Откако Уставниот суд ја поништи одлуката од 2007ма година за која Општина Тетово не добила согласност од Владата за менување на имињата, сега пред актуелниот состав е нова иницијатива од ДУИ. Во неа повторно се предлагаат имињата кои беа во осопорената одлука, но дел се сосема други улици, па затоа предлогот го третираат како целосно нов и очекуваат да биде прифатен од советниците. Од партијата на Ахмети за Канал 5 велат дека тој потег не би предизвикал распуштање на советот, иако според Законот за локална самоуправа, Советот се распушта ако повторно го донесе прописот кој претходно бил поништен или укинат со одлука на Уставниот суд.

Политичкиот аналитичар Љуљзим Фаризи оценува дека неизвесно е дали воопшто оваа точка ќе биде ставена на дневен ред за да се расправа и гласа, а според него неизвесно е како тоа ќе се рефлектира при евентуални нови избори за совет.

-И истите се обидуваат од тоа да профитираат, односно ДУИ што ја има направено грешката во минатото, да се обидат да ја поправат но за политичка цел. Но од тоа што вчера видовме дека имаше многу мал број кои излегоа на тој протест, се разбира дека двете структури ќе тактизираат за одлуката утре, но топката е во Влен кои ќе одлучуваат дали ќе одат на предвремени избори за советот на Тетово или не.- Љуљзим Фаризи – политички аналитичар

Протестниот марш против одлуката за променетите имиња на улиците кој синоќа се одржа во Тетово беше во организација на ДУИ.

Учесниците носеа пароли „Историјата не се брише и улиците зборуваат албански“, Ова е Тетово, а не Белград“, „Титовлен“, пораки кои на крајот ги залепија на влезот од општинската зграда.

Денеска од Уставен се огласија преку писмена реакција- да не се политизираат одлуките на судиите, судот нема да подлегне на политички притисоци.

-Посебно сакаме да нагласиме дека за Судот нема никаква релевантност какви и кои се имињата на улици, школи, инфраструктурни објекти и слично. Тоа се политички одлуки кои ние не ги цениме, но она што е важно за Судот и за граѓаните е дали тие одлуки се донесени во законски пропишана постапка. - велат од судот.

Освен во Тетово, иницијатива за промена на улици со имиња на борци на ОНА има и во Чаир, Командант Тели и Зекирија Хасани. Советот дал согласност, но засега нема одговор дали имало и Бадентерово мнозинство, како што налага законот.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Со вакви повреди најчесто во болница се завршува по пад од тротинет, а Итната медициска помош во просек периодов има по три случаи дневно. Млади луѓе и по забава во кафеана ноќе, се качуваат на тротинет, и бидејќи се во алкохолизирана состојба често завршуваат со посериозни повреди, алармираат од Итната медицинска помош. И движење од 25 км на час може да биде смртоносно, а потрес на мозок е често бидејќи ретко кој носи заштитна кацига, вели д-р д-р Елена Карева Пиловска.

При губење на свест по пад од тротинет, треба да се побара итна медицинска помош. Ако лошо се падне особено на глава во наредните 72 часа е неоходна внимателност, бидејќи симптомите може да се манифестираат и подоцна. Д-р Пиловска појаснува дека граѓаните што ќе затекнат лице кое паднало од тротинет треба да знаат дека ако има сомнеж за повреда на р`бетот не смее да се поместува.

За ваквите случаи да станат минато се смени и законот, а измените наскоро треба да стапат на сила. Па, малолетниците нема да смеат да користат тротинет, ниту да се возат по двајца, а ако бидат фатени, родителите ќе треба да праќаат најмногу 275 евра казна, а тротинетот ќе им биде одземен. Максимална дозволена брзина на движење ќе биде 20 км на час.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Од СВР Скопје информираат дека инцидентот се случил вчера доцна попладнето, прво, пред угостителски објект каде што дошло до физичка пресметка, а потоа и пред локална продавница.

Постариот малолетник го нападнал со остар предмет 14-годишникот, нанесувајќи му тешка телесна повреда на момчето, кое возвратило со тврд предмет и му нанел повреда на напаѓачот. По целосно документирање на случајот, против повозрасниот малолетник ќе биде поднесена соодветна кривична пријава, информираат од МВР.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.