Изработката на нов вселенски костим не е ниту лесна, ниту ефтина работа. Делумно затоа што развојот на таков костум е во тек со годините, се развиваат нови технологии и материјали, а делумно затоа што новите костуми мора да издржат екстремни услови. Се проценува дека костумите што ги носеле првите астронаути на Месечината чинеле помеѓу 15 и 22 милиони долари.

Денешните вселенски костуми се пософистицирани, но и поскапи, и во иднина ќе бидат уште поскапи - според некои проценки, тие би можеле да ја чинат НАСА дури 500 милиони долари.

Инженерите во лабораторијата на НАСА во истражувачкиот центар Глен со години работат на избирање материјали за астронаутите да ги извршуваат идните мисии на Месечината и на Марс и внимателно тестираат и развиваат костуми.

Еден таков костум е создаден како дел од проектот HMP, и за да се осигураат дека костумот ги исполнува сите барања, експертите организирале тестирање во Орегон, во пустината каде тренирале астронаутите на Аполо и каде ги тестирале вселенските одела на кои ги носеле на нивното историско патување до Месечината.

Таму, тие можеле да тестираат колку астронаутите можат да се движат во оделата на нерамни терени, карпи, пештери и други, потенцијално предизвикувачки терени. За да може костумот да стане официјален костум за астронаути, мора да ги помине тестовите на инженерите на НАСА, кои вклучуваат „пукање“ во костумот од воздушен топ долг 12 метри.

Бидејќи површината на Месечината е многу непостојана средина без воздух, со мала гравитација и многу прашина и микрометеори кои можат да летаат со брзина поголема од 35.000 километри на час, астронаутите мора да бидат добро заштитени.

Во балистичката лабораторија на центарот Глен, научниците смислиле серија тестови што треба да помогнат во изборот на материјали за костумите за астронаути за претстојната мисија Артемида. Материјалите ќе бидат насочени кон воздушен балистички топ долг 12 метри, кој може да испука проектили со брзина од речиси 1000 метри во секунда, се` со цел да се симулираат условите во кои астронаутот, на пример, биде погоден од микрометеор, според НАСА .

Ако оделото е под притисок, мала дупка може да стане голем проблем. Ваквите балистички тестови се неопходни за да се обезбеди сигурност на употребената опрема и материјали, вели Мајк Переира, главен техничар во лабораторијата.

За да процени колку е применлив одреден материјал и колку слоеви на материјалот се потребни за безбедна употреба, инженерите користат воздушен топ за да испукаат челични топчиња во различни материјали. Тимот дури го поврзал топот со вакуум за да го отстрани отпорот на воздухот, и на тој начин ги испукале топчињата со поголема брзина. Целиот експеримент е снимен за да се проучи секој аспект на тестирањето.

Интересно, повеќето материјали во тестот се всушност композитни материјали, односно комбинација од различни супстанции кои вклучуваат влакна за дополнителна јачина и смоли што ги поврзуваат овие слоеви, а во исто време овозможуваат апсорпција на ударите и апсорпција на енергијата генерирана од него.

Материјалите што го поминале тестот ќе се дознаат кога НАСА официјално ќе го претстави конечниот производ - костуми што ќе ги носат на Месечината астронаутите од мисијата Артемида.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.