Најстарата ќерка на Никола Којо е вистинска убавица - Канал 5

Забава

Најстарата ќерка на Никола Којо е вистинска убавица

 Еве што велат обожавателите, на кого личи! 

Најстарата ќерка на Никола Којо е вистинска убавица

Познато е дека актерот Никола Којо од 2007 година е оженет со Александра, која е поранешен модел и со која има 3 ќерки. Ќерката Ана има 14 години, а во 2013 година ги доби близначките, чии имиња никогаш не сакаше да ги открие бидејќи смета дека е доволно тоа што тој е јавна личност, па не мора тоа да бидат и неговите деца.

Од друга страна, Ана Којо го привлече вниманието на јавноста кога тато Никола пред 3 години на својот Инстаграм профил сподели видео на кое тој пее во нејзино друштво. Многумина уште тогаш забележаа дека Ана неодоливо потсетува својот славен татко од неговите тинејџерски денови, а покрај тоа покажува интерес да тргне по неговиот пат. Имено, за време на карантинот, Никола со Ана сними видео во кое заедно ја пеат песната на Бајага „Лепа Јања“. Во таа прилика актерот напомена дека девојката еден ден би можела да биде музичар доколку учи и вежба напорно.

Видеото доби 167.000 „допаѓања“ и над илјада коментари.

- Ангелски глас и неоспорен талент. Секоја чест! -

- Знам дека тато ќе ја научи својата прекрасна ќерка оти е пожелно човек да остане ученик дури и кога ќе стане учител. Умеете да ми го разубавите денот -

- Убава е, и ги има твоите очи! Ова ме потсети на тебе кога имаше 15 години, Веселин Маслеша, приредба, ги пееш „Лана је возила санке“, „Све је добро кад се добро сврши“... Еден од најубавите спомени! -

- Преслатка е. Верувам дека биде шегаџија на тато. Да сте живи и здрави! -

Да се потсетиме, антологиските сцени од филмот „Ние не сме ангели 2“, во кој Никола Којо будно го следи секој чекор на својата ќерка, тинејџерката Софија, и без двоумење се пресметува со нејзините додворувачи, одамна стана еден вид прирачник за сите татковци што имаат ќерки.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Морничави сцени: Вака изгледа „руско сафари“ ВИДЕО

На социјалните мрежи се појави вознемирувачко видео од украинскиот град Херсон, кое го прикажува моментот кога операторот на руски дрон FPV буквално брка и напаѓа цивилен продавач на зеленчук.

Морничави сцени: Вака изгледа „руско сафари“ ВИДЕО

Видеото го прикажува дронот како кружи околу тезга и бело комби, додека несреќниот продавач панично се обидува да го избегне дронот. Операторот на дронот го следел долго време и го натерал да трча околу возилото, пред да го насочи дронот директно кон него и да ја активира експлозијата.

Во експлозијата тој претрпел потрес на мозокот, повреди од експлозија и повеќекратни рани од шрапнели.

Тој моментално е во болница под медицински надзор, но неговиот живот е надвор од опасност.

Руско „сафари“

Руските војници наводно го објавиле видеото сами и го признале делото, отворено фалејќи се со нападите врз цивили што ги нарекуваат „сафари“.

Украинскиот претседател Володимир Зеленски, исто така, се огласи за овој настан, осудувајќи го секојдневниот терор врз жителите на Херсон и повикувајќи ја меѓународната заедница да реагира порешително.

Извор: Б92

Тагови: руско сафари

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Метео

Утре сончево и многу топло

Времето утре ќе биде сончево и многу топло со мала локална облачност. 

Утре сончево и многу топло

Ќе дува слаб до умерен ветер од променлив правец. Минималната температура ќе биде во интервал од 12 до 19, а максималната ќе достигне од 33 до 40 степени.

Во Скопје, сончево и многу топло со слаб ветер од променлив правец. Минималната температура ќе се спушти до 16, а максималната ќе достигне до 39 степени.

Продолжува периодот на сончево и многу топло време со дневна температура која во некои места ќе достигне 40°C. Од четврток до крајот на седмицата во попладневните часови ќе има услови за локален развој на нестабилна облачност со краткотраен пороен дожд и грмежи.

Тагови: Сончево и топло

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Силен земјотрес ја погоди областа во близина на Пиза

Земјотрес со јачина од 4,3 степени ја погоди областа во близина на Пиза во централна Италија утрово, соопшти италијанскиот Национален институт за геофизика и вулканологија.

Силен земјотрес ја погоди областа во близина на Пиза

Во соопштението се вели дека земјотресот се случил во 10:15 часот наутро, со епицентар седум километри западно од Пиза, на длабочина од осум километри, објави Анса.

Земјотресот бил почувствуван низ северна Тоскана, во соседните провинции Лука и Маса-Карара, како и до провинцијата Фиренца.

Засега нема извештаи за повредени или штети.

Тагови: земјотрес

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер