Намалена казната за жената што го прегази Слободан Ангеловски кај МНТ, судот пресуди 2 години и шест месеци затвор - Канал 5

Македонија

Намалена казната за жената што го прегази Слободан Ангеловски кај МНТ, судот пресуди 2 години и шест месеци затвор

-Судот ја осудува на казна затвор во траење од две години и шест месеци- Лидија Петровска – Судијка

Намалена казната за жената што го прегази Слободан Ангеловски кај МНТ, судот пресуди 2 години и шест месеци затвор

За шест месеци е намалена казната што на повтореното судење ја доби Гордана Филиповиќ, која пред четири години на пешачки премин смртно го прегази 76 годишниот Слободан Ангеловски, додека возела со брзина поголема од дозволената, не сопрела на пешачкиот, иако возилата во другите две ленти биле затснати..според сведочењата пред судот таа во моментот на несреќата зборувала и на мобилен телефон. Судијката Лидија Петровска за ублажена казна вели дека ја донела поради како што наведе доброто поведение на Филиповиќ за време на судењето како и изразеното жалење од нејизна страна, а санкцијата која е помала од законскиот минимум од четири години затвор, смета дека треба да биде памет за сите во сообраќајот

-Судот цени дека кај обвинетата постои форма на умисла, евентуална, како еден облиците на умислата, бидејќи опасноста на која што не реагирала не била апстракна и далечна, туку конкретна и лесно препознатлива. Запрените возила биле доволно јасен сигнал за секој учесник во сообраќајот дека на пешачкиот има пешак, па продолжување со движење без соприање како што се утврди од доказите подразбира преземање на ризично дејствие односно помирување со можноста за настапување на штетна последица и прифаќање на ризикот од начинот на управување на возилото. - Лидија Петровска – Судијка

Семејството на Ангеловски пресудата ја оцени како срамна и изрази максимална разочараност од Судот во земјава. Право на жалба како оштетени немаат, но очекуваат дека обвинителството ќе го стори тоа, оти и обвинителката Сања Бурјаковска изрази незадоволство од одлуката. Филиповиќ имала забрана за возење од четири години, кога го прегазила Ангеловски и не смеела да вози, вели неговиот син.

-Судствово во Македонија, не на 2%, туку на минус 20% е дојдено. Многу шокантна пресуда, многу некоректна пресуда и морам да искритикувам дека судијката ги зеде само олеснителните околности во пресудата. Да дадете две и пол години на толку многу прекршоци, јас би ја нарекол, сериски прекршител на сообраќајните правила, затоа што не е нормално вие да имате четири години забрана за управување на возило, при тоа да не ја впишете и ред други сообраќајни прекршоци и да добиете 2 и пол години затвор. Доколку забраната си ја впишала во сообраќајната дозвола, немало да дојде до овој случај, таа не смеела да учествува во сообраќајот. – Стојан Ангеловски – син на починатиот Слободан Ангеловски

Бранителот на обвинетата Филиповиќ, која во првостепената пресуда доби и петгодишна забрана за возење, пак смета дека затворската казна е висока и дека кај неа немало умисла, и тој најавува дека ќе ја обжали пресудата.

Во изминативе неколку години имаше уште неколку судски пресуди за прегазување на пешак кои предизвикаа бурни реакции од семејствата, а меѓу нив се две годишната затвроска казна за Менсур Пајазити од Тетово, кој ја прегази Теодора Ристовска, а три години доби Јордан Ѓорѓиев кој со возило ја усмрти Викторија Николова кај Сити Мол.

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Судбина

„Беше прекрасен татко, но падна во депресија по отказот“- мајка за сопругот кој ги уби нивните две деца

Мајката на две деца чиј татко ги убил фрлајќи ги од покривот на гаража, а потоа извршил самоубиство, проговори за околностите околу нивната трагична смрт!

„Беше прекрасен татко, но падна во депресија по отказот“- мајка за сопругот кој ги уби нивните две деца

Шестгодишната Каролин Линч и нејзиниот брат Џејмс Линч, на осум години, беа пронајдени во вторник, 3 ноември, пред општинска зграда во Маунт Либан, Пенсилванија, со повреди за кои се сомнева дека се предизвикани од падот, објави Пипл.

Нивниот татко, Патрик Линч, исто така е пронајден со слични повреди. Сите тројца починаа во инцидент што полицијата го истражува како убиство-самоубиство, соопшти шерифската служба на округот Алегени.

Според PennLive, Патрик ги фрлил децата од петкатна паркинг гаража. По убиствата, мајката на децата објави на Фејсбук дека Патрик бил депресивен откако неодамна ја изгубил работата.

На снимка од екранот од објавата, која ја споделија Daily Voice, WPXI TV и PennLive, Ана ДеМеј Линч напиша дека Патрик „донел неповратна одлука да ги убие нашите две деца и себеси“, додавајќи дека тој бил „прекрасен татко“.

„Тој беше отпуштен во август и набргу потоа, стана депресивен“, додаде таа во објавата.

На профилот на Патрик на LinkedIn е наведен како научник за податоци, кој работел на машинско учење и вештачка интелигенција, а неговата последна работа завршува во август.

Ана во својата објава на Фејсбук напиша дека успеала да го убеди Патрик да оди на терапија и дека тој имал закажан преглед за следниот ден.

„Еден ден предоцна“, напиша таа. „Никогаш не помислив дека нашата приказна ќе заврши вака“.

За Ана е отворена страница GoFundMe додека се бори со загубата на Каролин и Џејмс и се подготвува за нивните погреби.

Заедницата на Маунт Либан, исто така, се собира за да им оддаде почит на децата, за кои канцеларијата на медицинскиот испитувач соопшти дека починале од „повеќе повреди од тап предмет“.

„Таа беше само мало снопче радост. Ги сакаше луѓето“, изјави Вики Хефелфингер, која го познаваше семејството Линч преку нивното учество во училиштето за пливање.

„Секој пат кога ја гледавме, таа им мавташе на сите. Ги гледаше другите деца и беше едноставно толку храбро мало девојче“.

Тагови: деца татко

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Познато е колку заработува Ламар Одом за една недела на OnlyFans (ВИДЕО)

Поранешната НБА ѕвезда Ламар Одом би можела да заработи повеќе од 180.000 евра благодарение на својот нов профил на платформата OnlyFans. 

Познато е колку заработува Ламар Одом за една недела на OnlyFans (ВИДЕО)

Поранешниот кошаркар на Лос Анџелес Лејкерс заработил повеќе од 45.000 евра за само осум дена, изјавил извор за TMZ.

Месечната претплата за пристап до неговите ексклузивни фотографии и видеа е околу 13,45 евра.

Одом отвори профил на OnlyFans минатиот месец, што го прави првата поранешна НБА ѕвезда што се приклучила на платформата, според медиумските извештаи.

Тој ја објасни својата одлука велејќи дека смета дека времето е вистинско за тоа. Призна дека во текот на својот живот поминал низ многу бурни периоди, но исто така рече дека подготвува уште неколку изненадувања за своите фанови.

„Сите опции се отворени“

Поранешниот кошаркар на Лос Анџелес Клиперс објави дека на неговиот профил ќе има разновидна содржина, вклучувајќи изненадувања што неговите фанови можеби не ги очекуваат.

„Сè уште нема да откривам премногу. Ќе мора да се претплатите за да дознаете. Само знајте дека сум искрен и сите опции се отворени“, рече тој.

Одом рече дека во текот на целиот свој живот често донесувал непредвидливи одлуки и дека сè уште може да ја изненади јавноста. „Отсекогаш сум бил отворена книга, но има поглавја што луѓето сè уште не ги виделе“, изјави тој.

Неговата девојка Рејчел Бредли исто така отвори профил на OnlyFans. Извор близок до двојката откри за TMZ дека постои можност тие да објавуваат содржина заедно во иднина.

Беше во брак со Клое Кардашијан

Одом јавно ја потврди својата врска со Рејчел Бредли во април, кога објави видео на Инстаграм од нив како заедно влегуваат во Crypto.com Arena во Лос Анџелес. Неколку дена претходно, тие споделија и заедничка фотографија со актерот Тери Крус и неговата сопруга Ребека Кинг Крус.

Пред врската со Бредли, Одом беше во долгогодишна врска со Лиза Моралес, со која има две деца, ќерката Дестини (28) и синот ЛЈ (24).

Тој е особено познат на јавноста по бракот со ријалити ѕвездата Клое Кардашијан, со која се ожени во 2009 година. Нивниот брак западна во криза, а во 2013 година решија да се разделат. Разводот официјално беше финализиран во 2016 година.

Тагови: OnlyFans Ламар Одом

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Фицо тврди: Резултатите од референдумот за пристапување во ЕУ беа фалсификат

Словачкиот премиер Роберт Фицо денес тврдеше дека референдумот за пристапување на земјата во Европската Унија бил наместен и дека немало да има пристапување доколку не било така.

Фицо тврди: Резултатите од референдумот за пристапување во ЕУ беа фалсификат

„Одржавме референдум кој, доколку не беше наместен, немаше да биде успешен. Тоа мора да се каже. Разликата беше толку мала што, според мене, беа направени одредени корекции за да се обезбеди дека исходот е онаков каков што беше потребен за Словачка да го одобри пристапувањето кон оваа организација“, изјави Фицо за телевизијата TA3.

Зборувајќи за атмосферата во Словачка во 2004 година, кога земјата се приклучи кон ЕУ, Фицо оцени дека пристапувањето било проследено со голем ентузијазам од една страна, но дека од друга страна, резултатот од референдумот бил многу тесен.

Референдумот за пристапување кон Европската Унија во Словачка се одржа во мај 2003 година, со излезност од 52 проценти, а мнозинството гласаше позитивно за пристапувањето.

Словачка се приклучи кон Европската Унија во 2024 година.

Тагови: Роберт Фицо

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер