Култура

Народниот театар од Сомбор вечерва на „Охридско лето“ со шекспировата класика „Многу врева за ништо“

Единаесеттиот ден на годинешното јубилејно издание на фестивалот „Охридско лето“ резервиран за театарската претстава „Многу врева за ништо“ на Вилијам Шекспир, поставка на младата српска режисерка Ана Ѓорѓевиќ, а во изведба на Народниот театар од Сомбор.

За театарската куќа од Сомбор ова е прво гостување на „Охридско лето“ што, според зборовите на екипата што ќе настапи вечерва на сцената во предворјето на ОУ „Клиимент Охридски“, претставува голема чест, но и предизвик, имајќи го предвид реномето и угледот на фестивалот, не само во регонот туку и многу пошироко.

Саша Торлаковиќ, инаку носител на Стериината награда - највиското актерско признание во Србија, на денешната прес-конференција истакна дека поставувањето на дела на Шекспир на репертоарот на секоја театарска куќа претставува празник, како за режиесерот, така и за самите актери.

- Кога ќе почнете да го работите Шекспир, пред вас се исправа неицрпен рудник кој отвара многу теми, така што мошне е тешко да се определи која ќе биде доминантна. Рамката во нашата претстава е оној мошне комплициран однос меѓу мажот и жената, овојпат третирајќи го начинот како општествената елитата, загледана во себе не обрнува внимание каква неправда може да им нанесе на другите, истакна Торлаковиќ, нагласувајќи дека тоа е еден од клучевите на кој режисерката ја отвара шекспировата приказна.

Актерот Торлаковиќ, кому оваа претстава му е петта улога на дела на Шекспир, уште забележа дека денешницата како време мошне кореспондира на темите што во своите дела ги разработува Вилијам Шекспир.

Во актерската екипа режисерката остава место и за млади глумци, меѓу кои Вања Ненадиќ и Александар Ристоски, студенти на завршната година на Факултетот за драмска уметност во Белград. Режисерката Ѓорѓевиќ во нив препознава моќни таленти, подготвени да ги одиграат главните улоги во претставата, кои со сложеноста на ликовите неметнуваат максимална посветеност кај актерот, што воопшто не е лесно за некакви почетоци во театарската кариера.

За нив како студенти да се играат улоги на дела на Шекспир е особена чест. Иако оваа претстава како комедија се смета како едно од полесните негови текстови, но тоа е за публиката. За актерите нема ништо лесно, Шекспировите улоги се секогаш сложени задачи, беше истакнато на прес-конференцијата по повод вечерашната претстава.

Ристоски, македонскиот член во оваа поставка на Народниот театар од Сомбор, рече дека атмосферата внатре во актерската екипа мошне позитивно влијаела врз нив како млади актери да го дадат најдоброто од себе.

- Тука нема големи суети, ега што би ги притискале младите глумци. Некако сите даваат ветар во грб, те туркаат да бидеш најдобар. Тука секако голем придонес има и режисерката Ана, со нејзиниот пристап така што мислам дека направивме претстава што ќе ја задоволи публиката, рече Ристоски.

Директорот на Сомборскиот театар Михајло Несторовиќ, говорејќи за активностите на куќата истакна адуцираноста, пробирливоста на сомборската театарска публика наложува театарот на својот репертоар да поставува дела како на национални, така и на светски класици.

Со претставата „Многу врева за ништо“ Народниот театар од Сомбор утре ќе настапи и на „Шексировиот театар“ во Битола. /МИА

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Фото: Амал Клуни блесна во златен фустан

Сопругата на холивудската ѕвезда Џорџ Клуни убавата Амал привлече внимание во златен фустан.

Амал Клуни блесна синоќа на еден настан во Лондон. Може да се каже дека вниманието овој пат беше насочено кон нејзината неверојатна креација.

Синоќа во Лондон се одржаа наградите „Албис“ (Albies Awards), а на гала-настанот присуствуваа бројни славни личности. Вниманието на јавноста го привлече еден пар кој повеќепати се нашол во центарот на вниманието поради своите модни комбинации.

Џорџ и Амал Клуни беа добредојдени гости на овој настан, а познатата адвокатка не се двоумеше да блесне во гламурозно издание на црвениот тепих.

Таа избра златен фустан од модната куќа „Гучи“, кој ја следи линијата на телото и ја истакнува нејзината витка фигура. Станува збор за креација со спуштени раменици што ги спојува модерниот гламур и класичната елеганција.

Тагови: Џорџ Клуни

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Фото: Дилета Леота е повторно во топ форма

Уште едно заводливо издание на најубавата спосртска новинарка во Италија.

Дилета Леота привлече многу погледи од целиот свет. Овој пат, таа едноставно ја откопча кошулата.

Леота уште еднаш покажа зошто важи за една од најатрактивните спортски новинарки на светот.

Русокосата убавица често избира комбинации што ја истакнуваат нејзината витка фигура, а особено бујните гради.

На Инстаграм, каде што редовно објавува фотографии од својот деловен и приватен живот, таа сподели компилација од фотографии од Рим.

Покрај прекрасните кадри од градот, вниманието го привлече и со својот сведен, а сепак шик изглед. За обична прошетка, таа облече бела кошула со длабоко деколте, која ја искомбинира со златни модни додатоци.

Ја пушти косата слободно да паѓа, а шминката беше во дискретни, земјени тонови што ја истакнуваа нејзината убавина.

Тагови: Дилета Леота

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Баерн Минхен му нуди на Олисе годишна плата од 25 милиони евра

Германскиот гигант Баерн Минхен подготвува понуда за продолжување на договорот на Мајкл Олисе, со што тој би станал најплатениот играч во тимот и би се спречил неговиот трансфер во Реал Мадрид.

Според информациите на германскиот „Скај“, францускиот напаѓач би можел да потпише договор до 2032 година, а неговата годишна плата би се зголемила на над 25 милиони евра.

Токму толку заработуваат Хари Кејн и Џамал Мусиала, додека моменталната плата на Олисе изнесува 14 милиони евра.

Овој потег на баварскиот клуб е директна реакција на интересот од Реал, кој сè уште будно ја следи ситуацијата, пишува шпанскиот весник „АС“.

Раководството на Баерн има намера да ги забрза преговорите со Олисе веднаш штом ќе се финализира потпишувањето на новиот договор со Хари Кејн.

Сепак, Олисе поставува јасен услов за продолжување на соработката: Бара во договорот да биде вклучена откупна клаузула.

Таквата одредба му овозможи да се пресели од „Кристал Палас“ во Минхен за 53 милиони евра во 2024 година, а тој сака да ја задржи контролата врз својата иднина.

Иако Баерн вообичаено избегнува вакви договори, агентот на Олисе, Глен Твенебоа, инсистира дека клаузулата е неопходен дел од новиот договор.

„Мајкл неверојатно напредуваше кај нас и сега е еден од најдобрите играчи во светот. Многу сме среќни што е со нас. Неговиот договор важи до 2029 година, така што нема притисок. Тој се чувствува одлично во Баерн и во редовен контакт сме. Како што реков, не брзаме“, изјави спортскиот директор Кристоф Фројнд.

Вклучувањето на откупна клаузула значително би ја зајакнало преговарачката позиција на францускиот фудбалер. Во Баерн се подготвени да му го понудат статусот на најплатен фудбалер, но истовремено се свесни дека времето не работи во нивна корист. Секоја сезона без нов договор теоретски би можела да ја намали цената на неговиот иден трансфер. Се спомнува дека износот на клаузулата би бил поголем од 200 милиони евра. Во Реал Мадрид проценуваат дека Олисе веројатно ќе остане во Минхен, но исто така признаваат дека нивниот интерес значително ја зголемил цената за продолжување на неговиот договор.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.