Најмалото Волво забрзува до 100 км/час за само 3,6 секунди, цената е изненадување (ВИДЕО) - Канал 5

Автомобилизам

Најмалото Волво забрзува до 100 км/час за само 3,6 секунди, цената е изненадување (ВИДЕО)

Иако е најбрзиот Volvo во гамата, EX30 е меѓу поевтините модели во сегментот.

Најмалото Волво забрзува до 100 км/час за само 3,6 секунди, цената е изненадување (ВИДЕО)

А сегментот за кој зборуваме се компактни теренци со електричен погон. EX30 започнува од 36.590 евра, што е повеќе од фер цена во однос на претходната понуда на шведскиот производител. Не е лошо да се нагласи дека е значително поевтин од поголемиот XC 40. Особено ако се земе предвид дека ова Volvo до 100 km/h достигнува за суперспортски 3,6 секунди!

EX30 е значително помал од до неодамна најмалиот XC40. Растојанието меѓу оските е намалено за десет сантиметри, а вкупната должина е само 4233 mm. Добрата вест е дека препознатливиот скандинавски изглед е задржан, особено однадвор, каде што EX30 презема сѐ што се гледа кај неговите поголеми браќа.

Без сомнение, со овој модел, Volvo се враќа на компактните модели, но на поиновативен начин од C30, можеби повеќе како 480. Она што некои не сакаат да го слушнат е дека основата не е оригинална и поврзана со Volvo. Доаѓа од Кина, а го користи и новиот Smart.

Секако, основната верзија го нема споменатото забрзување. Понудата започнува со 272 КС и 343 Nm, што е максимална моќност на електромоторот поставен одзади. Во таков случај за спринт до 100 km/h се доволни 5,7 секунди, а со Li-ion фосфатна батерија со капацитет од само 49 kWh (нето) надминува 344 km според WLTP. Компатибилен е со полначи со моќност до 134 kW.

Верзијата со продолжен опсег со батерија од 64 kWh (нето) го зголемува досегот на 480 km, моќта на полнење е исто така поголема (153 kW), а спринтот до 100 е скратен на 5,3 секунди. Сето ова има различна цена, поточно од 41.790 евра.

Конечно доаѓаме до Twin Motor Performance со дополнителен мотор и вкупно 428 КС и 543 Nm. Батеријата останува иста, па досегот е намален (460 km), а цената е значително повисока - 48.490 евра. Зборуваме за 3,6 секунди за забрзување од 100 km/h!

Друг интересен новитет е што Volvo ги нуди сите три конфигурации во комбинација со основниот пакет на опрема. Земете го терминот „основно“ со резерва, бидејќи овде навистина може многу да се добие. Доволно е да се каже дека автомобилот ќе се испорачува со 18-инчни алуминиумски тркала, сите можни системи за асистенција, но и додатоци како полнач од 11 kW, греење на седиштата и воланот и аудио систем Harmon Kardon. И да, 12,3-инчниот вертикално ориентиран дисплеј зазема централно место.

YouTube video

Во текот на следната година ќе пристигне дополнителна подобрена Cross Country верзија со подигнат под, поголеми тркала и offroad детали.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Американската војска соопшти дека погодила десетици цели низ Иран

Американската војска соопшти дека погодила десетици цели низ Иран

Американската војска соопшти дека погодила десетици цели низ Иран, вклучувајќи системи за воздушна одбрана, радарски локации, ракетни и беспилотни објекти. Потоа, ИРГК нападнала американски цели во регионот.

Американските сили погодија цели низ Иран, а ИРГЦ возврати со напад .

Иранските медиуми известија за експлозии во Бандар Абас, Кешм, Сирик, Џаск и делови од Хузестан. Едно лице загина, а четворица беа ранети во нападот врз станицата за пумпање вода во Махшар. Потоа, ИРГЦ изведе одмазднички напади.

Портпаролот на иранското Министерство за надворешни работи, Есмаил Багеи, изјави дека нападите на Иран врз американските воени бази и средства во јужниот дел на Персискиот Залив претставуваат легитимно и законско остварување на вроденото право на земјата на самоодбрана според меѓународното право.

Тагови: Иран САД

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Огромен пожар избувна во бар во Бангкок, најмалку 27 загинати, а осум се тешко повредени

Огромен пожар избувна во бар во Бангкок доцна синоќа, при што загинаа најмалку 27 лица, а осум се тешко повредени.

Огромен пожар избувна во бар во Бангкок, најмалку 27 загинати, а осум се тешко повредени

Пожарот започнал во близина на сцената на барот во популарниот кварт Чатучак, а потоа брзо се проширил, прекинувајќи ја струјата и зафаќајќи ја просторијата со чад, велат очевидци.

Пожарникарите, кои пристигнале на местото на настанот веднаш по полноќ, брзо го изгаснале пожарот. Тие ги пронашле телата на повеќето жртви во тоалетот , каде што очигледно побарале засолниште.

Прелиминарните истраги на одделот за превенција од катастрофи во Бангкок сугерираат дека пожарот можеби е предизвикан од електричен краток спој во клима уредот, иако не е наведена официјална причина.

Тагови: пожар

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Американскиот NTSB ја презема истрагата за инцидентот со авионот на „Рајанер“- и Македонија дел од истражниот тим

Националниот одбор за безбедност во транспортот на САД го презема комплетното делегирање на истрагата за инцидентот со авионот на Рајанер пред три дена, кога се случи оштетување на моторот

Американскиот NTSB ја презема истрагата за инцидентот со авионот на „Рајанер“- и Македонија дел од истражниот тим

Националниот одбор за безбедност во транспортот на САД го презема комплетното делегирање на истрагата за инцидентот со авионот на Рајанер пред три дена, кога се случи оштетување на моторот, а според информациите, српски државјанин за малку ќе излетал од скршен прозорец.

Ова за Канал 5 го потврди претседателот на комитетот за истраги на воздухопловни несреќи и сериозни инциденти, Марјан Прпоски, иако вчера во повеќе регионалните медиуми се појави вест дека Македонија ќе ја предводи истрагата поради тоа што инцидентот се случил над македонско небо.

Прпоски за Канал 5 потврди дека и македонски претставници ќе бидат дел од истражниот тим што ќе работи под раководство на американската институција..

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер