Најстар лек од природата

Чај од оваа билка помага при воспалена бешика и проблеми со бубрезите

Билкарката Рејчел Робинет истакнува дека растевиќот или кај народот познат како коњско опавче, е еден од најстарите билни лекови на планетата. Се користи во ајурведата за лекување на воспаленија, а исто така го користеле и Индијците како лек за воспаление на бубрезите, мочниот меур и како диуретик. Најголемите придобивки од ова растение се флавоноидите, антиоксидансите и моќното соединение сапонинот.

Оваа билка е богата со природен калциум, магнезиум, калиум и силициум. Затоа е одлична за одржување на здравјето на коските и забите, па дури и помага во заздравување на фрактури на коските. Се препорачува и кај луѓе кои страдаат од ревматизам, артритис и остеопороза, така што ја подобрува еластичноста на зглобовите. Може да помогне и при исчашување, проблеми со тетивите и лигаментите. Друга предност на коњското опавче е тоа што го стимулира растот на косата и ноктите, па може да се користи за нега на убавината. Коњското опавче е еден од најдобрите природни лекови за третман и спречување на појавата на целулит.

Во народната медицина оваа билка најмногу се користи како диуретик и природно средство за чистење или детоксикација на организмот. Го стимулира исфрлањето на течности и токсини насобрани во телото. За медицински цели, се користи надземниот дел од ова растение за подготовка на чај, тинктури, па дури и масла. Расте на влажни ливади, покрај потоци и реки.

Подготовка на чај од коњско опавче

Една супена чажица од коњското опавче се прелива со 200 мл зовриена вода и се вари 5 минути на средна температура. Потоа покријте го чајот и оставете го да отстои околу 15 минути, па процедете го. Чајот се пие пред јадење.

Забелешка: Важно е да се консултирате со лекар за дозирањето и употребата на природните лекови! Луѓето кои имаат камен во бубрегот треба да бидат особено внимателни при употребата на овој чај.

Извор: srbijadanas.com

Владиниот економски тим на средба со делегација на ЗЕЛС

Дел од министрите од Владиниот економски тим, остварија средба со делегација од Заедницата на единиците на локална самоуправа, се наведува во соопштението од Владата. 

Дел од министрите од Владиниот економски тим, предводени од заменикот на претседателот на Владата задолжен за економски прашања, координација на економските ресори и инвестиции, Фатмир Битиќи, придружуван со министерите за финансии Фатмир Бесими, економија, Крешник Бектеши и локална самоуправа, Горан Милевски, денес остварија средба со делегација од Заедницата на единиците на локална самоуправа, која ја предводеа претседателката и градоначалничка на Скопје, Данела Арсовска и потпретседателите, градоначалникот на Валандово, Перо Костадинов и градоначалникот на Чаир, Висар Ганиу, а во која беа и градоначалниците на Теарце, Нухи Незири, градоначалникот на Радовиш, Ацо Ристов и извршната директорка на ЗЕЛС, Душица Перишиќ.

Претставниците на ЗЕЛС ги изнесоа предизвиците со кои се соочуваат локалните самоуправи, поврзани со економската и енергетската криза и побараа поддршка од Владата, за да истите бидат полесно надминати.

Вицепремиерот Битиќи и претставниците на Владата посочија дека за секое прашање, кое е важно за граѓаните се води отворен дијалог и притоа ја истакнаа отвореноста за соработка со единиците на локална самоуправа за заедничко надминување на тековните предизвици. Сите теми кои се важни за граѓаните, за нормално функционирање на општеството треба да се дискутираат и да се најдат најсоодветни решенија кои се во општ интерес.

На состанокот, се согласија предизвиците со кои се соочуваат единиците на локална самоупрва да се елаборираат детално, да се направат соодветни анализи и да се предложат соодветни решенија за нивно надминување.

Косовски автобус слета од автопат во Бугарија, најмалку 29 повредени (ВИДЕО)

Во сообраќајна несреќа во Бугарија повредени се 29 патници од Косово, од кои шест деца, кога автобусот се судрил со камион во градот Ќустендил и слетал од патот.

Според приштинските медиуми, несреќата се случила околу 4.30 часот, кога патнички автобус од Косово удрил во запрен камион кој превезувал дрва.

Возачот на камионот наводно се обидел да им укаже на другите во сообраќајот дека паднало дрво на коловозот. Автобусот удрил во камионот и излетал од патот.

Возачот на автобусот се здобил со полесни повреди и бил пренесен во локалната болница. Увид на лице место извршила полиција, а поради сообраќајната незгода е поведена постапка и за истата е известен обвинител.

Петков ја предаде апликацијата ,,dDnevnik" на Ковачевски за превенција и лекување дијабет

Бугарскиот премиер Кирил Петков на претседателот на Владата ,Димитар Ковачевски му ја предаде апликацијата „dDnevnik" која ќе им го олесни животот на болните од дијабетес во нашата земја.

Софтверското решение „dDnevnik" го изготвија врвните таленти на компанијата „Скеил Фокус", која како најголема странска инвестиција од Бугарија во ИТ секторот работи во нашата земја од 2019 година.

Станува збор за Проект подржан од Министерството за надворешни работи на Бугарија, преку оперативната Програма за развој, во кој компанијата „Скеил Фокус" е партнер заедно со Фондацијата Метаморфозис од Скопје, која има за мисија да ги доближи дигиталните технологии до сите граѓани.

Идејата за развој на ваков вид апликација е поддржана и прифатена и од Министерството за здравство на Република Северна Македонија.

Тимот на Скеил Фокус за време на реализацијата на Проектот ја развиваше апликацијата „dDnevnik", консултирајќи се со лекари, ендокринолози и секако со здруженијата на пациентите со дијабетес.

Корисниците на оваа апликација ќе имаат можност бесплатно да ја користат на македонски и албански јазик и ќе биде достапна за корисниците од февруари годинава. За неколку месеци, оваа апликација ќе стане активна и на бугарски јазик во Република Бугарија, за тамошните пациенти. Оваа мобилна апликација е достапна на двете платформи за IOS и за Android.

Претседателот на Бордот на директори на Скеил Фокус, Пламен Цеков пред присутните порача дека преку апликацијата „dDnevnik" дијабетичарите успешно ќе можат да се справат со предизвиците што ги носи дијабетесот и ќе им помогне во превенцијата и за поефикасно лекување.

„„dDnevnik" овозможува пациентите да ги запишуваат измерените вредности за нивото на шеќер во крвта на нивните мобилни телефони, наместо на хартија. Добиените анализи за одреден временски период, апликацијата овозможува да бидат споделени со лекарите или други блиски членови од семејството, преку однапред дефинирани правила од страна на корисникот", истакна Цеков.

Генералната менаџерка на „Скеил Фокус" за Македонија, Софче Јовановска порача дека голема е професионалната сатисфакција на целиот тим на компанијата од креирањето на ваков тип на апликација, која ќе им го олесни животот на болните од дијабетес, а на лекарите ќе им овозможи полесен пристап до аналитички податоци за здравјето на пациентите.

Ова е само еден од над 500 светски проекти, кои „Скеил Фокус" ги има испорачано за повеќе од 300 клиенти низ светот, во Америка, Европа и Азија. Токму годинава, „Скеил Фокус" слави 10 годишен јубилеј, 10 години забрзан раст и развој, препознаен и од реномираните Форбс и Фајненшл Тајмс кои што изминативе години ја вброија компанијата и во најбрзо растечките компании во Европа, се наведува во соопштението од Владата.

Во Скопје компанијата започна да работи со 10 вработени, а денеска бројката надминува 130 луѓе. Бизнис планот на „Скеил Фокус" е да ги мотивира и задржи младите ИТ кадри да останат во земјата.

притисни ентер