Кога вселенското летало „Војаџер 2“ го започна своето патување во меѓуѕвездениот простор кон крајот на 2018 година, во оваа област забележа температури од 49.427 степени Целзиусови, пренесува Футуризам.
„Локалниот меѓуѕвезден медиум, топла бариера од плазма, е променлива во близина на хелиопаузата и потопол отколку што се очекуваше“, пишува во студиското резиме наречено Voyager 2 plasma observations of the heliopause and interstellar medium во научното списание „Nature Astronomy“.
Во резимето исто така се вели дека набудувањата на „Војаџер 2” покажале дека температурата во регионот била 30.000 - 50.000 степени, додека моделите и набљудувањата предвидувале температури од 15.000 до 30.000 степени Целзиусови."
Засега, не им е јасно на научниците како овој ѕид од топла плазма ќе влијае на идните меѓуsвездени патувања. Имено, иако плазмата е исклучително топла, таа не е густа (има мал број честички) и Војаџер 2 помина низ неа без никакви проблеми. Но, експертите се загрижени дека оваа жешка бариера може да влијае врз луѓето.
Научниците во моментов ги анализираат слоеви на плазма кои создаваат и одржуваат соларни ветрови што се издувуваат од Сонцето и го формираат џиновскиот меур од плазма што го опкружува нашиот Сончев систем, според студијата објавена овој месец во „Астрономија на природата“.
Според лабораторијата за придвижување на авиони на НАСА, новите истражувања покажуваат дека Војаџер 2 можеби не преминал во меѓуsвездениот простор, но е заглавен во широка област на транзиција која се состои од неверојатно топла и компактна плазма.