Балкан

Најнови детали за смртта на девојката од Нови Сад, која загина при парасејлинг во Будва

Младата девојка од Нови Сад, Тијана Р. (19), почина вчера во страшна несреќа во Будва додека се возела со парасејлинг.

Сега, сопственикот на агенција за водни спортови од Будва, Мирко Крџиќ, се огласи, во разговор за Ало.

„Жал ми е за смртта на младата девојка. Се надевам дека ќе ги видам нејзините родители за да им изразам сочувство. Сите сме во шок по несреќата што се случи. Возачот, кој го управувал глисерот, бил нем откако девојката паднала, не можел да зборува. Отидов на местото на несреќата штом ме известија. Ја работам оваа работа 20 години, а тоа се повеќе од 1.000 летови и сè било во ред“, рече тој, додавајќи дека не може да даде детали од истрагата.

Додаде дека по трагедијата бил во полициската станица до 23 часот, додека утрово го поминал во Капетанијата на пристаништата во Будва, каде што дал изјави.

„Истрагата е во тек и првенствено се испитува кој го обезбедил видеото и како тоа протекоа во јавноста. Во тек се технички прегледи на целата опрема, а се чекаат резултатите од обдукцијата“, објасни изворот.

Тој се осврна и на безбедноста на туристите кои одлучуваат да скокаат со падобран над морето.

„Девојката беше расположена и ведра пред летот. Не покажа страв од летање или висина. На почетокот на летот, таа им мавна на своите пријатели кои беа на плажа, а тие ѝ мавнаа. Крај плажата се формираше круг и сè беше во ред“, рече меѓу другото Крџиќ.

За потсетување, несреќата во која загина младата девојка од Нови Сад се случила за време на парасејлинг, популарна летна активност во која лице се крева високо над морето со помош на падобран додека го влече глисер.

Ваквите возења, како што е наведено на веб-страницата на агенцијата преку која Тијана го резервирала летот, се одвиваат на височини до 400 метри, траат околу 15 минути, додека целата тура трае до еден час. Активноста е популарна меѓу туристите, но бара строго почитување на безбедносните мерки и соодветна опрема.

Надлежните органи во Црна Гора започнаа официјална истрага за да ги утврдат точните околности на несреќата.

Таа објави среќни фотографии од Црна Гора

Жртвата во последните денови објавувала фотографии од Црна Гора на својот профил на „Инстаграм“ и апсолутно ништо не можело да предвиди дека ќе се случи таква трагедија.

Според очевидци, девојката паднала во водата од голема висина и веднаш била пренесено со брод до градската марина, каде што екипата на брзата помош можела само да ја потврди нејзината смрт.

Како што изјави црногорската полиција, се утврдува дали станува збор за несреќа или самоубиство. Истрагата е во тек.

Тагови: Будва девојка

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Наука

Плутон го губи статусот на планета

Плутон беше една од деветте планети во Сончевиот систем во текот на 20-тиот век. Иако е откриен во 1930 година, за неговото постоење се претпоставувало и претходно.

На овој ден во 2006 година, Меѓународната астрономска унија го прекласификуваше Плутон само како џуџеста планета и го редефинираше бројот на планети во Сончевиот систем.

Плутон бил откриен во опсерваторија во Аризона. Клајд Томбо поминал една година во потрага по претпоставената деветта планета. Децении претходно, Персивал Ловел го предложил постоењето на деветта планета – која ја нарекол „Планета X“ – но не успеал да ја открие. По 14 месеци потрага, Томбо конечно го забележал големото небесно тело. Името му го дала Венеција Барни, млада девојка од Англија.

По откривањето на „Планета X“, таа предложила таа да го носи името на римскиот бог на подземниот свет. Нејзиниот дедо бил член на академската заедница, која го прифатила новото име, исто како и самиот Томбо. Дополнителна причина за изборот била тоа што првите две букви од името се совпаѓале со иницијалите на Персивал Ловел.

Планетата веднаш беше прифатена како деветта планета во Сончевиот систем, иако нејзиниот дијаметар изнесува само 2.377 километри – што ја прави помала од Земјината Месечина. Тоа беше значајно откритие, а Плутон стана симбол на мистериите во оддалечените предели на Сончевиот систем.

На почетокот на 21-от век, астрономите открија бројни објекти во Кајперовиот појас – регион од Сончевиот систем што се наоѓа зад орбитата на Нептун – од кои некои беа дури и поголеми од Плутон.

Ова откритие поттикна преиспитување на статусот на Плутон како планета. Ширум светот се водеа дебати за Плутон, кои кулминираа на 24 август 2006 година, за време на состанокот на Меѓународната астрономска унија во Прага. Таму беше утврдено дека планета е небесно тело што кружи околу Сонцето, поседува доволна маса за да добие сферичен облик и ја има „исчистено“ својата орбита од други објекти.

Плутон не го исполни овој последен критериум; следствено на тоа, тој беше прекласифициран во џуџеста планета, а од тој ден, Сончевиот систем официјално се состои од само осум планети.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Живот

Младите до 16 години да не користат социјални мрежи- нов предлог закон во Нов Зеланд

Пратениците во парламентот во Нов Зеланд ќе го разгледува поднесениот предлог закон за забрана на користење социјални мрежи за помлади од 16 години.

Предлогот ќе ги обврзе платформите на социјалните мрежи да преземат разумни мерки за проверка на возраста на корисниците. Меѓу можните алатки се користење на веќе достапни податоци за корисничките сметки, технологија за препознавање лица и документи за дигитален идентитет.

За непочитување на обврските, платформите би можеле да бидат казнети со глоба до десет проценти од нивните глобални приходи.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Приведен сопственикот на барот „на смртта“ во Кран Монтана, ја претепал сопругата

Жак Морети, сопственик на барот во Кран-Монтана, каде што катастрофален пожар однесе 41 живот на 1 јануари 2026 година, е приведен под сомнение дека физички ја нападнал својата сопруга Џесика Морети.

Според информациите од швајцарската телевизија, кои беа потврдени од јавниот сервис РТС, инцидентот се случил во текот на ноќта помеѓу 11 и 12 август во домот на двојката во кантонот Вале.

Морети е уапсен по наводниот напад и е задржан во притвор. Џесика Морети претрпела повреди поради кои била хоспитализирана. Точните околности на инцидентот, како и правната квалификација на делото за кое е обвинет Жак Морети, сè уште не се познати. Швајцарските медиуми објавуваат дека тој нема позната историја на слични инциденти и се смета за невин додека не се докаже дека е виновен.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.