Култура

Наскоро ќе се наплатува влез во римскиот Пантеон

Влезот во едно од најпопуларните историски локалитети во Рим, Пантеон, во иднина ќе се наплаќа приближно 5 евра по билет, но точниот датум на спроведување на оваа одлука се уште не е познат.

Според податоците на италијанското Министерство за култура од март, овој римски храм, изграден во екот на Римската империја, годишно го посетуваат повеќе од 7 милиони луѓе, што го прави најпосетуваното културно место во цела Италија. Средствата од наплатата на билетите ќе бидат наменети за одржување и реновирање на објектот, еден од најважните во историјата на архитектурата, соопшти Министерството.

Децата и младите до 18 години, како и жителите на Рим, нема да плаќаат влезница, а влезот ќе биде бесплатен за членовите на црквата и верските служби. Во собирањето средства е вклучена и Римската епархија, која сака да ги искористи средствата за добротворни и културни цели.

Бројни слични римски споменици, како Колосеумот или Римскиот форум, долго време наплаќаат влезници, но влезот во многу цркви и светилишта е сè уште бесплатен. Италијанските кралеви Виторио Емануел II се погребани во Пантеон, како и некои уметници, меѓу кои и ренесансниот сликар и архитект Рафаел.

Првата градба била подигната помеѓу 27 и 25 п.н.е., а импресивната купола била изградена во првата половина на вториот век од нашата ера. Пантеонот се смета за архитектонско чудо и најимпресивниот антички храм во центарот на Рим.

Неговата купола е најголемата неармирана купола на светот, а до денес не е познато како Римјаните ја изградиле пред 2000 години. Првично, Пантеон бил изграден како храм на сите богови, а од VII век е католичка црква. Кога Микеланџело првпат го видел, се вели дека рекол дека тоа е дело на ангели, а не на човечки раце.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Лишен од слобода велешанец поради предизвикување пожар во Долно Оризари

На 05.07.2026 во 15:20 часот во село Долно Оризари, велешко, полициски службеници од СВР Велес го лишија од слобода А.О.(61) од Велес.

Тој се сомничи дека околу 14:25 часот на место викано „Свилара“ во атар на село Долно Оризари, запалил сува трева во својот овоштарник и предизвикал пожар кој зафатил нива, помошна просторија, бандера и инвентар од викенд куќа, сопственост на 42-годишната М.Т од Велес. При обид да го изгасне пожарот, А.О се здобил со повреди. Пожарот бил изгаснат од Територијална противпожарна единица Велес, а увид извршила увидна екипа од СВР Велес. А.О. бил приведен во полициска станица, известен бил јавен обвинител и по документирање на настанот, против него ќе биде поднесена соодветна пријава.

Тагови: Долно Оризари

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

МВР: Го пуштивме во употреба „Безбеден град“ – проект што спасува животи и гради побезбедна иднина

„Безбеден град“ е проект за кој долго се зборуваше, а ние го реализиравме. Денес тој претставува еден од најважните механизми за модернизација на полициското работење и заштита на животите на граѓаните.

Резултатите веќе го потврдуваат тоа.

Во периодот од февруари до јуни оваа година, бројот на загинати лица во сообраќајни незгоди е намален за 40% – од 55 жртви во истиот период минатата година, на 34 оваа година.

Од почетокот на примената на системот се евидентирани над 130.000 сообраќајни прекршоци, а повеќе од 95% од нив се однесуваат на пречекорување на дозволената брзина. Тоа јасно покажува дека најголемата опасност на нашите патишта не се камерите – туку неодговорното возење.

Продолжуваме со неговата имплементација низ целата држава, затоа што нашата цел не е да изрекуваме повеќе казни, туку да имаме помалку сообраќајни несреќи, помалку изгубени животи и побезбедни патишта за сите.

„Безбеден град“ е технологија што спасува животи. Безбедноста нема алтернатива.

Тагови: безбеден град

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Водата во Скопје безбедна за пиење

Неделен лабораториски извештај за квалитетот и безбедноста на водата за пиење.

ЈП Водовод и канализација – Скопје со цел подобра информираност на граѓаните на град Скопје, го објавува неделниот извештај за квалитетот и безбедноста на водата за пиење, добиен од анализите спроведени во Секторот за санитарна контрола.

Секторот за санитарна контрола во периодот од 29.06.2026 до 03.07.2026 зема 187 примероци за физичко-хемиска и 187 примероци за микробиолошка анализа на вода за пиење од 41 мерни места во Градот Скопје.

Согласно добиените резултати од испитувањата, сите примероци ОДГОВАРААТ на Правилникот за барања за безбедност и квалитет на водата за пиење (Службен весник на РМ, бр.183/18).

Тагови: вода

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.