Според лекарите и нутриционистите, некои намирници или суплементи, кои ни се чинат безопасни може да предизвикаат зависност. На овој список се нашле таблетите против болки, кафето, путерот од кикирики... – наведува британски Сан.

1. Витамин Д3

Многу суплементи што содржат Д витамин за зајакнување на имунитетот, особено во зимските денови, според нутриционистката Каролина Фарел, се опасни доколку се надмине препорачаната доза. Нутриционистката вели дека прекумерното земање на витаминот Д3 го зголемува нивото на калциум во крвта и го зголемува ризикот од појава на камења во бубрезите.

Максималната дневна доза од овој витамин е 10 микрограми. Ако земате поголеми дози, консултирајте се со вашиот лекар.

2. Шеќер

Шеќерот е скриен во многу намирници, слатки житарки, преработки, така што луѓето не се ни свесни колку го внесуваат. Доколку пиете слатко кафе, јадете овошје богато со шеќер, како што е грозјето, бананите, сувото овошје, дневно внесувате повеќе шеќер одошто ви е потребно. Шеќерот не само што предизвикува зависност, туку влијае на појавата на дијабет, кариес и главоболки.

Максималната дневна доза на шеќер не би требало да надминува 30 грами, што отприлика е колку едно мало чоколатце.

3. Црна чоколада

Оваа намирница е здрава, но само во ограничени количини. Какаото во темната чоколада, го балансира нашиот микробиом во цревата, но содржи и кофеин, па може да го наруши сонот. Затоа се препорачува црната чоколада да не се јаде навечер, а максималната доза од оваа намирница е 3 коцки во текот на денот.

4. Леблебија

Преголема количина од оваа намирница предизвикува надуеност, грчеви и непријатно чувство во стомакот. Според Мејс Али, нутриционист и учител по јога, леблебијата содржи висока количина на јаглехидрати, поточно олигосахариди, па доколку ја јадете, најдобро е да ја потопите во вода, да отстои 12 часа, а потоа да ја сварите така што ќе ја отстраните белата пена што предизвикува надуеност.

Препорачаната доза леблебија е една порција, како и од останатите мешунки, меѓу кои гравот, леќата, грашокот...

5. Морски плодови

Рибата и другите морски плодови содржат протеини и други хранливи материи неопходни за добро здравје. Меѓутоа, морињата и океаните содржат висока содржина на тешки метали, особено жива. Според нутриционистите, туната и сабјарката може да содржат голема количина жива бидејќи се високо во синџирот на исхрана, освен тоа, тие се масни и треба да се избегнуваат. Нутриционистите, наместо туна, препорачуваат сардина и инчуни, кои се многу пониско во синџирот на исхрана и имаат помалку жива. Максималната доза е две порции риба неделно.

6. Парацетамол

Предозирањето со парацетамол е многу почесто од што се мисли, најчесто се случува кога луѓето пијат премногу лекови против болки што ги купуваат без рецепт.

Лекарите предупредуваат дека парацетамолот може да предизвика оштетување на црниот дроб. Максималната доза од овој лек е нагласена на самото упатство.

7. Кафе

Кафето како напиток, доколку се пие во ограничени количини, може да биде корисно за здравјето, но и штетно доколку се претера. Тоа влијае врз нервниот систем, па ако се пие во поголеми количини, може да го наруши сонот, а ако се пие на празен стомак, предизвикува проблеми со варењето. Големи количини од овој напиток може да доведат до хорминален дисбаланс. Максималната дневна доза е четири шолјички кафе.

8. Путер од кикирики

Повеќето луѓе го обожаваат путерот од кикирики, но прекумерното консумирање може да доведе до вишок килограми поради превисок внес на калории. Освен тоа, путерот од кикирики е подложен на мувла, која создава афлатоксин. Големи количини од овој токсин во нашето тело предизвикува гадење, болки во стомакот и знаци на акутно оштетување на црниот дроб. Максималната дневна доза е две лажички од оваа намирница.

Извор: srecna.republika.rs

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.