Најтрофејниот НБА играч во историјата, ги распродаде сите свои трофеи (ФОТО)

Најтрофејниот кошаркар во историјата на НБА, Бил Расел, на аукција продаде повеќе од 400 предмети од својата богата кариера, вклучувајќи го првиот и последниот од 11 шампионски прстени и златниот олимписки медал од 1956 година.

Расел освоил 11 титули во НБА со Бостон Селтикс, последните две како тренер-играч во 1968 и 1969 година.

Највисоката цена на аукцијата ја постигнал дресот во кој ја освоил последната шампионска титула, продаден за повеќе од 1,1 милион долари. Не е објавено колкав е конечниот приход од 429 предмети, но НБА соопштила дека само 18-те најскапи донеле повеќе од 5,3 милиони долари.

Неговиот прв шампионски прстен достигнал 705.000 долари, а олимпиското злато 587.500 долари. Расел ги продаде и сите пет свои трофеи за МВП, кои заедно донесоа повеќе од 1,3 милиони.

Расел најави дека приходите ќе бидат донирани во добротворни цели, а дел ќе бидат наменети за Ментор, кој ги обединува младите луѓе со советници за да им помогнат во деловните можности и Бостон Селтикс Јунајтед за социјална правда, кој се бори против расната неправда и социјалната нееднаквост.

Денес, 87-годишниот Расел е познат во својата играчка кариера како борец за човекови права, најангажираниот спортист во тоа време покрај Мухамед Али.

Шекил О’Нил неодамна објавил дека сака да ги купи сите шампионски прстени на Расел, но не е познато дали тој е купувачот кој победил на аукцијата.

Стефковски: Жителите на Колонија добиваат спортско игралиште

Жителите на Колонија добиваат спортски терен со најсовремена тартан подлога.

Ова е третото спортско игралиште од вкупно седум што се градат на територија на општина Гази Баба.

Претходно беа завршени спортските терени во Триангла и Керамидница, а во деновите пред нас ќе се изградат и во населените места Гоце Делчев и Кирил Петрушевски со тартан подлога, додека Стајковци и Страчинци ќе добијат терени со вештачка трева.

Во Гази Баба се гради и инвестира. Општината добива нов лик.

Новото време за нашата Гази Баба само што започна, напиша на својот профил на Фејсбук градоначалникот на Гази Баба, Боби Стефановски.

Повредена малолетничка од Скопје при обид да избега од Психијатриската болница

​Малолетничка од Скопје, при обид да избега од Психијатриската болница при Комплекс клиники, паднала од височина и се здобила со тешки телесни повреди, констатирани во Ургентен центар, потврдија за МИА од МВР.

Појаснуваат дека за овој случај денеска во 10.22 часот е пријавено во СВР Скопје.

Гејмерите повеќе претпочитаат „Windows 10“ од „Windows 11“

Тековниот оперативен систем на „Microsoft“ го загуби уделот на пазарот во текот на изминатиот месец на платформата „Steam“.

„Windows 11“ е најновиот и најдобар оперативен систем на „Microsoft“, и бидејќи платформата достигна широко усвојување, има смисла дека сè повеќе корисници ја испробуваат.

Сепак, според податоците објавени од платформата за игри на „Valve“- „Steam“, некои корисници кои се обиделе со „Windows 11“, всушност потоа се префрлиле на „Windows 10“. Најновиот оперативен систем на „Microsoft“ изгуби удел на пазарот во текот на изминатиот месец.

„Windows“ и понатаму е водечка платформа за компјутери за игри, со пазарен удел од 97,03 отсто, што претставува зголемување од 0,66 отсто во споредба со претходниот месец.

„Windows 10 64-bit“ беше најголемото изненадување во текот на јуни, забележувајќи рекорден раст од 1,91 отсто (држејќи 73,17% од пазарот). „Windows 11“ имаше пад од 0,11 отсто и сега држи 21,12 отсто од пазарот.

Кога станува збор за другите оперативни системи, „macOS“ е втор најпопуларен избор, но со вкупен удел од само 1,74 проценти. Во текот на јуни, „Linux“ постигна раст и сега има 1,23 отсто удел од уредите со инсталиран „Steam“.

притисни ентер