Наскоро пристигнува iM3, првиот БМВ со нов дизајн (ФОТО) - Канал 5

Автомобилизам

Наскоро пристигнува iM3, првиот БМВ со нов дизајн (ФОТО)

IM3 носи нов изглед, дури четири електрични мотори и најголема моќност досега видена кај BMW M3.

Наскоро пристигнува iM3, првиот БМВ со нов дизајн (ФОТО)

Со презентацијата на концептот Neue Klasse, BMW најави целосен пресврт во дизајнот, но и уште порадикален пристап кон електрификацијата. А дека електричните автомобили можат да бидат возбудливи и забавни за возење, ќе покаже новиот M3, поточно iM3.

Електричниот M3 ќе биде меѓу првите модели од новата генерација на БМВ под ознаката Neue Klasse. Во споредба со сегашниот M3, промените се особено изразени на предниот дел - големите „бубрези“ заминуваат во историјата.

Првите идеи ги дава дизајнерскиот предлог на колегите од списанието Kolesa, кој се базира на сите информации достапни досега. Се чини дека електричниот M3, кој веројатно ќе се нарече iM3, би можел да има остри LED светла елегантно интегрирани во тесната решетка.

Страничниот профил значително ќе се разликува од сегашниот M3. Меѓу атрактивните детали, можеме да ги издвоиме рачките на вратите во иста линија со каросеријата и почистите и поедноставни линии. На задниот дел, светлата би можеле да бидат слични на оние од концептот Vision Neue Klasse - помали и потенки, со изразен дифузер и изразен браник.

Иако BMW сè уште официјално не ги објави техничките спецификации за iM3, речиси е сигурно дека ќе има четири електрични мотори - по еден за секое тркало. Теоретски, таквата конфигурација може да произведе 1.360 КС или 1 MW, но се очекува производствениот модел да развие до 800 КС. И тоа би било доволно за да го направи електричниот iM3 најмоќниот и најбрзиот M3 во историјата.

BMW планира да продолжи да ја нуди шестцилиндричната бензинска верзија на M3 заедно со електричната верзија, дозволувајќи им на клиентите да избираат помеѓу традицијата и иновацијата. Сепак, iM3 претставува важен чекор за брендот, не само во однос на перформансите, туку и како симбол на дизајнот и технолошката трансформација на брендот.

Тагови: бмв дизајн

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Хорор на градилиште во Брисел: Безживотни тела пронајдени во лифт

Неколку лица загинаа во пожар на градилиште во Брисел денес, додека потрагата по уште шест исчезнати е во тек, соопштија локалните власти.

Хорор на градилиште во Брисел: Безживотни тела пронајдени во лифт

Телевизијата „VRT“ објави дека повеќето од приближно 200 работници биле евакуирани откако избувнал пожарот.

Портпаролот на локалниот инспекторат за труд изјави дека голем број тела се пронајдени во еден од двата лифтови на голем проект за реновирање на „Place de Brouckere“, каде што пожарот избувна рано утрово.

Сепак, тој не прецизираше за колку тела станува збор.

Тој додаде дека сè уште не е јасно дали телата на исчезнатите работници се пронајдени.

Тагови: Брисел

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Падна Владата на Украина

Украинскиот парламент, Врховната рада, денес ја прифати оставката на премиерката Јулија Свириденко.

Падна Владата на Украина

Целата украинска влада со тоа автоматски поднесе оставка заедно со премиерката, а 258 пратеници гласаа за нејзино усвојување, објавува Укринформ.

Свириденко претходно им се заблагодари на пратениците во своето обраќање пред парламентот за нивната заедничка работа во текот на целата година и на украинскиот претседател Володимир Зеленски за довербата што ѝ ја покажаа, објавува агенцијата.

Претседателот на украинскиот парламент, Руслан Стефанчук, вчера објави на Фејсбук дека оставката на премиерката Јулија Свириденко стигнала до украинскиот парламент.

„Благодарен сум на Јулија Анатолиевна за нејзината работа на чело на владата во исклучително тежок период за земјата, нејзиниот придонес во зајакнувањето на економијата, поддршката на граѓаните и напредокот на нашата земја на патот кон Европската унија. Ѝ посакувам успех во понатамошната работа“, додаде претседателот на украинскиот парламент.

Зеленски претходно најави реорганизација на Кабинетот на министри како дел од спроведувањето на нова политичка стратегија и промената на раководителите на безбедносните и судските институции.

На 17 јули 2025 година, Врховната Рада го поддржа назначувањето на Јулија Свириденко за премиер на Украина.

Според извори на „Укринформ“, гласањето во парламентот за назначување на нова влада се очекува да се одржи на 16 јули.

Дотогаш, првиот заменик-премиер, поранешниот премиер Денис Шмигал, привремено ќе ја извршува функцијата шеф на владата.

Фото: ВИ

Тагови: украина

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Петрушевски: Падна монтираниот случај за политички прогон против ВМРО-ДПМНЕ

 Падна монтираниот случај за политички прогон против ВМРО-ДПМНЕ, фактите се непријатни за СДС, а бегањето од сопствената одговорност преку политичка пропаганда не е политика, туку лицемерие.

Петрушевски: Падна монтираниот случај за политички прогон против ВМРО-ДПМНЕ

Падна монтираниот случај за политички прогон против ВМРО-ДПМНЕ!

Колку и да се обидува СДС да ја префрли вината, фактите не можат да ги избришат.

Факт е дека предметот го отвори нивното криминално СЈО, како дел од тогашниот политички прогон против ВМРО-ДПМНЕ, со цел промена на името. Дополнително, факт што свесно го избегнуваат, а кој денес судот јасно го образложи, е дека пресудата е последица на измените на Кривичниот законик од 2023 година, кои СДС ги предложи и ги изгласа.

Јавноста добро памети и како тогаш беа донесени тие измени на Кривичниот законик, со силни сомнежи дека се дел од пошироки политички договори и трговија со влијание, со цел уставни измени за внесување на Бугарите во Уставот.

Затоа, наместо да измислуваат приказни за „судство под контрола“, најпрвин нека се погледнат во огледало, а потоа нека одговорат јавно: кој и за какви цели преку тогашното СЈО го нарача политичкиот прогон против ВМРО-ДПМНЕ и зошто ги донесоа измените на Кривичниот законик во 2023 година?

Фактите се непријатни за СДС! А бегањето од сопствената одговорност преку политичка пропаганда не е политика, туку лицемерие.

Бране Петрушевски

ВМРО-ДПМНЕ

Тагови: Бране Петрушевски

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер