаат и на досегот кој е 250 km со помалата и околу 500 km со поголемата батерија.
Можеби најинтересен податок е потрошувачката на енергија. Верувале или не, тоа е само 7,3 kWh/100 km, што е половина од денешните електрични автомобили. Тајната е во минимизираната маса од само 600 kg, но и одличната аеродинамика на возилото долго 3327 mm на три тркала.
Патем, автомобилот нема класичен волан, туку има лостови од секоја страна со кои се управува. Ако не сте возач на цистерна или возач на некое друго специјално возило, за таков концепт дефинитивно ќе треба малку да се навикнете. Особено ако се земе предвид дека Twike во верзијата со помоќна батерија може да забрза до 190 km/h.
Twike се произведува недалеку од Франкфурт, а овој модел треба да се појави во продажба до крајот на годината. Најавена е серија од 500 примероци по цена од 39.900 до 49.900 евра, пишува Ecomento.de.