Намирници богати со железо што ја подобруваат крвната слика и ја подигаат енергијата (фото) - Канал 5

Здравје

Намирници богати со железо што ја подобруваат крвната слика и ја подигаат енергијата (фото)

Железото е минерал кој врши неколку суштински функции во организмот, а неговата главна улога е да транспортира кислород низ телото како дел од црвените крвни зрнца. 

Намирници богати со железо што ја подобруваат крвната слика и ја подигаат енергијата (фото)

Оваа хранлива материја е од суштинско значење за целокупното здравје и се добива преку храна (или додатоци). Интересно е што количината на железо кое вашето тело ја апсорбира делумно зависи од тоа колку железо сте складирале во вашето тело.

Околу 70 проценти од железото во телото се наоѓа во црвените крвни зрнца. Вашето тело го користи овој минерал за да создаде хемоглобин, протеин во црвените крвни зрнца што го пренесува кислородот од белите дробови до сите делови на телото, како и миоглобинот, протеин што ги снабдува мускулите со кислород. Кога внесот на железо е хронично низок, нивото на хемоглобин исто така се намалува, а недоволно железо во крвта може да доведе до анемија. Затоа е неопходно во исхраната да внесете што повеќе здрава храна богата со железо.

Еве кои 7 здрави намирници имаат високо ниво на железо и можете да ги вклучите во вашиот дневен оброк уште денеска.

Говедско месо и риба

Говедското месо е добар извор на железо. Околу 170 грама говедско месо на скара содржи околу 3,2 мг железо. Во производите од животинско потекло железото се наоѓа во феро облик, односно форма која најдобро се апсорбира во организмот. Рибата е богата со протеини, а помалку масните видови можат да бидат добар извор на железо. Посебно се препорачуваат туната, сардината и скушата.

Тофу и мешунки

Доколку не јадете храна од животинско потекло, тофуто може да помогне во обезбедувањето на оптималната количина на железо. Покрај тофу сирењето, растителни извори на железо можат да бидат и мешунките (грашокот, гравот, леќата).

Овошје со семки

И сувото и свежото овошје е добар извор на витамини, „добри“ масти, а може да послужат и како извор на железо. Посебно се препорачува брусница, боровинки, сливи, урми. Свежото овошје може да содржи и железо. Едно парче лубеница може да содржи 0,7 мг железо. Пет смокви содржат околу 1 mg железо, а едно јаболко околу 0,5 mg железо.

Спанаќ – супернамирница

Кога станува збор за намирници богати со железо, спанаќот е на врвот на листата. Спанаќот дава многу здравствени придобивки, а содржи многу малку калории. Околу 100 грама сиров спанаќ содржи 2,7 mg хем железо. Спанаќот е богат и со витамин Ц. Ова е важно бидејќи витаминот Ц значително ја зголемува апсорпцијата на железо. Богат е со антиоксиданси, каротеноиди, кои можат да го намалат ризикот од рак, да го ублажат воспалението и да ги заштитат очите од болести. Јадењето спанаќ и друг лиснат зеленчук со масло помага подобро да се апсорбираат каротеноидите, затоа погрижете се да јадете здрави масти, како маслиново масло со спанаќ.

Темна чоколада

Темната чоколада, освен што е хранлива, е и вистински сладок деликатес! Околу 30 g темно чоколадо содржи 3,4 mg железо. Со оваа мала порција ќе внесете и бакар и магнезиум, а содржи и пробиотски влакна и ги хранат добрите бактерии во нашите црева. Една студија покажала дека какаото во прав и темното чоколадо имаат поголемо антиоксидантно дејство од сокот направен од боровинки. Истражувањата исто така покажале дека чоколадото благотворно делува на холестеролот и може да го намали ризикот од срцев и мозочен удар.. Се верува дека флаванолите чија содржина во темната чоколада е висока, се одговорни за нејзините придобивки. Содржината на флаваноли во темното чоколадо е многу повисока од онаа на млечното чоколадо. Затоа, најдобро е да јадете чоколадо со најмалку 70% какао за да добиете максимална корист.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Пожар прави пустош низ Црна Гора- од чадот, не се гледа патот (ВИДЕО)

Возач кој вчера се враќал од Жабљак испратил на познатата Инстаграм страница „Подгорица Тајм Машин“ загрижувачки информации за пожарите во областа Шавник.

Пожар прави пустош низ Црна Гора- од чадот, не се гледа патот (ВИДЕО)

Како што наведува, активни пожари може да се видат на неколку локации низ Цена Гора, додека голем дел од теренот веќе е зафатен од пламен и претрпел значителна штета.

„Оган гори насекаде. Огромни пожари, а голем дел од областа веќе е изгорен. Она што најмногу ме вознемирува е што не видов ниту едно противпожарно возило по целиот пат, ниту пак некоја сериозна акција за ставање на пожарот под контрола и спречување на уште поголема штета“, наведува читателот.

Тој додава дека сцените на кои наишол се многу вознемирувачки и дека е тажно да се гледа како пожарот ги проголтува шумата и природните пејзажи.

Апелираме до сите граѓани да бидат внимателни, да не палат оган на отворено и веднаш да пријават секој пожар што ќе го забележат кај надлежните служби.

Тагови: пожар Црна Гора

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Потпишан Договор за соработка меѓу Државниот архив на Македонија и Хрватскиот државен архив во Загреб

Вчера, во Загреб, директорот на Државниот архив на Македонија, м-р Димитар Богески, и директорот на Хрватскиот државен архив, д-р Динко Чутура, свечено потпишаа Договор за соработка меѓу двете институции. 

Потпишан Договор за соработка меѓу Државниот архив на Македонија и Хрватскиот државен архив во Загреб

На настанот присуствуваше и амбасадорот на Република Македонија во Република Хрватска, д-р Драган Ѓурчевски.

Со овој договор се отвора широк простор за реализација на заеднички изложби, стручни работилници, предавања, како и за непосредна размена на кадри и искуства. Посебен акцент е ставен врз процесите на дигитализација, заштита, обработка, конзервација и реставрација на архивскиот материјал.

Размената на искуства во областа на дигитализацијата е од особено значење за модернизација на архивската дејност, овозможувајќи современо чување и поголема достапност на историското и културното наследство за пошироката јавност.

Државниот архив упатува посебна благодарност до амбасадорот д-р Драган Ѓурчевски за неговото несебично залагање и поддршка во успешната реализација на оваа значајна иницијатива.

Државен Архив на Македонија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Ахмети со честитка по повод Денот на независноста на Македонија

35-годишнината од независноста на Македонија е момент да се потсетиме на патот по кој поминавме како држава и како општество, но и сериозно да размислиме каква држава сакаме да им оставиме на генерациите кои доаѓаат.

Ахмети со честитка по повод Денот на независноста на Македонија

Оваа држава не е изградена за еден ден, ниту само од една заедница. Но, многу години, дел од нејзините граѓани, Албанците и другите немнозински заедници, не се чувствуваа како нејзин рамноправен дел. Уставните измени од 1989 година, начинот на кој беше воспоставен уставниот поредок на почетокот на 90-тите години, како и исклучувањето на Албанците и другите заедници од клучните процеси на создавањето на државата, создадоа длабок јаз меѓу државата и дел од нејзините граѓани.

Тоа беше историска неправда, но и неодржлив државен модел.

2001 година беше токму соочување со оваа реалност.

Охридскиот мировен договор не измени само одредени уставни одредби. Тој ја промени филозофијата на функционирањето на државата. Ја премести земјата од логиката на доминација на мнозинството кон принципот на соживот, еднаквост и заедничка одговорност.

Албанците не бараа друга држава. Напротив, се обврзаа заедно да ја градат оваа држава.

Оттогаш, патот не беше лесен. Интеграцијата на една заедница која со децении беше држена настрана од институциите, администрацијата, културата, образованието и јавниот живот не можеше да се случи преку ноќ. Беа потребни реформи, политички напори и, пред сè, промена на начинот на размислување.

Во овој процес, Демократската унија за интеграција го гледаше интегрирањето на Албанците и немнозинските заедници не како исклучување на некој друг, туку како градење на пофункционална, подемократска и поправедна држава.

Тоа е и суштината на Охридскиот мировен договор.

Дваесет и пет години по Охрид, важно е да не заборавиме дека неговите резултати не ѝ припаѓаат само на една заедница или на една партија. Тие се дел од трансформацијата на самата држава.

Охридскиот договор ја зајакна унитарноста на државата, правејќи ја подемократска. Ја направи постабилна, правејќи ја поинклузивна. И создаде основа врз која земјата продолжи по патот кон НАТО и Европската Унија.

Затоа, секој обид Охридскиот договор да се претставува како закана за државата е враќање назад во дебата на која историјата веќе го даде својот одговор.

Денес, мојата загриженост не е само за она што е постигнато, туку и за она што може да се изгуби доколку заборавиме зошто беа потребни промените од 2001 година.

Загрижува кога гледам исклучување во застапеноста, пречки во употребата на јазиците, неинклузивност во културата и јавниот живот или обиди за поткопување и релативизирање на принципите врз кои беше изграден мирот. Треба да бидеме внимателни.

Затоа што државите не се ослабуваат со еднаквост.

Државите се ослабуваат кога нивните граѓани почнуваат да се чувствуваат исклучени.

Македонија во која јас верував и за која работев е држава на сите нејзини граѓани, унитарна, демократска и европска држава, изградена врз еднаквоста и меѓусебното почитување.

Албанците давале и ќе продолжат да даваат свој придонес во нејзиното градење и зајакнување. Но, за тоа е потребна заедничка волја секој граѓанин да ја чувствува оваа земја како своја, а секоја заедница да се препознава себеси во нејзините институции.

На 35-годишнината од независноста, мојата порака е едноставна:

Да го зачуваме она што го изградивме заедно и да го придвижиме напред.

Да не се враќаме кон политиките што разделуваат, туку да одиме кон држава што обединува.

Затоа што европската иднина на Македонија не се гради со намалување на правата на некого, туку со зголемување на довербата меѓу сите.

Честита 35-годишнина од независноста на Македонија!

Напред, заедно!

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер