Свет

Насирзаде: Техеран ќе возврати доколку САД или Израел го нападнат

Иранскиот министер за одбрана Азиз Насирзаде денеска изјави дека Техеран ќе возврати доколку САД или Израел го нападнат.

Британските медиуми наведуваат дека коментарот на Насирзаде следеше на верувањето на израелскиот премиер Бенјамин Нетанјаху дека ќе му возврати на Иран затоа што Хутите, кои се поддржани од Техеран, истрелаа ракета што падна во близина на главниот аеродром во Израел.

-Доколку оваа војна ја започнат САД или ционистичкиот режим (Израел), Иран ќе ги нападне нивните интереси, бази и сили, каде и да се и кога и да смета дека е потребно, изјави Насирзаде за иранската државна телевизија.

Иран не е непријателски настроен кон соседните земји, но во случај на напад, американските бази лоцирани во регионот ќе се сметаат за цел за Техеран, истакна Насирзаде.

Израелскиот премиер Бенјамин Нетанјаху претходно денес изјави дека Израел ќе им одговори на Хутите и нивните ирански „господари“ откако јеменската бунтовничка група, поддржана од Техеран, започна ракетен напад врз главниот меѓународен аеродром во Израел.

„Нападите на Хутите доаѓаат од Иран“, напиша Нетанјаху на платформата X.

Тој истакна дека Израел ќе одговори на нападот на Хутите во време и место што ќе го избере кога ќе ги таргетира „нивните ирански терористички господари“.

Ракета испалена од Хутите падна во близина на аеродромот Бен Гурион во Тел Авив, кревајќи облак од чад и предизвикувајќи паника кај патниците во терминалната зграда, јавија британските медиуми.

Според израелските медиуми, во нападот се ранети најмалку шест лица.

Воениот портпарол на јеменските Хути, Јахја Сари, изјави претходно денес дека групата ја презема одговорноста за ракетата лансирана на аеродромот Бен Гурион во близина на Тел Авив.

Во видео изјава, Сари го повтори предупредувањето до авиокомпаниите дека аеродромот „веќе не е безбеден за воздушен сообраќај“, јавија британските медиуми.

Како што изјави висок функционер на Хутите, Мохамед ал-Бухаити, за катарскиот телевизиски канал Ал-Араби, Хутите со овој напад ја демонстрираа својата способност да напаѓаат чувствителни цели во Израел.

Тој додаде дека групата поддржана од Иран „нема црвени линии“ во својата борба против Израел.

Тагови: САД Техеран

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Автомобилизам

Првиот електричен мотоцикл на „Honda“ пристигнува во Европа

Електричниот мотоцикл „Honda WN7“ пристигна на европските пазари во јуни 2026 година, придружувајќи се на електричните скутери „EM1 e:“ и „CUV e:“.

За разлика од скутерите кои користат систем на заменливи батерии, „WN7“ е првиот електричен мотоцикл на „Honda“ со фиксна батерија, поставена ниско и централно за оптимален центар на гравитација и подобри карактеристики на возењето.

Иако целосно го елиминира традиционалниот погонски склоп, „WN7“ го задржува фокусот на „Honda“ на динамиката на возењето. Отсуството на бучава и вибрации е искористено како можност за полинеарен одговор на гасот и подобра врска помеѓу возачот и околината, вели јапонската компанија.

Инженерските предизвици како што се пакувањето на батериите, термичкото управување и распределбата на тежината се адресирани холистички, што директно ја одразува стратегијата на автомобилскиот сектор каде што положбата на батеријата е клучна за управувањето.

Моделот „WN7“, исто така, носи висока практичност бидејќи ги усвојува стандардите за полнење во автомобилите, поддржувајќи брзо полнење „AC“ тип 2 и „CCS2“, што овозможува користење на постојната јавна мрежа за полнење. Покрај тоа, испораката на вртежниот момент е прилагодена низ четири режими на возење, со интегрирано регенеративно сопирање.

Оваа иновација е дел од поширокиот план на компанијата за постигнување целосна јаглеродна неутралност до 2050 година. Во текот на следната деценија, хибридните системи и целосно електричните возила ќе коегзистираат во гамата на „Honda“, нудејќи им на клиентите преодни решенија кои беспрекорно се интегрираат во секојдневниот живот.

Извор: Б92

Тагови: Honda

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Лишени од слобода три лица под сомнение за сторено кривично дело предизвикување општа опасност на територија на скопски Чаир

По документирање на случајот, ќе биде поднесен соодветен поднесок.

Денеска (02.07.2026) на ул. “Јадранска магистрала” во Скопје, полициски службеници од СВР Скопје ги лишија од слобода Џ.Џ., А.А. и Ф.Љ. поради основи на сомнение за сторено кривично дело “предизвикување на општа опасност” по член 288 од КЗ. На 01.07.2026 околу 23:20 часот во ПС Чаир е пријавено дека во отпад за секундарни суровини на подрачје на ПС Чаир, бил запален багер.

Веднаш по добиената пријава, полициски службеници од СВР Скопје ги забележале лицата кои биле со патничко возило “бмв” со ресенски регистарски ознаки по што ги лишиле од слобода. По документирање на случајот, ќе биде поднесен соодветен поднесок.

Тагови: Чаир

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Филипче до младите: Борбата за иднината на Македонија е ваша, со вас сум до победа!

Вие сте оние кои секој ден размислувате дали да останете во својата земја или да заминете.

Вие сте оние кои не сакате да градите иднина врз лаги и врз систем во кој правдата важи само за некои.

Затоа сме тука. Затоа се бориме.

Не сме тука за да чекаме подобри времиња. Туку за да ги создадеме.

Не сме тука за да се помириме со тоа дека организирана криминална група управува со државата.

Туку за да ја вратиме државата во рацете на граѓаните.

СДСМ отсекогаш беше државотворна партија, тоа вие како млади го препознавте. Секогаш носеше храбри одлуки кои носеа просперитет и иднина за нашата земја, за нашата татковина.

Денес носител на промените не е само СДСМ, туку еден широк граѓански фронт.

Затоа што мораме сите заедно. Не само како партија, туку како граѓани кои сакаат успешна Македонија.

Затоа денес поединци, експерти, граѓански иницијативи и невладини организации, сите заедно стоиме под еден покрив - Фронтот за вистина и правда.

Фронтот не е само политички проект. Тоа е борба на сите кои сакаат Македонија да биде слободна, праведна и дел од Европа.

Борба во која секој млад човек кој сака да остане и да живее достоинствено има свое место.

Вие не сте само иднината.

Вие сте сегашноста.

Вие имате најмногу сила и енергија за оваа борба. И токму затоа оваа борба е ваша.

Останете. Борете се. Верувајте.

Македонија може подобро. И ќе биде подобра.

Нам не ни треба култ на лидер. Нам ни треба систем.

Нам ни треба слободна, демократска и правна држава а затоа ни треба европска Македонија.

Сите заедно! А, јас сум со вас сум.

До победа!

Обраќање на претседателот на СДСМ, Венко Филипче

Тагови: Венко Филипче

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.