Најрани знаци на аутизам кај бебињата! Една мајка подели снимка од своето осуммесечно бебе - Канал 5

Забава

Најрани знаци на аутизам кај бебињата! Една мајка подели снимка од своето осуммесечно бебе

Бранди Хоган кај својата ќеркичка Бела открила една ретка промена при нејзиниот обид да лази и веднаш знаела дека нешто не е во ред.

Најрани знаци на аутизам кај бебињата! Една мајка подели снимка од своето осуммесечно бебе

Бренди Хоган е мајка на три деца, која неодамна на Тикток споделила видео од нејзината тогаш осуммесечна ќерка Бела, со цел да им го сврти вниманието на луѓето на можните рани знаци на аутизам. Ова емотивно видео набргу стана вирално, а прикажува како Бела не реагира на мајчиното довикување, не воспоставува контакт со очите и ползи на многу необичен начин.

Како што објаснила Бренди за „News week“, таа првично немала намера да го сними видеото поради тоа што се сомневала на аутизам. Наместо тоа, таа сакала да го документира специфичниот начин на ползење кај својат ќерка, која ја користи едната нога, додека другата ја витка, и снимката да му ја покаже на физиотерапевтот. Според неа, Бела е родена со тортиколис, што влијае на нејзиниот моторен развој, и веќе во рана фаза на овој деформитет била вклучена во програма за рана интервенција. Тортиколис или крив врат кој се препознава по карактеристичната положба на главата која е наведната на едната страна со лицето свртено на спротивната страна.

-Имавме физиотерапија, функционална терапија и логопед дома. Физиотерапевтот често се сомневаше на аутизам, но верував дека е премногу рано да се донесе таков заклучок. Бела веќе помина два теста на слухот, и двата имаат позитивни резултати, но третиот тест, кој беше направен додека спиеше, потврди дека нејзиниот слух не е причина за загриженост. Дури тогаш сфативме дека се случува нешто друго – открива Хоган.

На девојчето во јуни оваа година му е дијагностициран невербален аутизам, непосредно пред нејзиниот трет роденден. Оттогаш, Бела завршила со физиотерапијата, но продолжува со неделните терапии за подобрување на нејзините комуникациски и моторни вештини.

- Следната недела ќе добиеме комуникациски уред кој ќе ѝ помогне да ги изрази своите потреби. Се надеваме дека ова ќе ја поттикне да почне да го користи својот глас и да кажува зборови - истакнала нејзината мајка.

Џеси Голами, лиценциран терапевт кој работи со аутизам и други нарушувања во однесувањето, вели дека подигањето на свеста за аутизмот е клучно и социјалните медиуми можат да играат важна улога во тоа.

- Раните симптоми може да бидат суптилни, како што се ограничен контакт со очите, задоцнет говор или повторувачки движења. Родителите често ги препознаваат овие симптоми откако ќе видат слично однесување на социјалните мрежи, но важно е да се консултираат со стручни лица – нагласува Голами.

За Бренди ова искуство не е само приказна за нејзината ќерка Бела, туку и апел до родителите навреме да реагираат доколку забележат слични симптоми кај своите деца.

@brandihogan2017 Some early signs of autism we had weren't just not responding to her name, but she didn't respond at all. We actually had her hearing checked 3 different times and one of those tests she was put to sleep for. She had perfect hearing but didn't respond to us at all. She made zero eye contact at this age. We just kept thinking she will get it and eventually she did respond at times. She is 3 now and we work on this constantly. She has gotten much better about eye contact and responding to her name but that came with lots and lots of therapy. #autism #autismawareness #earlyautismsigns #autismbabies #babyautism #toddlerautism #nonverbal #eyecontact #signsofautism #babytok #toddlersoftiktok ♬ original sound - Brandi Hogan

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Драма во Словенија: Дедо со автомобил удри во зграда и им влезе на луѓето во дневната соба (ФОТО)

Вчера попладне, полициските службеници од Копер спроведоа истрага за сообраќајна несреќа во која 79-годишен возач на автомобил тргнал право по кривина, удрил во станбена зграда и пробил бетонски ѕид. 

Драма во Словенија: Дедо со автомобил удри во зграда и им влезе на луѓето во дневната соба (ФОТО)

Предниот дел од автомобилот завршил во дневната соба на станот на приземје. Во несреќата биле повредени две лица, пренесе Телеграф.

Непосредно пред 17 часот, полициските службеници од Копер добиле пријава за сообраќајна несреќа во Анкаран. Несреќата се случила на улицата Регентова.

Полицијата на местото на настанот утврдила дека 79-годишниот возач на автомобил, кој се движел по патот од Хрватин до Анкаран, тргнал право по десна кривина, преминал низ тревна површина и пристапниот пат и удрил во станбената зграда. Дедото со автомобилот удрил во станот на приземје, го пробил бетонскиот ѕид и со предниот дел удрил во дневната соба на станот.

Возачот и неговиот сопатник, кој бил една година помлад од него, биле заробени во возилото за време на ударот. Пожарникарите од Противпожарната бригада на Копер ги извлекле од автомобилот со техничка интервенција. Двете лица во возилото се повредени.

Полицијата наредила вештачење на возачот, додека причината за несреќата сè уште се утврдува. Се истражува и дали е сторено кривично дело.

Тагови: дедото зграда

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Здравје

Докторите предупредуваат на ризик од мигрена кај децата поради употреба на мобилните телефони

Употребата на паметни телефони го зголемува ризикот од главоболки кај децата за 1,5 пати, а кај предиспонирани пациенти може да предизвика порано појавување на мигрена.

Докторите предупредуваат на ризик од мигрена кај децата поради употреба на мобилните телефони

Ова го изјави неврологот во Федералниот центар за неврохирургија во Новосибирск и вонреден професор на Одделот за невронауки на Државниот универзитет во Новосибирск, Галина Мојсак.

Еквиваленти или прекурсори на мигрена

„За жал, мигрените кај најмладите ретко се препознаваат на време денес. Честопати, возрасните ги толкуваат проблемите на децата како нормално преоптоварување на училиштето или замор. Сепак, првите напади можат да се појават уште на возраст од три до пет години“, објасни Мојсак.

Таа забележа дека клиничката слика на мигрена кај децата може значително да се разликува од онаа кај возрасните. Болеста не секогаш започнува со карактеристична еднострана пулсирачка главоболка.

„Покрај типичната болка од мигрена, децата доживуваат таканаречени еквиваленти или прекурсори на мигрена. Тие вклучуваат, на пример, повторливи, интензивни епизоди на повраќање во отсуство на гастроинтестинални или заразни причини или ненадејни напади на вртоглавица. Само по некое време, понекогаш месеци или години, овие симптоми се развиваат во класична главоболка“, нагласи специјалистот.

Намалување на сивата материја во мозокот

Според докторката, важно е родителите да не ги игнорираат повторувачките циклични поплаки на своето дете за лошо расположение и гадење, особено по преоптоварување или продолжено изложување на дигитални екрани, и навремено да се консултираат со педијатриски невролог.

Мојсак претходно изјави за ТАСС дека луѓето кои страдаат од хронични мигрени (со напади што се случуваат повеќе од 15 пати месечно) доживуваат намалување на сивата материја во мозокот, што може да доведе до намалена концентрација и оштетување на меморијата.

Таа наведе строго придржување кон дневната рутина, ограничување на предизвикувачите и одење во кревет во исто време како примарен метод за заштита на нервниот систем без лекови.

Тагови: мигрена телефони

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Крдо од 12 диви свињи се прошетаа низ центарот на Солун (ВИДЕО)

Уште една „прошетка“ на диви свињи во населено место е снимена вчера вечерта во Солун, вториот по големина град во Грција.

Крдо од 12 диви свињи се прошетаа низ центарот на Солун (ВИДЕО)

Како што може да се види во видеото објавено на TikTok, вкупно 12 диви свињи се забележани во областа Харилау, објавија грчките медиуми.

„Мислам дека вечерните излети завршуваат тука“, напиша жител на областа, кој го снимаше крдото диви свињи.

Животните, кои можат да бидат исклучително опасни, мирно шетаа среде ноќ во потрага по храна, без никој да ги допре.

Тагови: диви свињи солун

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер