Најмалку петмина загинати во две експлозии во Иран, Израел негира вмешаност (ВИДЕО) - Канал 5

Свет

Најмалку петмина загинати во две експлозии во Иран, Израел негира вмешаност (ВИДЕО)

Во две експлозии во згради, загинаа најмалку пет лица во Иран.

Најмалку петмина загинати во две експлозии во Иран, Израел негира вмешаност (ВИДЕО)

Режимот во Иран ги негираше извештаите дека цел на нападот бил воен командант. Инцидентите се случуваат во услови на зголемени тензии во регионот, објави Скај Њуз.

Една експлозија се случи во јужното иранско пристаниште Бандар Абас, каде што локалните медиуми објавија дека едно лице загинало, а 14 други се повредени. Втората експлозија, која се случи во Ахваз, град оддалечен повеќе од 1.000 километри, уби четири лица, потврдија локалните власти.

Иранските власти потврдија дека експлозијата во Ахваз е предизвикана од истекување на гас.

Се појавија нови снимки, кои ги покажуваат последиците од експлозијата

Нови снимки од последиците од експлозијата во пристанишниот град Бандар Абас се шират на социјалните мрежи.

YouTube video

Смртоносната експлозија во Ахваз е предизвикана од истекување на гас, додека причината за другата експлозија сè уште е непозната, јавува Anadolu Agency (AA).

Новинската агенција „Мехр“, повикувајќи се на противпожарните и безбедносните служби на општината Ахваз, објави дека експлозијата се случила во комплекс со четири станови во населбата Кианшахр. Во експлозијата загинале четири лица. Официјален претставник потврди дека несреќата е предизвикана од истекување во гасоводната мрежа на градот.

Во одделен инцидент, новинската агенција „Фарс“ објави дека непозната супстанца експлодирала во осумкатна зграда во јужниот ирански град Бандар Абас. Зградата се наоѓа во уличка покрај булеварот Моалем. Според првичните информации, во експлозијата загинало едно лице, а се повредени десетина. Повеќе од десетина возила паркирани во близина на зградата, исто така, биле оштетени.

Израел негира вмешаност во експлозиите.

Тагови: експлозија Иран

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Вечерва Бела ноќ во Скопје

Вечерва од 19:00 до 03:00 часот, плоштадите, мостовите, галериите, музеите и чаршијата ќе бидат места за нови доживувања и средби што се паметат.

Вечерва Бела ноќ во Скопје

- Има ноќи во кои градот се доживува поинаку. Ноќи во кои улиците стануваат сцена, уметноста ни доаѓа во пресрет, а музиката нè спојува. Скопје повторно ќе живее една таква ноќ, нашата Бела ноќ! Ве поканувам заедно да го исполниме Скопје со љубопитност, насмевки и енергија и да ја почувствуваме неговата креативна сила – истакна Градоначалникот на Град Скопје, Орце Ѓорѓиевски.

Само за „Бела ноќ“, работното време на угостителските објекти на подрачјето на Град Скопје се продолжува за два часа, за дружењето и убавата атмосфера да траат подолго.

За сите полесно да бидат дел од оваа ноќ, превозот со ЈСП ќе биде бесплатен од 18:00 часот на 3 октомври до 05:00 часот на 4 октомври.

Во рамките на „Бела ноќ“, бесплатен ќе биде и влезот во Зоолошката градина Скопје.

Уметноста ве очекува на плоштадот „Мајка Тереза“, на платото пред МОБ, во МКЦ, на Мостот на уметноста, на Боемска улица и во Старата скопска чаршија.

Дел од оваа ноќ ќе бидат и Музејот на Град Скопје, „Аудио Култура“, Домот на градежници, „Мала станица“, ДКЦ „Карпош“, Градската библиотека, Чифте амам, улицата „Македонија“ и Музејот на современа уметност.

Излезете со семејството, повикајте ги пријателите и одберете ја својата прва станица. Дозволете му на Скопје да ве изненади со нешто што досега не сте го виделе, слушнале или почувствувале.

Бела ноќ е покана за сите генерации, за сите што го сакаат овој град и за сите што допрва ќе го доживеат.

Да ги наполниме улиците со живот и да создадеме уште еден убав спомен за нашето Скопје!

Тагови: Бела ноќ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Мицкоски на увид на градежни активности на мостот на улица „Љубљанска“ во Карпош

Претседателот на Владата на Македонија, Христијан Мицкоски ќе изврши увид на градежни активности на мостот во изградба на улица „Љубљанска“ во Општина Карпош.

Мицкоски на увид на градежни активности на мостот на улица „Љубљанска“ во Карпош

По завршување на увидот предвидено е премиерот да даде изјава.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Посебен режим на сообраќај во Скопје поради фудбалски натпревар на арената „Тодор Проески“

Вечерва  со почеток од 20:45 часот ќе се одржи фудбалски натпревар од Лига на нации помеѓу репрезентациите на Македонија и Шкотска на арената „Тодор Проески“ во Скопје.

Посебен режим на сообраќај во Скопје поради фудбалски натпревар на арената „Тодор Проески“

Од тие причини СВР Скопје – Единицата за безбедност на патниот сообраќај ќе преземе мерки за посебен режим на сообраќајот.

Апел до сите граѓани учесници во сообраќајот да се почитуваат наредбите кои ќе ги даваат униформираните полициски службеници.

Тагови: Посебен режим

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер