Свет

Најмалку тројца загинати во ерупција на вулкан во Индонезија: Ги игнорирале предупредувањата (ВИДЕО)

Тројца планинари кои се искачуваа на планината Дуконо во Индонезија загинаа откако вулканот еруптираше утрово.

Снимките и фотографиите од ерупцијата на островот Северни Молуки покажуваат дека вулканот исфрла столб од пепел што се протега до 10 километри.

Трите жртви биле дел од група од 20 сингапурски и индонезиски државјани кои пешачеле и покрај забраните. Спасувачите на крајот ги лоцирале останатите од групата и ги евакуирале од планината.

Вулканот еруптирал повеќе од 200 пати од март минатата година. Службите претходно издале предупредувања против искачување на планината од безбедносни причини. Последната ерупција се случила во 07:41 часот по локално време, токму кога имало повеќе луѓе на планината на нивните искачувања рано наутро.

Игнорирањето на предупредувањето довело до трагедија

Индонезиските власти потврдија дека двајца Сингапурци и еден локален жител од блискиот град Тернате загинале. Спасувачите на крајот ги пронашле останатите од нивната група, а повеќето биле безбедно симнати од планината и однесени во болница за лекување на повредите.

Двајца членови на групата, кои работеле како носачи, останале на планината за да им помогнат на спасувачките екипи да ги лоцираат телата на загинатите. Еден од локалните жители што им помагал на спасувачите рекол дека планината Дуконо сè уште исфрлала вулкански материјал од кратерот во петокот попладне.

Алди Салабија за BBC Индонезија изјавил дека се наоѓаат во локално засолниште на планината каде што подготвуваат операција за спасување. „Од засолништето можеме да видиме како постојано се излеваат пепел и камења“, рекол тој.

Шефот на полицијата на Северен Халмахер, Ерлихсон Пасарибу, истакнал дека извлекувањето на телата, кои се наоѓаат на големи надморски височини, е отежнато од повторените ерупции, непристапниот терен и моќните експлозии од внатрешноста на вулканот. Покрај споменатата група од 20 лица, изјавите на очевидци укажуваат дека на планината имало и други планинари.

Драматични сведоштва од кратерот

Еден водич, кој бил на Дуконо со двајца клиенти во времето на ерупцијата, рекол дека верува оти високиот притисок во вулканот се зголемувал со денови. „Кога Дуконо не еруптира неколку дена, мора да бидете внимателни“, рече тој, опишувајќи ја ерупцијата како „огромна“ и „исклучително моќна“.

Додека се искачувале, видел една група луѓе на самиот раб на кратерот, додека друга група, на само 50 метри од кратерот, снимала видеа со дрон.

„Слушнав длабок потрес и веднаш решив да се спуштам со гостите. На крајот, тројцата останавме неповредени“, рече водичот. Додаде дека за време на спуштањето видел дека многу планинари се уште се на самиот врв.

Опасни видеа на социјалните мрежи

Индонезиските власти нагласуваат дека редовно издавале предупредувања против искачување на Дуконо преку социјалните мрежи и транспаренти на влезовите на патеките, но некои алпинисти едноставно ги игнорирале. Индонезиската агенција за пребарување и спасување Барсанас соопшти дека првичните истраги укажуваат на „можна небрежност од страна на туристичките агенции или поединци“ кои продолжиле да се искачуваат и покрај опасноста.

Вулканот Дуконо моментално е на второ ниво од вкупно четири во системот за предупредување на Индонезија, што значи зголемена активност и потреба од претпазливост. Уште во декември 2024 година, агенцијата препорача туристите и алпинистите да се воздржат од какви било активности во радиус од четири километри околу главниот кратер поради ризик од исфрлање камења, пепел и лава.

„Не можете да ги третирате активните вулкани како обични туристички дестинации“

Сепак, ова не ги одврати луѓето од искачување на планината висока 1335 метри. Д-р Дарјоно од Индонезиската асоцијација на експерти за катастрофи истакна дека овој инцидент „уште еднаш покажа дека активните вулкани никогаш не треба да се третираат како обични туристички дестинации“.

„Дуконо е планина со речиси постојани ерупции, па секое кршење на опасната зона носи фатален ризик“, изјави тој за Би-Би-Си. Тој, исто така, предупреди за влијанието на социјалните мрежи: „Јавноста често гледа видеа од планинари или инфлуенсери кои успешно се искачуваат и се враќаат живи. Ваквата содржина полека создава искривена перцепција за ризик. Луѓето ги гледаат само оние кои успеале да се спуштат и објавуваат драматични видеа, додека вистинските закани стануваат невидливи. Опасноста е реална и може да се појави во секој момент.“

Тагови: вулкан индонезија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Фото: Најзгодната мама повторно воодушеви во бикини

Екс манекенката Роузи Хантингтон-Вајтли ужива во одморот со својот славен сопруг, холивудскиот актер Џејсон Стетам и децата.

Познатото семејство летниот одмор го мининува на егозтичната Малта, каде што Роузи повторно позира во провокативно бикини.

Убавата Роузи Хантингтон-Вајтли ја покажа својата извајана фигура во минијатурни бикини за време на луксузниот семеен одмор со Џејсон Стетам.

39 годишната манекенка моментално ужива на Малта со 20 години повозрасниот Џејсон и нивните две деца – деветгодишниот син Џек и четиригодишната ќерка Изабела.

Парот веќе објави фотографии од одморот, но кога станува збор за Роузи, никогаш не е доволно.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Во Франција пронајдени тела на пет бебиња

Француските обвинители покренаа истрага за сомнително убиство откако во станот на еден пар во градот Оранж, во југоисточна Франција, беа пронајдени посмртните останки на пет новороденчиња, соопштија локалните правосудни органи.

Остатоците од бебињата биле пронајдени во картонски кутии за време на претрес на станот во историскиот центар на градот, спроведен од 32-годишниот партнер на жената, откако тој – според обвинителството – дури во напредна фаза дознал дека таа повторно е бремена, пренесува „Франс 24“.

Жената во неделата дома родила здраво дете, по што била пренесена во болница.

По пристигнувањето во станот, нејзиниот партнер пронашол остатоци за кои се сомневал дека се човечки остатоци и ги известил болничките вработени, кои го пријавиле случајот во обвинителството. Според првите наоди на судскиот испитувач, остатоците најверојатно им припаѓаат на пет бебиња, а причината и околностите на нивната смрт ќе бидат утврдени со обдукции.

Истражителите сè уште не разговарале со мајката, соопштија од обвинителството.

Двојката има и две деца на возраст од осум и девет години.

Тагови: Франција

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Шпанската пејачка ја откри вистината за нејзината врска со фудбалерот

Шпанската пејачка Ана Мена одлучи да проговори по бројните гласини што ја поврзуваат со сè попопуларниот фудбалер Феран Торес.

Шпанската пејачка Ана Мена категорично демантираше дека е во врска со напаѓачот на Барселона, Феран Торес – освојувач на Светското првенство во 2026 година со шпанската репрезентација – и ги нарече таквите тврдења „глупости“ и „апсурдни“, откако беа видени заедно за време на прославата на светската титула.

Пејачката веднаш реагираше на гласините што се појавија во медиумите деновиве, особено на оние што ја поврзуваат со фудбалерот на Барселона.

„Ова е бесмислица, за име на Бога. Навистина е смешно“, им изјави таа на собраните новинари, пренесува Goal.com.

Медиумите почнаа да ги поврзуваат Ана Мена и Феран Торес откако беа видени заедно на прослава на плоштадот Сибелес, организирана од Шпанската фудбалска федерација, а потоа и на приватна забава во еден од најпознатите ноќни клубови во Мадрид.

Шпекулациите дополнително се разгореа кога пејачката се појави во дрес со бројот 7, кој Торес го носи во шпанската репрезентација.

Кога ја прашале Анна зошто го носела токму тој дрес, Ана Мена кратко одговори: „Па, тоа е дресот што ми го дадоа, не знам.“

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.