Во Пехчево, подигнувањето на плата и пензија или плаќање на сметки веќе не е нешто што се врши за неколку минути, туку за истото треба да се одвои еден цел ден за да се отпатува до Берово на 10 или до Делчево на 30 километри, оти градот остана без ниту една банка. Особено е тешко за повозрасните, кои се најбројни во општината, а единствениот банкомат кој го има во градот, почесто е празен, па, тие зависат од туѓ превоз, кој е редок, а со тоа имаат и дополнителни трошоци. Жителите кои се свесни дека градот е под сериозен удар од „Белата чума“ и се повеќе се празни, за Канал 5 велат дека не исчезнаа само банките, туку и чувството дека државата обезбедува еднаков живот за сите. Стравуваат дека набргу ќе останат и без Итна медицинска помош.

-Многу е комплицирано, возрасен човек, соочени се со здравствени проблеми, соочени се со потешкотии во движење, немаат возила, нема такси, нема автобуси, голем проблем е тоа. Претежно од Источна Македонија се селат во странство, но тоа не значи дека тие што сме останале тука, што сме останати дека не треба да ги имаме основните услови за живот, банка или брза помош, еве се зборува дека, имаме брза помош, зе зборува дека и неа ќе ја затворат. - Герасим Станоевски – Жител на Пехчево

Загриженоста е оправдана и се работи на надминување на состојбата, вели градоначалникот на Пехчево – Китански. Што се однесува до итната медицинска помош, уверува дека проблемот е надминат. Општината според последниот попис имаше речиси 4.000 жители, но жителите сметаат дека градот е дополнително поиспразнет, недостасуваат се повеќе млади.

-Во претходниот период стапив со неколку банки во контакт веќе, има добро расположение, имаме позитивно влијание за отворање на нови експозитури на други банки, а во последниот период сме веќе во сериозни преговори со една поголема банка од Македонија за отворање на канцеларија или експозитура во Пехчево. За да функционираш како градче сепак треба да ги имаш основните услови, а тоа е предуслов младите да се задржат, ако ги немаме основните услови за живот, како ние би влијаеле да останат.- Александар Китановски – Градоначалник на Пехчево

Несоодветно здравство и образование, правна несигурност и егзистенцијата задираат секаде, па и во Пехчево, системските фактори се причините поради кои си одат и оние со повеќе пари – вели вели поранешниот директор на заводот за статистика – Апостол Симовски. Алармот одамна одекна, додава Симовски, кој решението го гледа во ЕУ, а не во краткорочни мерки за наталитет.

-Некаде до 2070 година, Македонија може да остане со не повеќе 1,5 милиони жители, но читав конкретно и една проекција на ОН која вели дека до 2050 година Македонија може да има само милион жители, ова се страшни податоци кои треба да не загрижат и треба час поскоро треба да се свестиме дека мора да се делува. Мерки во смисол на стимулирање на наталитет можат да дадат краткорочен ефект, но генерално се покажале секаде неуспешно, па и кај нас имавме стратегија, суштината е во менувањето на услови, тоа е она што младите го сакаат и заради што би останале дома.- Апостол Симовски – Поранешен директор на Државен завод за статистика

Според последните проценки на државниот завод за статистика, земјава и натаму е со негативен природен прираст од неколку илјади луѓе годишно, односно, во Македонија повеќе луѓе починуваат, а помалку се раѓаат. Ова според експертите, се припишува и на тоа што младите си одат, а со себе го носат и наталитетот во други земји.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Стапката на инфалција оди во надлолна линија – трошоците на живот во јуни пораснале за 3,4 % споредбено со истито тмесец лани измери државниот завод за за статистика, откако во април и мај инфлацијата изнесуваше 5,7 % односно 4,8 %.

На месечно ниво јуни споредбено со мај забележливо е намалување од -0,5%, кое, според статистичарите пред се се должи на намалените трошоци за траспорт и тоа за 1,6 % и храна за 1,1 %. Од министерството за економија велат осбено е значајно што има намалување во овие две категории кои имаа најголемо влијание врз семејните буџети.

Во меѓувреме во следниве неколку дена се очекува ДПИ да ја завшри конторлата кај оние 700 прехранбени и непрехранбени производи, каде првичната анализа според инфорамции на канал 5 покажала одредени нерегуралности во однос на бруто профитните маржи кај дел од трговците. Како што посочуваат од ресорното министерство податоците покажале дека дел до растот на малопродажните цени не се должи само на повисоки набавни цени туку и на зголеување на бруто профитните маржи, а во одредени случаи дури каде имало намалување на набавните цени производите на раст не биле соодветно намалени поради повисоки маржи.

„Податоците од Државниот пазарен инспекторат покажуваат дека во периодот мај 2025 – мај 2026 година просечните набавни цени на основните прехранбени производи, средствата за хигиена и производите за бебиња се зголемени за 2,66%, додека просечните продажни цени пораснале за 4,56%. Во истиот период, просечната бруто профитна маржа е зголемена за 1,88 процентни поени. “- Министерство за економија.

Велат од министерството за економија за Канал 5, посочувајќи дека доколку се утврди потреба ќе предложат превземање на соодветни мерки за заштита на животниот стандард.

Инаку во јуни споредбено со мај минимално намалување од 88 денари имаше и кај кошничката која ја пресметува ССМ. Во јуни според синдикатот на едно четиричлено семејство му биле потребни 68 654 денари, од кои најмногу или нешто над 25 илјади одат само за храна и пијалаци.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Оваа блокада е резултат на долгогодишниот проблем со висината на дневниците и нерешавањето на нивните барања од страна на Министерството за правда и Судскиот совет, што предизвикува одложување на судските рочишта и создава дополнителен притисок врз правосудниот систем во земјава. Од Судот велат дека судиите-поротници се незаменлив дел од судските постапки и дека без нив голем дел од судењата не можат да се одвиваат.

„Без нивното учество, значителен број судења не можат непречено да се одвиваат“, велат од Кривичниот суд.

Претседателот на Судскиот совет, Александар Камбовски, изрази поддршка за барањата на судиите-поротници, оценувајќи дека надоместоците што ги добиваат се несоодветни на условите во кои работат и на обврските што ги извршуваат во правосудниот систем, но сепак за решение упатува на министерството за правда.

-Судските поротници се дел од правосудното семејство.Јас остварив повеќе средби со нив и нивните претставници на коишто им дадов максимална поддршка, бидејќи на условите во коишто тие работат, надоместоците кои што ги примаат се навистина испод секое ниво на професионалност. Што се однесува за останатиот дел за надоместоците, тоа се уредува со правилник на министерот за Првда. Тој правилник уште од 2010 година донесен. Од 2010 година до денес, колку се промениле цените, колку се промениле трошоците а тој да остане ист. Сите се согласуваме дека навистина е низок и не се соодветствува со реалните услови кои што ги имаме во 2026 година – посочи изјава Александар Камбовски - претседателот на Судскиот совет.

Од Министерството за правда засега нема официјален став за состојбата. Оттаму кусо нè информираа дека Министерството се воздржува од каков било коментар за судиите-поротници во Основниот кривичен суд Скопје.

Неофицијално, како што дознава Канал 5 во моментов дополнителна потешкотија во функционирањето на Министерството претставува и смената на министерската функција. По заминувањето на Игор Филков, сè уште се чека Јетон Шасивари да ја преземе функцијата министер за правда со што функционирањто на ресорното министерство е отежнато.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.