Протестот почнал пред Центарот за безбедност на Подгорица.Полицијата употребила солзавец откако граѓаните фрлиле кон нив неколку тврди предмети, откако се собрале околу 20 часот за да протестираат против настаните во Будва.
На снимките од населбата Голубовина се гледаат двајца припадници на Специјалната полициска единица како удараат еден човек за време на апсењето.
Немирите и инцидентите околу преземањето на локалната власт со денови продолжуваат во Будва.
Откако е формирано ново мнозинство во општинското собрание во Будва, Марко Царевиќ, претседател на Демократскиот фронт на Будва (ДФ) и Крсто Радовиќ од Демократска Црна Гора, од опозициските партии на државно ниво одбија да ја предадат власта на новите општински лидери, Владимир Булатовиќ и Снежана Куч.
Тие тврдат дека новото мнозинство, предводено од Демократската партија на социјалистите (ДПС) е формирано од „политичка корупција“, како и дека изборот на Булатовиќ и Куч е нелегален.
Полицијата претходно им нареди на собраните да се разотидат, или ќе користат присилни методи.
„Вечерва околу 20 часот, група од околу 70 граѓани и опозициски политичари се собраа пред Центарот за безбедност на Подгорица без регистриран и одобрен јавен собир за да се изрази незадоволство од настаните во Будва. Полицијата веднаш се постави и издаде неколку предупредувања и наредби, но тие ги игнорираа наредбите и извикуваа, а потоа фрлаа камења кон полицијата.Во оваа прилика беа оштетени неколку службени возила на Управата на полицијата, а еден службеник е повреден “, се вели во соопштението на Полициската управа.
Полицијата, додаваат тие, ги искористила своите законски овластувања и употребила присилни средства - хемиски средства и физичка сила, по што собраната група се растурила.