Ретро пристапот го потврди и најавната фотографија на која новиот модел позира со генерацијата FJ62 од доцните 1980-ти. Овде можеме да го видиме само носот на новиот модел, што беше доволно магазинот Колеса да го склопи остатокот.
Се претпоставува дека Toyota нема многу да филозофира за дизајнот на новиот модел. Се очекува исклучително поедноставен изглед со квадратни фарови и издадени браници. Доколку овој предлог се оствари, особено ќе ги пофалиме големите стаклени површини, враќање на трендот кој изумре во текот на 1990-тите, но веројатно последниот застаклен модел беше Multipla на Fiat.
Можно е новиот LC да ја користи платформата GA-F, исто како и Lexus GX. Но, кога станува збор за Lexus, тука е 3,5 твин-турбо V6 мотор со 350 КС и 10-брзински менувач. Погонот на четири тркала е постојан, но возачот има на располагање Торсен заклучувачки диференцијал. Тојота, како што доликува, ќе понуди рачно вклучување на редукцијата. Ако се вратиме на моторите, новиот LC, според сите сметки, ќе биде ограничен на мотори со четири цилиндри.
Во секој случај, Defender и останатите сериозни теренци добиваат (повторно) еднакво сериозна конкуренција. Да потсетиме, последниот Land Cruiser (Prado) беше претставен уште во 2009 година.