НАСА објави нови слики од кометата „3-И / Атлас“, којашто е „гостин“ во Сончевиот Систем - Канал 5

Технологија

НАСА објави нови слики од кометата „3-И / Атлас“, којашто е „гостин“ во Сончевиот Систем

По големите најави, НАСА објави низа нови, досега најподробни слики од меѓуѕвездената комета „3-И / Атлас“.

НАСА објави нови слики од кометата „3-И / Атлас“, којашто е „гостин“ во Сончевиот Систем

Низ целиот Сончев Систем, од опсерваториите на Земјата до вселенските летала во меѓупланетарниот простор, бројните мисии на американската вселенска агенција успеаја да го сликаат ова вселенско тело како се движи низ нашето блиско пространство, пишува „Сајенс-алерт“ (ScienceAlert).

Најблиските набљудувања дојдоа од Марс, којшто, како што забележа Ники Фокс, заменик-администратор на Дирекцијата за научни мисии, „кометата беше токму во орбитата на Марс“, т.е. соседната нам планета беше на космички најблиската оддалеченост од кометата. Сликите беа направени од „Марсовиот извидувачки орбитер“ (МРО), што првично е задолжен да ја истражува „Црвената Планета“. Леталото ја сними „3-И / Атлас“ од растојание од само 30 милиони километри на 2 октомври оваа година.

- Кометата „3-И / Атлас“ ја достигна својата најблиска точка до Сонцето кога Земјата беше на „погрешната“ страна, за да можеме правилно да ја набљудуваме, рече планетарниот научник Том Статлер. - Но, Марс беше на вистинската страна од Сонцето, па нашите инструменти на Марс беа во можност да ја набљудуваат кометата. И неколку други наши вселенски летала беа на вистинската страна од Сонцето. Затоа, научната заедница е навистина возбудена за кометата и овие нови набљудувања.

Научниците и јавноста со нетрпение ја следеа кометата откако првпат беше забележана од телескопот „АТЛАС“ на 1 јули 2025 година. Нејзините својства ја прават различна од која било комета видена претходно, но нејзината траекторија ја става на спротивната страна од Сонцето од Земјата за време на нејзиниот перихел на 29 октомври - клучно време за набљудување на активноста.

За среќа, голем број вселенски мисии беа во можност да се одвојат од своите главни мисии за да ја набљудуваат кометата.

Покрај „МРО“, и орбитерот „МАВЕН“ на НАСА ја набљудуваше кометата во ултравиолетови зраци, собирајќи податоци за водородот во нејзината атмосфера и опашка. Во меѓувреме, роверот „Упорност“ беше совршено позициониран за набљудување од површината на Марс. Слики беа направени и од сончевите опсерватории „Панч“, „Стерео“ и „Сохо“, како и од леталата „Луси“ и „Сајк“, коишто се движат кон Астероидниот Појас.

Според науката, дефинитивно се работи за комета, а не за вселенско летало со вонземско потекло. Гласините се расчистени.

- Би сакал да се осврнам на гласините. Мислам дека е важно да се зборува и за ова. Ова тело е комета. Изгледа и се однесува како комета, а сите докази укажуваат дека е комета. Но, таа дојде однадвор во Сончевиот Систем, и тоа ја прави фасцинантна, возбудлива и научно многу важна, рече помошник-администраторот на НАСА, Амит Кшатрија.

Тоа е потврдено и со неодамнешна фотографија направена од астрофотографот Сатору Мурата од Ново Мексико (САД), на 16 ноември.

Што е следно? Приказната за кометата „3-И / Атлас“ сè уште не е завршена. Нејзиното најблиско приближување до Земјата ќе се случи на 19 декември. Иако тоа сè уште не е опасно растојание, тоа ќе биде најдобрата можност за набљудување со телескопи и камери од нашата планета.

Тагови: НАСА

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Зеленски: „Путин, дали прифаќаш?“

Зеленски изјави дека сега е ред на Русија да одговори на предлогот.

Зеленски: „Путин, дали прифаќаш?“

Украина е подготвена да учествува во технички трилатерални преговори со САД и Русија – кои би можеле да се одржат до крајот на октомври во Обединетите Арапски Емирати или во друга земја предложена од Вашингтон – изјави украинскиот претседател Володимир Зеленски.

Обраќајќи им се на новинарите во Киев заедно со германскиот канцелар Фридрих Мерц, Зеленски – како што пренесува „Укринформ“ – изјави дека сега е ред на Русија да одговори на предлогот.

„Американската страна стапи во контакт со Украина и Русија, предлагајќи да се одржи средба во некаква форма на техничко ниво, во трилатерален формат, до крајот на октомври. Вчера им потврдив дека сме отворени за учество во Емиратите или во друга земја предложена од американската страна“, рече Зеленски.

Според него, Вашингтон сега го пренел овој предлог на Москва, која треба да го изнесе својот став.

„Позитивно одговараме на преговорите“, рече Зеленски.

Зеленски претходно објави дека Соединетите Држави предложиле подготовка на трилатерална средба со учество на Украина, САД и Русија на техничко ниво.

Тагови: Володимир Зеленски

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Автомобилизам

Клучна одлука за автомобилите во ЕУ: Брисел дефинира кој може да ја носи ознаката „Made in Europe “

Европската унија утврдува што се смета за европски автомобил или компонента.

Клучна одлука за автомобилите во ЕУ: Брисел дефинира кој може да ја носи ознаката „Made in Europe “

Во Европската унија се водат важни дискусии за идните критериуми за ознаката „ Made in Europe “, одлуката што ќе произлезе од нив би можела значително да влијае врз автомобилската индустрија и конкуренцијата од Кина.

Се разгледуваат правила што би им дале предност на европските производи во јавните набавки и во програмите за државна поддршка за стратешките сектори.

Клучно прашање е прецизното дефинирање на тоа кога еден автомобил или негова компонента се квалификуваат како европски производ. Исто така, од особена важност е да се утврдат условите под кои производите и деловите од трети земји би можеле да го добијат истиот статус, пренесува „Revija HAK“.

Според информативниот портал „Contexte“, предвидено е „Coreper I“ – Комитетот на постојани претставници на земјите-членки на ЕУ – да расправа за оваа тема на 7 октомври.

ЕУ се соочува со дилема: правилата треба да го поттикнат производството во рамките на Унијата без притоа да ги загрозат меѓународните синџири на снабдување или обврските кон трговските партнери.

Последиците за купувачите на автомобили остануваат нејасни. Поширока дефиниција за „ Made in Europe “ би им овозможила на автомобилите со поголем удел на компоненти од партнерски земји да го задржат пристапот до европските програми за поддршка и договорите за јавни набавки.

Од друга страна, построгите правила дополнително би го фаворизирале производството лоцирано во ЕУ.

Конечната одлука би можела да има долгорочни последици врз потеклото, достапноста и цената на автомобилите што се продаваат на европскиот пазар.

Извор: Б92

Тагови: автомобили ЕУ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Вучиќ во кампања за предвремените парламентарни избори на 25 октомври

Вучиќ –кој е  носителот на листата „Александар Вучиќ – обединета Србија“  изјавил дека во Загреб, Подгорица, Сараево и Приштина со голем жар посакуваат соборување и промена на актуелната власт во Србија.

Вучиќ во кампања за предвремените парламентарни избори на 25 октомври

Албин Курти и Мило Ѓукановиќ до Андреј Пленковиќ, сите сакаат соборување на власта во Србија. А дали тие сакаат нешто добро за Србија?“, прашал Вучиќ.

На предизборниот собир тој кажал и дека некој однадвор ја отрул атмосферата во земјата, сакајќи да ја промени политиката на Србија, пред се на меѓународно ниво.

Тагови: Александар Вучиќ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер