Направен е електричен тротинет што „лета“ со 160 км/час (ВИДЕО) - Канал 5

Автомобилизам

Направен е електричен тротинет што „лета“ со 160 км/час (ВИДЕО)

Британската компанија Bo произведува електричен тротинет наречен Model-M, чија најдобра верзија достигнува брзина од 35 км/ч и нуди опсег од 64 километри по цена од 2.300 евра.

Направен е електричен тротинет што „лета“ со 160 км/час (ВИДЕО)

Иако звучи скапо, се чини практичен за градско возење. Но, нивниот прототип, моделот Turbo, е сосема поинаква приказна - има за цел да ја сруши „магичната“ граница од 160 км/ч на легендарните солени рамнини Бонвил следниот месец.

Компанијата Bo, основана во 2022 година, неодамна ги засили своите маркетиншки активности. Тие објавија видео од возач во целосна опрема на Moto GP кој се трка низ тунел со концептот на електричниот тротинет Turbo. Интересно е што на нивната веб-страница тврдат дека нивните инженери ја напуштиле Формула 1 за да работат на тротинети, бидејќи ги сметаат за „најважната иновација во транспортот на овој век“, пишува The Drive.

Екстремни перформанси за екстремна цена

Bo се обидува да се оддалечи од перцепцијата за тротинетите како „потрошна стока“, позиционирајќи го Model-M како елитна алтернатива на сеприсутните тротинети Bird и Lime. Сепак, дизајнот со дополнителен слој од алуминиум наликува на еден вид помека верзија на Cybertruck. За супербрзиот модел Turbo, списанието Wired објави дека може да се купи за околу 26.000 евра, но се чини дека е достапен само „преку линк“ бидејќи не е на официјалната веб-страница.

Се вели дека овој „ѕвер“ на две тркала произведува повеќе од 24.000 вати моќност користејќи контролер со двоен мотор, развиен во соработка со француската компанија Rage Mechanics, која е специјализирана за високо-перформансни електрични микро-возила.

YouTube video

Технологија за соборување на рекорди

За „Bo Turbo“ навистина да го постави рекордот, тој ќе мора да го надмине достигнувањето на својот партнер. Имено, Rage Mechanics со својот модел RM-X веќе тврди дека достигнува брзина од над 170 км/ч, а тој тротинет може да се купи за околу 23.000 евра.

Компанијата Bo истакнува: „Моќност од над 24.000 W овозможува молскавично брзо забрзување, додека напредната контрола на тракцијата ја прилагодува моќноста на тркалото со најдобар зафат за максимален потисок“. Сепак, клучната технологија на која се гордеат е системот за помош при стабилност наречен Safesteer. Тоа е систем од торзиони пружини кои го стабилизираат управувањето и ја намалуваат нервозата и тргањата при големи брзини.

Иако Safesteer е достапен и кај стандардните Bo тротинети, моделот Turbo е опремен и со специјални додатоци како што се Hope V4 диск сопирачки, лебдечки ротори и вшмукувачи за воздух за ладење на моќниот погонски склоп. Овој обид за соборување на рекордот е првенствено демонстрација на технолошките способности, а на тест-возачот останува да му се посака многу среќа во безбедното достигнување на целната брзина и запирање.

Тагови: електричен тротинет

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Судбина

Турист паднал од 12 метри височина, адреналинското возење се претвори во хорор- камерата цело време снимала (ВИДЕО)

Она што требаше да биде возбудлива авантура се претвори во кошмар за турист од индиската држава Карнатака, откако паднал од висина од речиси 12 метри додека се возел со жичарница во одморалиште во Дандели.

Турист паднал од 12 метри височина, адреналинското возење се претвори во хорор- камерата цело време снимала (ВИДЕО)

Инцидентот се случил кога, според семејството, безбедносниот механизам откажал, објавува NDTV.

Видеото се појави на мрежите

Туристот, идентификуван како К. С. од градот Виџајапура, претрпел повеќекратни скршеници во рацете и нозете откако ја изгубил заштитата на средина од возењето и паднал на земја.

Страшниот инцидент бил снимен со камера, а видеото брзо се проширило на социјалните мрежи.

Според семејството, безбедносната сопирачка на жичарницата „попуштила“, додека К. С. висел во воздух, по што се струполил на земја.

Семејството го обвини менаџментот на одморалиштето за небрежност, тврдејќи дека опремата „не била правилно одржувана“.

Бараат одговорност од менаџментот

Повредениот маж прво бил однесен во Владината болница во Дандели, по што бил префрлен во болница во Виџајапур.

Поради потребата од специјализиран третман, тој подоцна бил префрлен во Мираџ, каде што бил згрижен.

Семејството бара одговорност од менаџментот на одморалиштето, тврдејќи дека „несреќата можела да се спречи“ со редовно одржување на опремата и соодветни безбедносни проверки.

Тагови: туристот

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Жена била избодена за време на молитва во црква

Жена во 50-тите години е сериозно повредена во напад со нож што се случил во црквата на Светиот крст во Трамор, округ Вотерфорд, Ирска.

Жена била избодена за време на молитва во црква

Жена во 50-тите години е сериозно повредена во напад со нож што се случил во црквата на Светиот крст во Трамор, округ Вотерфорд, Ирска, за време на рецитирањето на бројаницата, непосредно пред мисата во 10 часот наутро.

Таа била во главната црква кога била нападната, објавува RTE, по што била однесена во Универзитетската болница Вотерфорд со сериозни, но не опасни по живот повреди.

Полицијата уапсила маж во 30-тите години во блиската куќа и му бил запленет нож. Тој моментално е во притвор во полициската станица во округот Вотерфорд.

Парохискиот свештеник, отец Ричард О'Халоран, потврди дека еден верник е повреден во нападот.

Епархијата Вотерфорд и Лизмор изјави дека е „длабоко шокирана од насилниот инцидент“ што се случил за време на службата, со порака за поддршка на повредената жена и благодарност до верниците кои помогнале „за време на овој ужасен настан“.

Истрагата е во тек, според ирската телевизија.

Тагови: Црква

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Се обиделе да спасат човек да не се удави, па се удавиле петмина- трагедија во Охајо (ВИДЕО)

Две жени и тројца мажи се удавија во американската држава Охајо.

Се обиделе да спасат човек да не се удави, па се удавиле петмина- трагедија во Охајо (ВИДЕО)

Според канцеларијата на шерифот на округот Делавер, трагедијата се случила во неделата навечер на реката Скиото, во близина на резервоарот О'Шогнеси, околу 16 километри северозападно од Колумбус, главниот и најголем град во државата Охајо, објави Њујорк Тајмс.

Група од најмалку седум лица - два пара, нивниот возрасен пријател и две деца - престојувале покрај брегот на реката при зајдисонце. „Некои од нив ловеле риба кога еден од возрасните влегол во реката да плива“, рече шерифот Џефри Балцер.

Детето истрчало на патот и запрело автомобил

Кога пливачот почнал да се бори да остане на површината, двајца други возрасни се обиделе да му помогнат, но самите почнале да тонат. „После тоа, уште двајца возрасни се обиделе да ги спасат, пред сите петмина да исчезнат во реката“, им рече Балцер на новинарите на прес-конференција.

„Не е невообичаено едно лице да почне да се дави, а други да се обидуваат да го спасат, иако немаат потребни вештини, па затоа завршуваме со повеќе смртни случаи“, нагласи шерифот.

Властите беа известени за несреќата откако едно од двете деца истрча на блискиот пат и го запре автомобилот. На возачот му беше кажано дека „неговото семејство е удавено во реката“. Службите за итни случаи веднаш беа испратени на местото на настанот и брзо ги пронајдоа двете жени и ги извлекоа од водата. Набргу потоа, тие беа прогласени за мртви во блиската болница.

Телата на тројцата исчезнати мажи беа пронајдени следниот ден. Шерифот рече дека двете деца, и двете под десетгодишна возраст, биле згрижени од локалните служби за заштита на деца по трагедијата.

Тагови: Охајо удави

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер