НАСА испраќа летало до Јупитеровата месечина Европа - Канал 5

Технологија

НАСА испраќа летало до Јупитеровата месечина Европа

Се работи за обид да се открие дали овој природен сателит на Јупитер, составен од огромен океан и мраз над него - е погоден за живеење?

НАСА испраќа летало до Јупитеровата месечина Европа

Американската Национална воздухопловно-вселенска администрација - НАСА работи на последните подготвки за лансирање вселенско летало до Јупитеровата месечина Европа, којашто се смета за една од најперспективните точки во нашиот Сончев Систем, во потрагата по живот вон Земјата. Се работи за обид да се открие дали овој природен сателит на Јупитер, составен од огромен океан и мраз над него - е погоден за живеење?

Роботичкото вселенско летало на НАСА - „Европа Клипер“ (Europa Clipper) коешто се движи на сончев погон, ќе полета ракета „Фалкон хеви“ на „Спејс-Икс“ од вселенскиот центар „Кенеди“ во Кејп Канаверал, Флорида, САД. Ќе содржи девет научни инструменти. По патот од 2,9 милијарди километри леталото треба да влезе во орбитата на Јупитер во 2030 година.

По доцнењето предизвикано од ураганот Милтон, НАСА го закажа пробното лансирање за денес, понеделник, во 12:06 часот по локално време (18:06 ч. по македонско време).

- Имаме прилично убедливи докази дека на Европа е можен живот, но мораме да одиме таму за да се увериме самите во тоа. Би сакала само да го истакнам следното: Не тргнуваме во мисија за откривање живот, туку само бараме услови за живот!, изјави Бони Бурати од Лабораторијата за млазен погон на НАСА, која е заменичка-научник за проектот на мисијата.

„Европа Клипер“ е најголемото вселенско летало што НАСА некогаш го изградила за една меѓупланетарна мисија. Долг е околу 30,5 метри, широк 17,6 метри и тежок 6.000 кг. Тој, притоа, е поголем од кошаркарско игралиште, имајќи ги предвид и неговите масивни плочи за собирање Сончева светлина што ги напојуваат научните инструменти, електрониката и другите системи. Во период од три години, НАСА планира да направи 49 доближувања до Европа со своето вселенско летало. Тоа претходно треба да прелета и покрај Марс, а назад на Земјата ќе се враќа користејќи ја гравитацијата на секоја планета.

Научниците поставија три главни цели за оваа мисија: Мерење на надворешната ледена покривка на сателитот Европа и нејзиниот сооднос со потповршината, потоа - одредување на составот на месечината и на нејзината геологија.

- Како „океански свет“, Европа е многу интригантна за нас, и оваа мисија ќе ни помогне да разбереме сложен дел од нашиот Сончев систем“, рече Џина Дибрачо, в.д. директор на Одделот за планетарна наука на НАСА. - „Клипер“ ќе биде првата мисија од ваков вид што ќе ни овозможи да ја карактеризираме погодноста за живот (виреење) на она што може да се смета за најчест вид населен свет во нашиот универзум, додаде таа.

И покрај непогодното и студено, скоро „непријателско“ опкружување, научниците веруваат дека Европа би можела има одредени услови за живот. Бурати потсетува дека постојат три основни услови: Течна вода, одреден вид хемиски и органски соединенија кои би можеле да послужат како основа или „храна“ за секој примитивен организам и, конечно - извори на енергија.

Дијаметарот на месечината Европа кај екваторот е околу 3.100 км, што е приближно 90 отсто од дијаметарот на нашата Месечина. Се верува дека ледената покривка на Европа е дебела меѓу 15 и 25 км и се наоѓа над огромен и течен, а веројатно и солен океан - длабок меѓу 60 и 150 километри. Така, иако Европа е само само една четвртина од дијаметарот на Земјата, нејзиниот океан може да содржи двојно повеќе вода од сите океани на Земјата.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Хорор во САД: Од библиотеката се слушале звуци од огнено оружје и вресоци на луѓе, има мртви (ВИДЕО)

Најмалку две лица загинаа во пукотница што се случила во библиотека во Калифорнија, соопшти локалната полиција.

Хорор во САД: Од библиотеката се слушале звуци од огнено оружје и вресоци на луѓе, има мртви (ВИДЕО)

Пукањето се случило во градот Чико на северот од оваа американска држава, а еден осомничен е во притвор, јавува Асошиејтед Прес.

Полицијата соопшти дека одговорила на повик во кој се слушале звуци од огнено оружје и вресоци на луѓе од библиотеката.

„Кога полицајците влегле во библиотеката, осомничениот избегал низ задната врата. Дополнителни сили за спроведување на законот зад библиотеката го привеле осомничениот“, изјави началникот на полицијата Били Олдриџ.

Според него, инцидентот е многу тажен и трауматичен за многу луѓе.

Улиците околу библиотеката биле привремено затворени, а за луѓето што биле во зградата бил отворен центар за семејно обединување.

Едно дете е однесено во болница со полесни повреди.

Полицијата не го објави името на осомничениот ниту детали за тоа што го предизвикало пукањето, но рече дека верува дека стрелецот дејствувал сам.

АП додаде дека полицијата изјавила дека нема да ги објави имињата на убиените додека не бидат известени најблиските роднини.

Локалните власти ги повикаа луѓето да ја избегнуваат областа.

Извор: Б92

Тагови: пукање САД

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Герасимовски: Времеплов низ срцето на Скопје, запознајте ја историјата, културата и архитектурата на Центар

Општина Центар ги поканува сите заинтересирани граѓани на  бесплатна тематската прошетка  „Времеплов низ Центар,  историја, култура и архитектура“, која ќе се одржи на 24 јуни (среда),  од  18:00 до 20:00 часот.

Герасимовски: Времеплов низ срцето на Скопје, запознајте ја историјата, културата и архитектурата на Центар

Собирно место е на улица „Македонија“, пред Спомен-куќата на Мајка Тереза, од каде ќе започне прошетката низ богатото историско, културно и архитектонско наследство на централното градско подрачје.

Водичи на турата ќе бидат Димитар Таневски и Антонио Павловски , а посетителите преку интересни факти и приказни ќе се запознаат со минатото на Центар од еден нов агол.

„Придружете ни се на уште една прошетка низ повеќе локации кои се наше секодневие, но толку малку знаеме за нив. Ова е прилика да откриете што е тоа што го прави нашиот град единствен и уникатен“, порача градоначалникот на Општина Центар Горан Герасимовски.

Маршутата опфаќа препознатливи обележја , меѓу кои Градскиот трговски центар, Камениот мост, Кејот на Вардар, Даут Пашин Амам и многу други значајни историски и архитектонски знаменитости.

Посетителите ќе имаат можност да слушнат за личности, настани и објекти кои оставиле траен белег врз развојот на градот, како и да откријат детали што често остануваат незабележани во секојдневниот урбан ритам.

Турата е бесплатна и е дел од Програмата за култура на Општина Центар за 2026 година.

Општина Центар - Скопје

Тагови: Горан Герасимовски

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Општина Карпош: Засилена динамика на реновирање и реконструкција на оштетените урбани игралишта и урбани елементи

Од општината апелираат до граѓаните да не ја вандализираат урбаната опрема и урбаните елементи, бидејќи истите служат за нивна рекреација, дружење и одмор на сите генерации на карпошани, особено во летните месеци.

Општина Карпош: Засилена динамика на реновирање и реконструкција на оштетените урбани игралишта и урбани елементи

Целосно се реновирани и реконструирани, оштетените урбани елементи на детските игралишта, во дворот на ООУ „Јан Амос Коменски“, во урбаната заедница Тафталиџе 1, на „Фонтана“ во у.з Карпош 3, кај Адреналински парк во Карпош 3, како и на ул. „Никола Парапунов“, во населбата Карпош 4. Во рамки на ова игралиште, беа реновирани клупите, беа поставени нови лулашки, и се санираше другата урбана опрема. Се поставија и нови влезни врати, се детските лизгалки и клацкалки. На детското игралиште во ООУ „Јан Амос Коменски“, се поставија нови даски со качувалки за платформата на лизгалиштето, нов лимен покрив на куполата и се фиксираше лизгалката. Исто така се постави и клацкалка, како и две сосема нови лулашки. Се бојадисаа железните делови на игралиштето и се постави даска на клупа во училишниот двор.

Во оваа фаза на реновирање, реконструкција и поправка на оштетените детски игралишта и урбани елементи на територијата на општина Карпош, се постави и нов обрач и мрежа за кош на игралиштето за баскет кај студентскиот дом „Гоце Делчев“, нова табла и мрежа за кошот на локацијата позади ресторанот „Македонска куќа“ во населбата Козле, како и нова стаклена табла и мрежа на игралиштето во населбата Влае 2. Во рамки на училишниот двор на основното училиште „Аврам Писевски“, во населбата Бардовци, беа поставени и пет нови клупи, а беше средено средено детското спортско игралиште со што се подобри амбиенталниот простор на училиштето, односно училишниот двор доби модерен и функционален изглед. На улицата Варшавска бр.7 се заменија оштетени и стари даски на две клупи , додека на ул. Варшавска бр. 9 се пребојадисаа клупите за седење. Општина Карпош и во иднина, ќе инвестира во реновирање на постојните над педесет и пет урбани (детски) игралишта кои се наоѓаат на нејзината територија, ќе ги реконструира оштетените клупи и корпи за отпадоци, како и ќе поставува нови, по барање на граѓаните, на однапред утврдени локации, онаму каде што има потреба. Затоа, повторно апелираме до граѓаните, да не ја вандализираат урбаната опрема и урбаните елементи, бидејќи истите служат за нивна рекреација, дружење и одмор на сите генерации на карпошани, особено во летните месеци.

Општина Карпош

Тагови: Општина Карпош

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер