Наполи одби да оди во Торино, ќе му бидат одземени бодови - Канал 5

Фудбал

Наполи одби да оди во Торино, ќе му бидат одземени бодови

Дербито од третото коло на италијанскиот фудбалски шампионат помеѓу Јувентус и Наполи нема да се игра затоа што гостите не пристигнаа во Торино, оправдувајќи се дека не добиле дозвола од локалните здравствени власти да патуваат.

Наполи одби да оди во Торино, ќе му бидат одземени бодови

Натпреварот требало да се игра во недела во 20:45 часот, а на Наполи сега му се заканува загуба на натпреварот на зелена маса бидејќи фудбалските власти соопштија дека фудбалерите на Наполи морале да се појават на теренот според постојниот протокол, иако имале два позитивни случаи на коронавирус.

Фудбалерите на Јувентус, кои цел ден се подготвуваа за натпреварот како ништо да не се случило, пристигнаа на стадионот околу еден час пред почетокот, според сликите што клубот ги објави на Твитер.

Во писмото до Лигата, објавено од „Ла Газета дело спорт“, претседателот на Наполи, Аурелио де Лаурентис, од своја страна уверува дека, и покрај федералниот протокол, неговиот клуб не смее да го напушти Неапол поради забраната од локалните здравствени власти, барајќи нов датум на натпреварот.

Сепак, Серија А објави дека властите во Неапол не го зеле предвид здравствениот протокол договорен меѓу Министерството за здравство и спорт и фудбалските власти.

Наполи така стана првиот тим во петте најголеми лиги кои не се појавија на теренот поради коронавирусот. Имало случаи на задоцнување, но не дека некој не се појавил на теренот.

Наполи во петокот објави дека неговиот играч за врска Пјотр Зиелински е позитивен на ковид-19, а во саботата е потврдено и дека и македонскиот играч Елиф Елмас е позитивен, па заминувањето на тимот во Торино било одложено по препорака на здравствените власти. Фудбалерите на Наполи беа во изолација во своите домови од неделата наутро, според упатствата на регионалните здравствени власти.

Сепак, според протоколот за следење на натпреварите во Серија А во контекст на пандемијата на ковид-19, Наполи мораше да се појави во Торино, објави раководството на лигата.

„Стандардите утврдени од раководните тела на италијанскиот фудбал со здравствените власти овозможуваат натпреварите во лигата да се одржуваат дури и кога има позитивни случаи. Протоколот поставува одредени правила од кои не може да се отстапи, кои овозможуваат да се играат натпревари во лигата дури и во случај на позитивен резултат “, соопшти Лигата во соопштението за печат издадено на помалку од пет часа пред почетокот на натпреварот закажан за 20:45 часот.

Овие мерки се „применливи за ситуацијата во Наполи, која има двајца играчи позитивни на ковид-19“, додаваат. Фудбалските власти веќе дозволија да се одржуваат други натпревари од почетокот на сезоната по позитивните случаи, како што се натпреварите помеѓу Торино и Аталанта и Милан и Кротоне, се вели во соопштението.

Во саботата вечер, Јувентус објави дека двајца членови на штабот на клубот се позитивни на ковид-19, додавајќи дека ниту играчите, ниту членовите на стручниот штаб, ниту кој било од медицинскиот персонал на клубот, не биле заразени.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Фото: Бред Пит повторно е најголемата ѕвезда во Холивуд, а воопшто не се оптоварува

Најголемиот заводник во Холивуд, актерот Бред Пит повторно воодушеви со својот изглед на Филмскиот фестивал во Сан Себастијан.

Фото: Бред Пит повторно е најголемата ѕвезда во Холивуд, а воопшто не се оптоварува

Мегапопуларниот актер на филсмкиот фестивал се појави во тексас комбинација.

Бред Пит веќе подолго време го привлекува вниманието на јавноста. Често можеме да го видиме во необични, лежерни изданија што не ги следат правилата на светот на модата кога станува збор за големи филмски настани и проекции.

Неодамна, на Меѓународниот филмски фестивал во Сан Себастијан, тој се претстави во шарена комбинација што спојува дури шест навидум неспоиви бои, а сега нè воодушеви со младешки изглед.

Тој присуствуваше на прес-конференцијата за филмот „Срцето на ѕверот“ и за таа прилика одлучи да ја продолжи својата низа лежерни комбинации, кои изгледаат како воопшто да не се трудел да го шармира светот на модата.

Се појави во тексас од глава до пети, постигнувајќи го оној лежерен, младешки изглед. Сепак, главниот адут на стајлингот беа парчињата облека што се „криеја“ под неговата тексас-јакна.

Носеше бела кошула со розова вратоврска, со што постигна ефект на модерна елеганција која не делува премногу круто. Ќе се согласите, ретко кој маж би се осмелил на ваква модна комбинација...

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Џејми Фокс го очекува своето трето дете: „Сè уште имам сила“

Холивудската ѕвезда, актерот 58-годишниот Џејми Фокс  за време на гостувањето во емисијата „Jimmy Kimmel Live!“ потврди дека тој и неговата 31-годишна партнерка, Алис Хакстеп, го очекуваат своето прво заедничко дете, шегувајќи се: „Бебе е на па

Џејми Фокс го очекува своето трето дете: „Сè уште имам сила“

Сè уште ме бидува“. Како Фокс се подготвува за оваа нова улога? Добитникот на Оскар, кој веќе има 32-годишна ќерка, Корин, и 18-годишна ќерка, Анелиз, од претходни врски, изјави дека се подготвува повторно да ги извршува секојдневните родителски обврски – вклучително и возењето на децата до училиште.

Тој призна дека, на 58-годишна возраст, е свесен оти ова искуство ќе биде поинакво од претходните. Што рече тој за здравствената криза низ која помина?

„Дејли мејл“ (Daily Mail) пренесува дека за време на разговорот, Фокс се осврна и на мозочното крварење и мозочниот удар што ги доживеа во 2023 година додека работеше на филмот *Back in Action*.

Тој изјави дека сега се чувствува одлично и дека, по тоа искуство опасно по живот, станал поблагодарен за секој момент. Колку долго се заедно Фокс и Хакстеп?

Фокс и Хакстеп се поврзуваат уште од 2022 година, а нивната врска стана јавна следната година. Откако се појавија информации дека раскинале на почетокот на 2025 година, неколку месеци подоцна повторно беа видени заедно; бебето што го очекуваат ќе биде негово трето, а нејзино прво дете.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Меси и Интер Мајами се уште не преговараат за нов договор

И покрај сè почестите шпекулации во медиумите за иднината на еден од најдобрите светски фудбакери во историјата, Лионел Меси и Интер Мајами во моментов не преговараат за продолжување на договорот.

Меси и Интер Мајами се уште не преговараат за нов договор

Според информациите што ги пренесе новинарот Jarm21, во овој момент нема официјални разговори меѓу двете страни за нов договор.

Причината е сосема едноставна: капитенот на тимот има важечки договор што трае до крајот на сезоната 2028 во МЛС, па двете страни сметаат дека е прерано да се разговара за продолжување на соработката.

Кога клубот го објави најновиот договор на Меси, сопственикот Дејвид Бекам гордо истакна дека во својот град го довеле најдобриот играч во историјата на овој спорт.

Волшебникот од Аргентина, останува заштитно лице на франшизата додека таа се подготвува за преселба во својот нов дом, стадионот „Мајами Фридом Парк“.

На 39-годишна возраст, Меси продолжува да прикажува неверојатни игри на теренот; неодамна постави уште еден историски рекорд постигнувајќи го својот 36-ти гол во финале за време на триумфот во Купот Кампеонес – повеќе од кој било друг фудбалер во историјата.

Силата на проектот во Мајами дополнително е потврдена со неодамнешното доаѓање на новиот тренер Кристијан „Кили“ Гонзалес – поранешен соиграч од репрезентацијата на аргентинската ѕвезда – што јасно покажува дека тимот се гради целосно околу капитенот.

Со оглед на тоа што договорот му трае до крајот на 2028 година, и Меси и раководството на клубот имаат предност во поглед на времето.

Меси постојано истакнува колку е среќен во Мајами, додека претставниците на клубот го сметаат за клучна фигура за нивните спортски и маркетиншки амбиции во годините што следат; следствено на тоа, нема апсолутно никаква причина за загриженост.

Тагови: Интер Мајами Лионел Меси

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер