Направила 40 операции и потрошила 500.000 евра за да личи на Кардашијан, сега се кае (ВИДЕО) - Канал 5

Забава

Направила 40 операции и потрошила 500.000 евра за да личи на Кардашијан, сега се кае (ВИДЕО)

Манекенката и инфлуенсерка Џенифер Памлона откри дека вложила богатство во својот изглед.

Направила 40 операции и потрошила 500.000 евра за да личи на Кардашијан, сега се кае (ВИДЕО)

Имено, таа ја споменала цифрата од 500.000 евра на естетска хирургија за повеќе да личи на нејзиниот идол - Ким Кардашијан, но сега се кае и вели дека тоа ѝ била најголемата грешка во животот.

Без разлика дали сакаме да признаеме или не, Ким Кардашијан е пример за милиони девојки ширум светот. Свесно или несвесно има големо влијание врз нив, поставува модни трендови кои понекогаш се бизарни и факт е дека многу девојки сакаат да личат на неа.

Така, има неколку кои биле спремни да направат разни естетски операции, иако можеби немаат одговор што ќе прават сега кога Ким драстично ослабе и се промени. Меѓу нив е и 29-годишната Џенифер Памлона од Бразил, која потрошила 500.000 евра на операции!

- Тоа беше огромна грешка која ме чинеше цело богатство - е реченицата со која Џенифер ја започнува својата исповед.

Џенифер почнала со пластични операции кога имала 17 години. Прво ги зголемила градите, што подоцна ја довело до зависност. Правела кампањи за различни светски брендови, особено за „Версаче“ и како што вели, многу ѝ помогнало тоа што личи на Ким Кардашијан.

- Никогаш немав намера да изгледам како Кардашијан, не сакав, но кога луѓето ме споредуваа толку многу, ја искористив приликата и направив така. Нејзиниот изглед ми донесе слава и пари. Поминав низ толку различни операции за да личам на неа - рекла Џенифер која брзо се покајала.

Таа објасни дека во еден момент споредбата со Ким навистина ѝ пречела. Сакала да биде „своја личност“, поради што решила повторно да се подложи на операции. Тоа бил моментот кога решила да отстрани сѐ што оперирала и за тоа издвоила 18.000 евра! По некое време, Џенифер развила врска „љубов до омраза“ со нејзиниот изглед.

- Ќе се погледнев во огледало и луѓето ќе ме викаа Кардашијан, тоа почна да ме нервира. Работев, учев и станав бизнисменка, а никој не забележа. Имам постигнато толку многу во мојот живот, но моите достигнувања беа засенети од мојот изглед. Не сакам да бидам туѓа сенка, сакам да бидам своја – рече таа.

Во обид повеќе да не личи на Ким, Џенифер направила операција на лицето и вратот, го отстранила масното ткиво, ги средила усните, носот и се оперирала за да добие „мачкино око“.

- Од сите операции што ги имав, една беше најтешка. Влегов во операциона сала како еден човек, а излегов како друг. Првиот пат кога се видов, си помислив: „Леле, дали сум ова навистина јас?“. „Морав да се соочам со моето ново јас, бидејќи тоа беше она што го барав“, рече Џенифер, истакнувајќи дека левото око и се затворило и дека се плашела дека ќе ослепи.

- Најлошото го претрпев. Левото око не ми се отвораше по операцијата за мачкино око и бев во паника, мислев дека ослепувам. Мојата операција стана ноќна мора, лекарите погодиле во нерв. Не можев ни да го мрднам лицето. Знаев дека е огромна процедура, но на социјалните мрежи беше претставена како нормална операција. Ми требаа седум години за да сфатам сѐ и да стекнам знаење за ризиците – рече таа.

Џенифер сега работи на документарен филм наречен „Зависност“, кој го истакнува вистинскиот проблем на пластичната хирургија и верува дека тоа ќе има големо влијание врз женскиот пол.

Како што вели, ова е големо предупредување за жените кои треба да бидат задоволни со својот изглед.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Франција: Се заканил дека ќе ја обезглави наставничката, ќе оди во затвор

Во Франција, 47-годишен маж беше осуден на шест месеци затвор поради закана дека ќе ја обезглави наставничката која го казнила неговиот син.

Франција: Се заканил дека ќе ја обезглави наставничката, ќе оди во затвор

Пресудата беше изречена во итна постапка, шест дена по инцидентот во основно училиште во селото Ле Фога во близина на Тулуз во југозападна Франција, објавува Би-Би-Си.

На наставничката ѝ е дадена официјална заштита и моментално е на боледување. Поради инцидентот што се случи минатиот петок, нејзините колеги не одржаа часови во понеделник.

Францускиот министер за образование, Едуар Жефри, изјави дека ниту еден наставник не треба да се плаши да си ја врши работата и дека нападот врз еден од нив е напад врз целата институција. Жефри во текот на летото протурка закон кој го штити училишниот персонал од „значајни ризици“ по безбедноста или здравјето што може да ги претставуваат членовите на семејството на учениците. Министерот истакна дека ова е еден од првите случаи во кои ќе се применува новата регулатива.

Текот на настаните

Раководителот на одделот за образование на Тулуз, Карим Бенмилуд, потврди дека таткото бил повикан во училиштето на разговор. Градоначалникот на Ле Фога, Жан-Мари Пуиг, објасни за BFMTV дека момчето било немирно на час, па затоа било испратено во друго одделение за да се смири. Детето продолжило да се однесува лошо таму, а наставничката го опоменала.

Таткото бил налутен. Според градоначалникот, тој ја сретнал наставничката пред училиштето и ѝ се заканил дека „ќе ѝ ја отсече главата да беше машко“. Таткото подоцна се извинил, но против него била поднесена кривична пријава.

Судска одлука

Таткото на момчето се појавил пред судија во Тулуз завчера попладне. Според извештаите од францускиот суд, судијата му рекол дека таквите изјави се вознемирувачки. Обвинителот побарал шест месеци домашен притвор, но судијата му одредил затворска казна поради сериозноста на неговите постапки.

„Навистина не сум горд на себе“, рекол таткото на момчето, според обвинителите. Казната бара од него да посетува курс за граѓански права и одговорности и му забранува да има каков било контакт со наставничката или да се приближува до училиштето.

Пропис донесен во Франција во јули дозволува префрлање на ученици доколку постои сериозен ризик за персоналот. Се верува дека момчето и неговата помлада сестра ќе бидат префрлени во друго училиште. Се вели дека наставничката, која е во своите 50-ти години, е во длабок шок по заканите.

Извор: Индекс.хр

Тагови: Франција

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ВМРО-ДПМНЕ: 4, 6 милиони евра провизии за незавршена железница, СДС и ДУИ должат одговори, Ј0 да постапи

ДЗР утврдил неефикасно управување со стратешките проекти за време на владеењето на СДСи ДУИ.

ВМРО-ДПМНЕ: 4, 6 милиони евра провизии за незавршена железница, СДС и ДУИ должат одговори, Ј0 да постапи

Државата плаќала 4,6 милиони евра провизии за неповлечени средства додека железничкиот Коридор 8 со години стоел незавршен.

Ова е сериозен скандал и резулат од неодговорното управување на СДС И ДУИ со стратешките инфраструктурни проекти. Првата и втората фаза не биле завршени, роковите биле пробиени, а наместо железничка инфраструктура граѓаните добиле милионски трошоци и нови долгови.

ДЗР констатирал неефикасно управување, a дополнително предупредил и ризик од губење на 61 милион евра европски грант за третата фаза на железничкиот Коридор 8.

Кој е одговорен за овие пропусти? Кој дозволил државата да плаќа милиони евра провизии? И кој ќе одговара ако со нечие постапување или непостапување е нанесена штета на државниот буџет?

СДС и ДУИ неодговорно постапувале со парите на граѓаните.

Јавното обвинителство мора да постапи по наодите на ДЗР. Да се испитаат сите одлуки, договори, постапки и одговорни лица и да се уврди дали има основа за кривична одговорност.

СДС и ДУИ не можат да се кријат и да молчат додека граѓаните ја плаќаат сметката за нивното катастрофално владеење во минатото.

4,6 милиони евра провизии, години доцнење незавршена железница и ризик за европски средства. Тоа е наследството од СДС и ДУИ.

Бараме одговорност за секој потрошен денар и за секоја одлука со која е оштетена државата. Не сме исти. Разликата е евидентна.

ВМРО-ДПМНЕ

Тагови: ВМРО - ДПМНЕ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Воз излета од шините во Франција, најмалку 20 повредени (ВИДЕО)

Околу 20 лица се повредени во железничка несреќа што се случи вчеравечер кога воз излета од шините помеѓу Руан и Кан во северна Франција, објавија француските власти.

Воз излета од шините во Франција, најмалку 20 повредени (ВИДЕО)

Возот превезувал 180 патници и излетал од шините во близина на градот Клеон во Нормандија, објави францускиот министер за транспорт Филип Табаро на социјалната мрежа „X“.

140 пожарникари биле на местото на несреќата помагајќи им на повредените и патниците, додаде тој.

Тагови: воз Франција

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер